Врачена државната награда „8 Септември“

Ивона Петрова — Sat, 08 Sep 2018 10:30:54 +0000

Државната награда „8 Септември“ за животно дело и признанија за високи остварувања во областа на спортот денеска беа врачени во Собранието на Република Македонија. Таки Џиков, кој речиси половина век е во спортот, на разнии функции, а најмногу во одбојката, е добитник на годинашната државна награда за животно дело „8 Септември“, која по седми пат ја доделува Агенцијата за млади и спорт. Признанија за остварувања во областа на спортот добија Стефан Гешовски-кошарка, Сашко Арсовски-карате, Владимир Радиќ-ракомет и Ристо Таков-борење. Наградата на Таки Џиков му ја додели директорот на Агенцијата за млади и спорт Дарко Каевски и изрази честитки до сите наградени. Џиков им го честита празникот 8 Септември на сите граѓани и нагласи дека на државата и е потребна нова стратегија како да се создадат нови, квалитетни, стручни кадри кои ќе го доближат спортот до младите и тој да стане нивно секојдневие. Смета дека преку спортот младите ќе се дистанцираат од пороците и оти на тој начин се создаваат здрави и млади генерации кои и се потребни на државата. На доделувањето на наградите присуствуваа спортисти, тренери, претставници од спортските федерации...

Димков: СДСМ го партизира одборот за доделување на Државната награда 8 Септември

Предраг Кукиќ — Mon, 27 Aug 2018 14:44:24 +0000

Пратеникот на ВМРО-ДПМНЕ, Трајче Димков на денешната седница на собраниската Комисијата за прашања на изборите и именувањата, истакна дека СДСМ го партизира одборот за доделување на спортската државната награда 8 Септември со назначување на таткото на актуелниот градоначалник на Општина Кисела Вода Зоре Темелковски. - Јас само сакам да истканам и да им се заблагодарам на досегашните членови кои што ја врше ова улога, тоа се претседателот Ѓорѓе Војновиќ, проф. д-р Зоран Радиќ, проф. д-р Ленче Алексовска - Величковска, проф. д-р Јовица Угриновски, д-р Руждија Калач, Александар Пујовски Атанас Николовски, Врбица Стефанов, Пепи Манасков, Зоран Михајлов, Гоце Седловски, Астрид Исени и Мустафа Алиу, потенцираше Димков. Тој праша зошто уште еднаш се извалка името на спортистите и зошто се партизира овој одбор. - Во целот одборот е добар, но морам да ја споменам една личност а тоа е Зоре Темелковски на кој не му е местото овде. За сите други се согласувам и гласам, еден по еден би гласал за сите поединечно, да треба да бидат дел од овој одбор. Меѓутоа Зоре Темелковски да биде дел од овој тим не го гледам како личност, тој бил спортски работник меѓутоа да не заборавиме дека неговиот син е градоначалник на Општина Кисела Вода и се прави непотизам со тоа, истакна Димков. Тој на краот потести дека другиот син е всушност спортски директор на КФМ и спорд некој индиции ќе го назначат за претседател на КФМ, и праша дали фамилијата темелковски се тие што треба да бидат во спортот.

државна награда 8 септември – Kurir.mk

Врачена државната награда „8 Септември“

Димков: СДСМ го партизира одборот за доделување на Државната награда 8 Септември