Последната трка од државниот шампионат во автомобилизам ќе се вози на 1 ноември на патеката кон Пониква

Тале Кристо — Wed, 14 Oct 2020 20:55:46 +0000

По две одложувања на терминот, последната ридско-брзинска трка од овогодишниот државен шампионат во автомобилизам ќе се вози на 1 ноември на патеката кон Пониква. На состанокот што го иницираше градоначалникот на Кочани, Николчо Илијев, претставниците на Автомобилистичката федерација и сопствениците на угостителски објекти на Пониква се договориле трката да се вози, со оглед што таа е во функција на промоција на планинскиот центар. Притоа е постигната и согласност за идната година да се изготви календар на натпреварите. Кочани ја има најдобрата патека за ридско-брзински трки во Македонија, а Пониква е прекрасно место и штета е да се прекине традицијата стара 30 години. Автомобилизмот е високоризичен спорт и бара многу ангажман и финансиски средства за подготовки, поради што задоволни сме што со помош на локалната власт најдовме заеднички јазик со угостителите и годинава успешно ќе го привршиме државниот шампионат, истакна Ранко Станојковски, претседател на комисијата за спорт при Автомобилистичката федерација на Македонија. Угостителите на Пониква се противеа на одржувањето на ридско-брзинските трки поради затворањето на патеката, која е дел од регионалниот патен правец кон планинскиот центар на Осогово, со образложение дека во деновите додека трае натпреварувањето посетителите не можат да стигнат до угостителските објекти. На работниот состанок е заклучено ридско-брзинските трки на Пониква од догодина да се одржуваат во последната седмица од април и во првата од септември, во периодот меѓу 12 и 16 часот, а организаторот да води сметка тоа да не биде продолжен празничен викенд.

Одржан 50. Државен шампионат во традиционално карате

Дарко Андоновски — Mon, 16 Apr 2018 06:29:54 +0000

Во „Будо Карате Центарот Недеви“ во Скопје викендот се одржа 50. Државен шампионат на Македонија во традиционално карате (кати) за сениори, младинци, јуниори, кадети и деца. Најдобри во сениорска/младинска конкуренција беа Огнен Тасевски и Мила Саздова, двајцата од Работнички. Кај јуниорите, првите места ги освоија Александар Гроздановски од ЈСП и Јана Милевска од Работнички. Димитар Витанов од АБЦ-Струмица и Александра Стојановска од ШИ станаа шампиони во кадетска конкуренција. На шампионатот на кој земаа учество 23 клубови со 168 натпреварувачи награди им беа доделени и на каратистите од најмладите категории.

државен шампионат – Kurir.mk

Последната трка од државниот шампионат во автомобилизам ќе се вози на 1 ноември на патеката кон Пониква

Одржан 50. Државен шампионат во традиционално карате