државен секретар – Kurir.mk

Ентони Блинкен предложен за државен секретар на САД

Ивона Петрова — Tue, 26 Jan 2021 06:29:12 +0000

Одделението на американскиот Сенат за надворешни работи ја одобри номинацијата на Ентони Блинкен, кого новоизбраниот претседател Џо Бајден го предложи за државен секретар. Како што пренесуваат странските агенции, Одделението гласаше 15:3 за номинацијата, со што е отворен патот Блинкен да биде изгласан во Сенатот оваа недела и официјално како нов државен секретар. Пред него, на позицијата државен секретар на САД беше Мајк Помпео од редовите на Републиканците.

Даниел Смит назначен за в.д. државен секретар на САД

Ивона Петрова — Thu, 21 Jan 2021 07:22:05 +0000

Американскиот претседател Џо Бајден го назначи директорот на Институтот за надворешни работи Даниел Смит за вршител на должноста државен секретар, изјави портпаролот на Белата куќа. Смит ќе биде на должност додека Сенатот не го одобри кандидатот на Бајден за шеф на американската дипломатија Ентони Блинкен. Новиот претседател на САД назначи привремени шефови на 23 федерални агенции, вклучувајќи ги и министерствата за одбрана и за финансии.

Сузан Рајс можен избор на Бајден за државен секретар на САД

Магдалена Андонова — Sun, 15 Nov 2020 08:46:31 +0000

Поранешниот американски претседател Барак Обама лобира за неговата поранешна советничка за национална безбедност Сузан Рајс за функцијата државен секретар, јави Фокс њуз, повикувајќи се на извори. Демократската партија првично ја сметаше Рајс за можен потпретседател. Таа беше вклучена во списокот на потенцијални кандидати за таа функција, заедно со Камала Харис, која на крајот се кандидираше со Бајден. Според медиумот, мнозинството демократи веќе ја одобриле кандидатурата на Рајс за функцијата шеф на Стејт департментот, но штабот на веројатниот американски лидер продолжува да разгледува и други опции за назначувања. Според изворите, поранешниот државен потсекретар Тони Блинкен и Вилијам Барнс, како и сенаторот од Конектикат, Крис Марфи, исто така се натпреваруваат за тимот на Бајден. Сузан Рајс ги претставува САД во ОН – 2008-2013 година. Во 2013 година, Обама ја назначи за советник за национална безбедност. (МИА)

Државниот секретар и четворица вработени во МВР одат во самоизолација

Тале Кристо — Mon, 15 Jun 2020 11:23:43 +0000

Пет лица меѓу кои и државниот секретар во Министерството за внатрешни работи Магдалена Несторовска одат во самоизолација во домашни услови во рок од 14 дена, а останатите 62 анкетирани лица се враќаат на работно место со почитување на мерките, откако вчера беше утврдено дека двајца вработени во бифето на првата зграда во кругот на МВР се позитивни на коронавирус. Од МВР информираат дека во текот на вчерашниот ден од страна на епидемиолошкиот тим од Институтот за јавно здравје, а врз основа на доставен список на сите вработени кои имале контакт со двајцата вработени, направена им е епидемиолошка анкета на 67 лица, а воедно е направена и дезинфекција на сите работни простории во зградата. – Во извештајот кој денеска го добивме од епидемиолошкиот тим преку анкетниот прашалник утврдено е нивото на ризик кај анкетираните, при што кај пет лица е утврдено средно ниво на ризик, а меѓу нив е и државниот секретар во МВР г-ѓа Магдалена Несторовска. Петте лица одат во самоизолација во домашни услови во рок од 14 дена од последниот контакт со лице позитивно на Ковид 19 ,за останатите анкетирани 62 лица кои се проценети со низок ризик се препорачува задолжително носење на респираторна маска /заштитна маска за целото време на работниот процес. Истите може да се вратат на работно место, стои во соопштението од МВР. Министерството за внатрешни работи апелира до сите вработени за правилна и постојана употреба на лична заштитна опрема, одржување на соодветно растојание, често миење и дезинфекција на раце. Во канцелариите каде се сместени вработените, постојано да се врши проверување на просториите, а вработените задолжително да носат лична заштитна опрема додека се на работното место.

Трамп го смени Тилерсон, директорот на ЦИА е новиот државен секретар

Ивона Петрова — Tue, 13 Mar 2018 14:13:07 +0000

Американскиот претседател Доналд Трамп го смени денеска државниот секретар Рекс Тилерсон. - Мајк Помпео, директор на ЦИА, ќе биде нашиот нов државен секретар. Од него чекаме фантастична работа. Џина Хаспел ќе биде новиот директор на ЦИА и прва жена на таа позиција. Честитки!, напиша Трамп на „Твитер“. На чело на ЦИА е именувана Џина Хаспел, додегашен заменик директор. Според анонимен претставник на Белата куќа, претседателот на САД сака да има нов тим пред планираните преговори со Северна Кореја и различни трговски преговори. Тилерсон, поранешен извршен директор во Ексон Мобил ја извршуваше функцијата државен секретар нешто повеќе од една година Директорот на ЦИА Мајк Помпео наведе по повод именувањето, дека е благодарен што претседателот Трамп му дал шанса „да служи како директор на ЦИА и за можноста да служи како државен секретар“. „Неговото лидерство ги направи САД безбедни и се радувам што го претставувам него и американскиот народ пред останатиот свет. Работата со големи луѓе во ЦИА кои се најнапредни и најталентирани државни службеници со кои се сретнав, беше една голема чест во мојот живот“, напиша Помпео во соопштение. Џина Хаспел е прва жена именувана за нова директорка на ЦИА изјави: - По 30 години работа во ЦИА, чест ми е што бев заменик на Мајк Помпео во претходната година. Благодарна сум за можноста дадена од претседателот Трамп и неговата доверба во мене да ме избере за нов директор на ЦИА. МИА