Државна изборна комисија – Kurir.mk

ДИК ги соопшти првичните официјални резултати од вториот круг на локалните избори

Дарко Андоновски — Mon, 01 Nov 2021 14:33:09 +0000

Државната изборна комисија (ДИК) денеска на прес-конференција ги соопшти првичните официјални резултати од вториот круг од локалните избори според кои Скопје и 43 општини во земјава добија градоначалници. Првичните официјални резултати, како што информира претседателот на Комисијата Александар Даштевски, се врз основа на записниците што општинските изборни комисии ги доставиле до ДИК. Согласно објавените првични официјални податоци ВМРО-ДПМНЕ и коалицијата „За подобра Македонија“ во вториот круг од Локалните избори освоија градоначалнички места во 20 општини и тоа во Битола, Брвеница, Василево, Вевчани, Гевгелија, Демир Хисар, Зелениково, Конче, Кочани, Кратово, Лозово, Македонска Каменица, Македонски Брод, Ново Село, Пехчево, Охрид, Ранковце, Ресен, Чешиново-Облешево и Радовиш. Коалицијата „Најдоброто за мојата општина“ предводена од СДСМ освои градоначалнички места во седум општини – Демир Капија, Пробиштип, Росоман, Старо Нагоричане, Чашка, Чучер Сандево и Центар. Седум градоначалнички места во вториот круг освои и ДУИ и тоа во Арачиново, Боговиње, Долнени, Кичево, Струга, Теарце и Чаир. Алијасна за Албанците и Алтернатива има градоначалници во Врапчиште и Гостивар, а БЕСА во Желино и Тетово. ГРОМ има нов градоначалник во Карпош, ДПА во Студеничани, а коалицијата на ЛДП и ДОМ освои градоначалничко место во Шуто Оризари. Независни кандидати победија во Дебрца, Куманово и Скопје. Во првиот круг од гласањето, од коалицијата предводена од ВМРО-ДПМНЕ, градоначалници беа избрани во: Аеродром – Тимчо Муцунски, Босилово – Ристо Манчев, Бутел – Дарко Костовски, Велес – Марко Колев, Виница – Миле Петков, Гази Баба – Бобан Стефковски, Ѓорче Петров – Александар Стојковски, Градско – Киро Нацков, Зрновци – Борчо Коцев, Илинден – Александар Ѓоргиевски, Јегуновце – Димитар Костадиновски, Кавадарци – Митко Јанчев, Карбинци – Виктор Паунов, Могила – Драганчо Сабатковски, Неготино – Горан Стојанов, Новаци – Стевче Стевановски, Петровец – Борче Митевски, Прилеп – Борче Јовчевски, Свети Николе – Дејан Владев, Сопиште – Стевче Трпковски, Штип – Иван Јорданов. Од СДСМ и коалицијата „Најдоброто за мојата општина“ избрани градоначалници има во општините Берово – Звонко Пекевски, Богданци – Блаже Шапов, Валандово – Перо Костадинов, Делчево – Горан Трајковски, Дојран – Анго Ангов, Крива Паланка – Сашко Митовски, Кривогаштани – Николче Мицковски, Крушево – Томе Христовски, Струмица – Констадин Костадинов, во Липково и Сарај во првиот круг има избрано двајца градоначалници од ДУИ, тоа се Еркан Арифи, односно Блерим Беџети.

ДКСК утврдила 710 случаи на неподнесување анкетен лист за имотна состојба, за сите прекршочни платни налози

Дарко Андоновски — Mon, 01 Nov 2021 09:35:23 +0000

Државната комисија за спречување на корупцијата (ДКСК) од увидот во изданијата на Службен весник од 2021 година и по увидот во својата евиденција утврдила дека во 710 случаи по избори и именувања односно престанок на функцијата не е исполнета законската обврска односно во законски предвидениот рок од 30 дена лицата не поднеле анкетен лист до Антикорупциската комисија. Против сите лица за кои е утврдено дека во законски утврдениот рок не ја исполниле законската обврска за поднесување анкетен лист до Антикорупција, информираше на денешната седница Билјана Ивановска, претседател на ДКСК, ќе им се издаде прекршочен платен налог, за сторен прекршок во членот 82 од Законот за спречување на корупција и судир на интереси. – Ова значи дека се работи по сите овие предмети, се обезбедуваат податоци онаму каде што недостасуваат, имајќи предвид дека во Служебен весник има податоци само за име и презиме, нема матични броеви, така што за сите овие лица ќе им се изработат платни налози односно ќе започне прекршочна постпака понатаму доколку не ги платат платните налози, појасни Ивановска, додавајќи дека како ќе бидат завршувани предметите на кого се однесуваат, така ќе бидат и објавувани.

Од ДИК не очекуваат проблеми со гласањето со отпечаток од прст, имало дополнителни обуки

Дарко Андоновски — Sat, 30 Oct 2021 16:34:56 +0000

Државната изборна комисија (ДИК) очекува на утрешното гласање за вториот круг од локалните избори да се надминат проблемите со уредите за биометриска идентификација на гласачите. На денешната прес-конференција, портпаролката на ДИК, Љупка Гугучевска, рече дека биле спроведени дополнителни обуки за избирачките одбори на кои уште еднаш им било објаснето ракувањето со уредите за гласање со отпечаток на прст. „Она што беше утврдено како потешкотија во однос на ракувањето со уредите за биометриска идентификација на гласачите, ние како ДИК го тангиравме на неколку начини – пред се, имаше уште една тура на обуки за претседателите и заменик-претседателите на избирачките одбори за уште еднаш да им бидат појаснети процедурите, така што очекуваме во голем дел проблемите кои се појавија во првиот круг да бидат надминати. Преку изборните комисии имаат добиено и доополнителни насоки за постапување кои треба да им ја олеснат работата. Освен тоа, на располагање имаме се уште над 400 лица за техничка поддршка на избирачките одбори“, рече Гугучевска. Во првиот круг од изборите, проблеми со уредите за биометриска идентификација имаше во голем дел од гласачките места, па граѓаните гласаа со оставање отпечаток од прст на хартиениот избирачки список. Државната изборна комисија тогаш даде инструкции до избирачките одбори редовно да го чистат скенерот каде што се остава отпечатокот од прст и гласачите посилно да притискаат кога го оставаат отпечатокот на скенерот. Подоцна, од ,,Дермалог” за ,,360 степени” објаснија дека притискањето не помага. Уредите за биометриска идентификација на гласачите, кои граѓаните ги чинеа 11 милиони евра, не поминаа пилот-проверка пред денот на изборите.

ДИК одобри уште 347 акредитации за набљудување на локалните избори во недела

Дарко Андоновски — Fri, 29 Oct 2021 21:51:10 +0000

Државната изборна комисија (ДИК) на седница одржана во петокот одобри уште 347 акредитации за набљудување на вториот круг од локалните избори, а на дневен ред на седницата беа и постапувањата по приговорите за заштита на лично избирачко право и постапување по приговори на гласачите кои се одбиени за гласање како болни и немоќни лица. ДИК одобри акредитација како дополнување на уште 221 набљудувач од Аксиос 2017, дополнување на 125 набљудувачи од Здружението за афирмација на хумани вредности и младинска интеграција Мак Сонце, како и за едно лице од Амбасада на Кралството Шпанија.

ДИК ги објави конечните резултати, во вториот круг гласање во 44 општини

Ивона Петрова — Sat, 23 Oct 2021 11:16:02 +0000

Во вториот круг од Локалните избори, што ќе се одржи на 31 октомври 2021 година, ќе се гласа во вкупно 44 општини. Во Маврово-Ростуше и Центар Жупа ќе се повтори гласањето, бидејќи не е исполнет законскиот цензус на гласање да излезат најмалку една третина од запишаните гласачи во Избирачкиот список. Државната изборна комисија во рок од 15 дена ќе ја извести Владата, за таа потоа да го извести Собранието, кое треба да распише нови избори за овие две општини. Ова на денешната прес-конференција го соопшти претседателот на Државната изборна комисија, Александар Даштевски, како дел од известувањето за конечност на резултати од гласањето за избори на членови на совет на општините на град Скопје и градоначалници на општините и градоначалник на Град Скопје одржани на 17 октомври овој месец. Според податоците што ги соопшти Даштевски, во првиот круг од гласањето, од коалицијата предводена од ВМРО-ДПМНЕ, градоначалници се избрани во: Аеродром – Тимчо Муцунски, Босилово – Ристо Манчев, Бутел – Дарко Костовски, Велес – Марко Колев, Виница – Миле Петков, Гази Баба – Бобан Стефковски, Ѓорче Петров – Александар Стојковски, Градско – Киро Нацков, Зрновци – Борчо Коцев, Илинден – Александар Ѓоргиевски, Јегуновце – Димитар Костадиновски, Кавадарци – Митко Јанчев, Карбинци – Виктор Паунов, Могила – Драганчо Сабатковски, Неготино – Горан Стојанов, Новаци – Стевче Стевановски, Петровец – Борче Митевски, Прилеп – Борче Јовчевски, Свети Николе – Дејан Владев, Сопиште – Стевче Трпковски, Штип – Иван Јорданов. Од СДСМ и коалицијата „Најдоброто за мојата општина“ избрани градоначалници има во општините Берово – Звонко Пекевски, Богданци – Блаже Шапов, Валандово – Перо Костадинов, Делчево – Горан Трајковски, Дојран – Анго Ангов, Крива Паланка – Сашко Митовски, Кривогаштани – Николче Мицковски, Крушево – Томе Христовски, Струмица – Константин Костадинов, во Липково и Сарај во првиот круг има избрано двајца градоначалници од ДУИ, тоа се Еркан Арифи, односно Блерим Беџети. По одржаното гласање на 17 октомври 2021 година, во вториот круг, кој ќе се одржи на 31 октомври 2021 година, ќе се гласа за следните кандидати за градоначалници во општините: Арачиново: Ридван Ибраими од ДУИ и Меликије Халими од СДСМ Битола: Тони Коњановски од ВМРО-ДПМНЕ и СДСМ Христо Кондовски Боговиње: Бесник Емши од ДУИ и Аљбон Џемаили од Алијанса и Алтернатива Брбеница: Јовица Илиевски од ВМРО-ДПМНЕ и Енвер Пајазити – независен Василево: Славе Андонов од ВМРО-ДПМНЕ и Марјан Јанев од ВМРО-ДПМНЕ Вевчани: Спасе Кочовски од ВМРО-ДПМНЕ и Сашо Јанкоски СДСМ Врапчиште: Неби Реџепи од ДУИ и Исен Шабани од Алијанса и Алтернатива Гевгелија: Андон Сарамандов од ВМРО-ДПМНЕ и Сашо Поцков од СДСМ Гостивар: Невзат Бејта од ДУИ и Арбен Таравари од Алијанса и Алтернатива Дебарца: Игор Крцовски од СДСМ и Зоран Ногачевски – независен Демир Капија: Андон Донев од ВМРО-ДПМНЕ и Лазар Петров од СДСМ Демир Хисар: Никола Најдовски од ВМРО-ДПМНЕ и Стевче Митревски од СДСМ Долнени: Урим Ибески од ДУИ и Аднан Џафероски од СДСМ Желино: Фатмир Изаири од ДУИ и Блејерим Сејдини од Беса Зелениово: Коста Маневски од ВМРО-ДПМНЕ и Борче Гиевски од СДСМ Карпош: Стевчо Јакимовски ГРОМ и Душко Весковски од СДСМ Кичево: Фатмир Дехари од ДУИ и Александар Јовановски од ВМРО-ДПМНЕ Кочне: Злавко Ристов од ВМРО-ДПМНЕ и Благој Илиев од СДСМ Кочани: Љупчо Папазов од ВМРО-ДПМНЕ и Николчо Илијев од СДСМ Кратово: Тодорче Николовски од ВМРО-ДПМНЕ и Влатко Бојковски од СДСМ Куманово: Оливер Илиевски од СДСМ и Максим Димитриевски – независен Лозово: Бошко Цветковски од ВМРО-ДПМНЕ и Ацо Велковски од СДСМ Македонска Каменица: Димчо Атанасовски од ВМРО-ДПМНЕ и Соња Стаменкова од СДСМ Македонски Брод: Жарко Ристевски од ВМРО-ДПМНЕ и Ацо Новески – независен Ново Село: Ѓорге Божинов од ВМРО-ДПМНЕ и Звонко Ангелов од СДСМ Охрид: Кирил Пецаков од ВМРО-ДПМНЕ и Костандин Георгиевски од СДСМ Пехчево: Александар Китановски од ВМРО-ДПМНЕ и Славко Пандурски од СДСМ Пробиштип: Марјан Миленковски од ВМРО-ДПМНЕ и Драган Анастанов од СДСМ Радовиш: Ацо Ристов од ВМРО-ДПМНЕ и Коле Чаракчиев од СДСМ Ранковце: Борче Спасовски од ВМРО-ДПМНЕ и Даниел Крстевски од СДСМ Ресен: Јован Терзиевски од ВМРО-ДПМНЕ и Живко Гошаревски од СДСМ Росоман: Тихомир Николов од ВМРО-ДПМНЕ и Стојан Николов од СДСМ Старо Нагоричане: Жаклина Јовановска од СДСМ и Власте Димковиќ од ТМРО Струга: Рамиз Мерко од ДУИ и Идри Истрефи од Алијанса и Алтернатива Студеничани: Ејуп Абази од ДУИ и Азен Садики од ДПА Теарце: Нухи Незири од ДУИ и Назим Таити од Алијанса и Алтернатива Тетово: Теута Арифи од ДУИ и Билал Касами од Беса Центар: Наташа Котлар-Трајкова од ВМРО-ДПМНЕ и Горан Герасимовски од СДСМ Чаир: ДУИ Висар Ганиу и Беким Сали од Алијанса и Алтернатива Чашка: Суат Шаќиров од ДУИ и Горан Стојановски од СДСМ Чешиново-Облешево: Далибор Ангелов од ВМРО-ДПМНЕ и Горанчо Крстев од СДСМ Чучер Сандево: Сашко Комненовиќ од СДСМ и Јован Пејковски – независен Шуто Оризари: Курто Дудиш од ДОМ/ЛДП и Ферат Асани од СДСМ Град Скопје: Петре Шилегов од ВМРО-ДПМНЕ и Данела Арсовска, независна, поддржана од ВМРО-ДПМНЕ Приговори за гласање на листите на кандидати за градоначалници до ДИК има поднесено за општините Дебар, Шуто Оризари, Пласница и Кисела Вода. Додека, приговори за гласање на листите за кандидати за членови на општините има за Дебар, Шуто Оризари, Лозово, Тетово, Пласница, Штип и Кисела Вода. Конечните резултати за советите во Општините и Градот Скопје, од ДИК најавија дека ќе ги објават во текот на денот.

ДИК: Во Центар Жупа и Маврово Ростуша ќе се гласа повторно

Магдалена Андонова — Mon, 18 Oct 2021 19:30:59 +0000

На денешната пресконференција во 20:00 часот, претседателот на ДИК, Александар Даштевски соопшти дека во две општини ќе се повтори целата изборна постапка. - Во две општини Центар Жупа и Маврово и Ростуша заради неисполнување на законскиот услов од една третина од запишаните гласачи да излегле на гласање ќе се повтори целата изборна постапка чл.132 ст.2 од Изборниот законик, соопшти Даштевски.

ДИК: Досега избрани 31 градоначалник во прв круг, 19 доби ВМРО-ДПМНЕ

Ивона Петрова — Mon, 18 Oct 2021 09:39:43 +0000

Согласно обработените 100 отсто од податоци од Државната изборна комисија (ДИК) до овој момент на вчерашните Локални избори во првиот круг избрани се 32 градоначалници, од кои за еден не е исполнет цензусот за излезеност, а се уште не се целосно обработени гласовите за останатите општини и Градот Скопје. Во општина Арачиново од обработени 100 отсто од гласачките ливчиња, кандидатот на ДУИ освоил 44,23 отсто од гласовите, а на СДСМ и коалицијата 39,14 отсто, што значи дека ќе има втор круг. Во Берово победник е кандидатот на СДСМ и коалицијата Звонко Пекевски со освоени 51,25 отсто од гласовите. Во Битола во вториот круг се пласираат кандидатите на ВМРО-ДПМНЕ со освоени 42,83 отсто од гласовите и кандидатот на СДСМ со освоени 39,3 отсто од гласовите. Во Богданци победи кандидатот на СДСМ Блаже Шапов со освоени 50,70 отсто од гласовите. Во Боговиње во вториот круг се пласираа кандидатот на ДУИ до 47,29 отсто и на Коалицијата Алијанса за Албанците и алтернатива со 27,54 отсто од гласовите. Во Босилово победник е кандидатот на ВМРО-ДПМНЕ со освоени 58,33 отсто од гласовите. Во Брвеница ќе има втор круг меѓу кандидатите на ВМРО-ДПМНЕ со освоени 29,67 отсто до гласовите и на Група избирачи – Енвер Пајазити со 19,07 отсто. Во Бутел победник е кандидатот на ВМРО-ДПМНЕ со освоени 52,79 отсто од гласовите. Во Валандово победи кандидатот на СДСМ со освоени 57,73 отсто од гласовите. Во Василево во вториот круг се пласираа кандидатите на ВМРО-ДПМНЕ и СДСМ со освоени 48,81, односно 47,94 отсто од гласовите. Во Вевчани ќе има втор круг меѓу кандидатите на ВМРО-ДПМНЕ и СДСМ кои освоија 49,68, односно 44,69 отсто од гласовите. Во Велес победи кандидатот на ВМРО-ДПМНЕ Марко Колев со освоени 51,63 проценти од гласовите Во Виница победи кандидатот на ВМРО-ДПМНЕ Миле Петков со освоени 54,74 отсто од гласовите. Во Врапчиште во втор круг одат кандидатите на АА и Алтернатива и ДУИ со освоени 41,38, односно 34,58 отсто од гласовите. Во Гази Баба победи кандидатот на ВМРО-ДПМНЕ, Бобан Стефковски со освоени 60,07 проценти од гласовите. Во Гевгелија во втор круг ќе одат кандидатите на ВМРО-ДПМНЕ и на СДСМ со освоени 47,11 отсто , односно 34,69 отсто од гласовите. Во Гостивар ќе има втор круг меѓу кандидатите на АА и Алтернатива и ДУИ кои освоија 49,88 отсто односно 41,84 отсто од гласовите. Во Градско победи кандидатот на ВМРО-ДПМНЕ Киро Нацков со освоени 55,66 отсто од гласовите. Во Дебар во втор круг ќе одат кандидатите на АА и Алтернатива и на ДУИ со освоени 49,69, односно 46,15 отсто од гласовите. Во Дебрца во втор круг ќе одат кандидатите на група избирачи – Зоран Ногачески со 36,96 отсто од гласовите и кандидатот на СДСМ со 34,36 отсто од гласовите. Во Делчево победи кандидатот на СДСМ Горан Трајковски со освоени 51,14 отсто од гласовите. Во Демир Капија во втор круг ќе одат кандидатите на СДСМ со освоени 48,59 и ВМРО-ДПМНЕ со 47,59 отсто од гласовите. Во Демир Хисар во втор круг ќе бидат кандидатите на СДСМ и на ВМРО-ДПМНЕ со освоени 47,37 отсто од гласовите, односно 46,92 отсто. Во Дојран победи кандидатот на СДСМ Анго Ангов со освоени 53,21 отсто од гласовите. Во Долнени во втор круг одат кандидатите на ДУИ со 28,56 отсто од гласовите и на СДСМ со 21,22 отсто. Во Желино во втор круг ќе се соочат кандидатите на ДУИ и БЕСА со освоени 46,63 односно 42,09 отсто од гласовите. Во Зелениково во втор круг одат кандидатите на ВМРО-ДПМНЕ со 45,4 отсто од гласовите и СДСМ со 44,3 отсто. Во Зрновци победи кандидатот на ВМРО-ДПМНЕ Борчо Коцев со освоени 54,54 отсто од гласовите. Во Илинден победи кандидатот на ВМРО-ДПМНЕ Александар Георгиевски со освоени 53,4 отсто од гласовите. Во Јегуновце победи кандидатот на ВМРО-ДПМНЕ Димитар Костадиноски со освоени 50,4 отсто од гласовите. Во Кавадарци победи кандидатот на ВМРО-ДПМНЕ со освоени 72,35 отсто од гласовите. Во Карбинци победи кандидатот на ВМРО-ДПМНЕ Виктор Паунов со освоени 59,4 отсто од гласовите. Во Кичево во втор круг ќе одат кандидатите на ВМРО-ДПМНЕ и на ДУИ со освоени 38,42, односно 37,3 отсто од гласовите. Во Конче во втор круг ќе одат кандидатите на СДСМ и ВМРО-ДПМНЕ со освоени 46,83, односно 41,56 отсто од гласовите. Во Кочани во втор круг ќе одат кандидатите на СДСМ и на ВМРО-ДПМНЕ со освоени 48,16, односно 45,3 отсто од гласовите. Во Кратово во втор круг ќе одат кандидатите на ВМРО-ДПМНЕ и на СДСМ со освоени 48,89,односно 29,71 отсто од гласовите. Во Крива Паланка победи кандидатот на СДСМ Сашко Митовски со освоени 54,75 отсто од гласовите. Во Кривогаштани победи кандидатот на СДСМ Николче Мискоски со освоени 50,83 отсто од гласовите. Во Крушево победи кандидатот на СДСМ Томе Христоски со освоени 52,7 отсто од гласовите. Во Липково победи кандидатот на ДУИ Еркан Арифи с освоени 72,59 отсто од гласовите. Во Лозово во втор круг ќе одат кандидатите на СДСМ и ВМРО-ДПМНЕ со освоени 44,78, односно 27,58 отсто од гласовите. Во Маврово и Ростуше во втор круг ќе одат кандидатите на СДСМ и на ВМРО-ДПМНЕ со освоени 48,15, односно 48 отсто од гласовите. Во Македонска Каменица во втор круг ќе одат кандидатите на СДСМ и ВМРО-ДПМНЕ со освоени 32.23, односно 30,41 отсто од гласовите. Во Македонски Брод во втор круг ќе одат кандидатите на ВМРО-ДПМНЕ и Група избирачи – Ацо Новески со освоени 37,39, односно 31,59 отсто од гласовите. Во Могила победи кандидатот на ВМРО-ДПМНЕ Драганчо Саботковски со освоени 57,28 отсто од гласовите. Во Неготино победи кандидатот на ВМРО-ДПМНЕ Горан Стојанов со освоени 51,94 отсто од гласовите. Во Новаци победи кандидатот на ВМРО-ДПМНЕ Стевче Стевановски со освоени 51,29 отсто од гласовите. Во Ново Село во втор круг ќе одат кандидатите на ВМРО-ДПМНЕ и СДСМ со освоени 48,88, односно 47,51 отсто од гласовите. Во Охрид во втор круг ќе одат кандидатите на ВМРО-ДПМНЕ и СДСМ со освоени 48,54, односно 42,05 отсто од гласовите. Во Петровец победи кандидатот на ВМРО-ДПМНЕ Борче Митевски со освоени 63,84 отсто од гласовите. Во Пехчево во втор круг ќе одат кандидатите на СДСМ и ВМРО-ДПМНЕ со освоени 39,73, односно 38,72 отсто од гласовите. Во Пласница победи кандидатот на ДУИ Алија Јаоски со освоени 76,65 отсто од гласовите. Во Пробиштип во втор круг ќе одат кандидатите на СДСМ и ВМРО-ДПМНЕ со освоени 49,41, односно 43,99 отсто од гласовите. Во Прилеп победи кандидатот на ВМРО-ДПМНЕ, Борче Јовчески со освоени 54,84 отсто од гласовите. Во Ранковце во втор круг ќе одат кандидатите на ВМРО-ДПМНЕ и СДСМ со освоени 42,6, односно 38,69 отсто од гласовите. Во Росоман во втор круг ќе одат кандидатите на СДСМ и ВМРО-ДПМНЕ со освоени 45,38, односно 37,43 отсто од гласовите. Во Сарај победи кандидатот на ДУИ Блерим Беџети со освоени 73,1 отсто од гласовите. Во Свети Николе победи кандидатот на ВМРО-ДПМНЕ Дејан Владев со освоени 51,97 отсто од гласовите. Во Сопиште победи кандидатот на ВМРО-ДПМНЕ Стефче Трпковски со освоени 65,03 отсто од гласовите. Во Старо Нагоричане во втор круг ќе одат кандидатите на СДСМ и ТМРО со освоени 49,56, односно 26,63 отсто од гласовите. Во Струга во втор круг ќе одат кандидатите на ДУИ и АА и Алтернатива со освоени 40,5, односно 34,82 отсто од гласовите. Во Струмица победи кандидатот на СДСМ Костадин Костадинов со освоени 53,7 отсто од гласовите. Во Студеничани во втор круг ќе одат кандидатите на ДПА и ДУИ со освоени 38,7, односно 31,85 отсто од гласовите. Во Теарце во втор круг ќе одат кандидатите на ДУИ и АА и Алтернатива со освоени 40,82, односно 25,25 отсто од гласовите. Во Тетово во втор круг ќе одат кандидатите на ДУИ и БЕСА со освоени 29,04, односно 27,37 отсто од гласовите. Во Центар Жупа победи кандидатот на ДПТМ Аријан Ибраим со освоени 71, 16 отсто од гласовите, но таму излезеноста е под дозволениот цензус. Во Чашка во втор круг ќе одат кандидатите на СДСМ и ДУИ со освоени 39,36, односно 33,5 отсто од гласовите. Во Чешиново Облешево во втор круг ќе одат кандидатите на ВМРО-ДПМНЕ и СДСМ со освоени 41,43, односно 38 отсто од гласовите. Во Штип победи кандидатот на ВМРО-ДПМНЕ Иван Јорданов со освоени 54,22 отсто од гласовите.

ЛОКАЛНИ ИЗБОРИ: Ако е потребно гласањето ќе продолжи и по 19 часот

Катерина Бојаџиева — Sun, 17 Oct 2021 14:23:42 +0000

Гласањето ќе се продолжи за граѓаните кои ќе се најдат на избирачките места и во дворовите на објектите по 19 часот и тие ќе можат да го остварат своето право на глас, истакна денеска претседателот на Државната изборна комисија (ДИК) Александар Даштевски охрабрувајќи ги граѓаните масовно да излезат и да гласаат на локалните избори. ДИК испратил мејл до општинските изборни комисии со известување да ги информираат избирачките одбори да им овозможат на граѓаните да гласаат и по 19 часот, ако е потребно. Гужвите или како што кажа успорувањето на гласањето на овие избори е поради многуте страници на Избирачкиот список и многуте листови за гласање, една четвртина од отпечатоците од прсти кои ги добиле не биле со добар квалитет, како и поради мерките за заштита од Ковид-19. -За Град Скопје има четири ливчиња, има огромни избирачки списоци, проверката трае двојно. И таму ќе биде дозволено да се гласа се додека не гласа и последниот гласач, рече Даштевски. Инаку, во 7 часот почна гласањето на седмите локални избори од осамостојувањето на државата. Се гласа на 3 480 избирачки места, на кои до 19 часот правото на глас можат да го искористат 1 824 864 граѓани. Од вкупниот број гласачи, во изводите на Избирачкиот список се запишани 1 740 147. Во посебните извори од Избирачкиот список се запишани 82 461 лице, кои се на привремена работа или престој во странство, во согласност со евиденцијата на надлежниот орган, 1 899 гласачи кои на денот на изборите се на издржување казна затвор или се во притвор: 351 лице во установи за вонсемејно сместување и шест гласачи кои, во согласност со евиденцијата на Министерството за труд и социјална политика, се запишани како раселени лица. Првпат оваа година гласачите ќе се идентификуваат со уреди за биометриска идентификација преку отпечаток од прст. Овие уреди ќе ги содржат само личните податоци за гласачите од Избирачкиот список во избирачкото место. Исклучок од гласањето со уреди за биометриска идентификација се лицата кои гласаа вчера – болните, немоќните, лицата со Ковид-19 и во самоизолација, чии барања биле прифатени од општинските изборни комисии. Вчера гласаа и затворениците, лицата во притвор, во старските домови и внатрешно раселените лица.

Во 11 избирачки места гласањето ќе биде продолжено, на многу локации се создава гужва

Ивана Ефремовски — Sun, 17 Oct 2021 12:00:08 +0000

Претседателот на Државната изборна комисија, Александар Даштевски комисија информираше дека во 11 избирачки места имало прекин подолг од еден час, што би значело дека таму ќе се продолжи гласањето толку колку што е пропуштено. Рече дека на многу избирачки места се создава гужва, а причина за тоа биле мерките против пандемијата. -Се создава гужва затоа што во училниците се создава по еден човек. Веќе ние имаме упатство и инструкции дадено до Општинските изборни единици да се пуштат толку луѓе колку што има кутии внатре за гласање. На два метри е дистанцата, но колку што имаа кутии, толку се пуштаат бидејќи сериозен проблем се појавува со создавањето на гужви. Знаеме дека во тој случај, согласно Законот, сите што се наоѓаат пред местото за гласање треба да им се дозволи да гласаат, рече Даштевски.

Досега најмногу граѓани гласале во Прилеп, еве ја излезноста по општини

Ивона Петрова — Sun, 17 Oct 2021 07:58:59 +0000

Прилеп е општината каде досега гласале најголем број граѓани. Според податоците од Државната изборна комисија досега своето гласачко право во оваа општина го оствариле 2.306 лица. Над 1.000 гласачи од отворањето на избирачките места во 7 часот се регистрирани во општините Аеродром, Битола, Бутел, Кисела Вода, Велес, Кавадарци, Куманово, Охрид, Ресен, Тетово и Чаир.