државно земјиште – Kurir.mk

Си доградил деловен простор на државно земјиште, кривична за охриѓанец

Ивана Ефремовски — Thu, 27 Jul 2023 17:58:45 +0000

СВР Охрид поднесе кривична пријава против З.Ј.(55) од Охрид, поради постоење основи на сомнение за сторени кривични дела „бесправно градење“ и „узурпација на недвижности“. На 22.06.2023, градежен инспектор од Одделение за инспекциски надзор при општина Охрид извршил вонреден инспекциски надзор, при што било констатирано дека пријавениот извршил доградба на деловен простор и узурпирал државно земјиште без да поседува одобрение за градење.

Узурпирал државно земјиште и нелегално изградил викенд куќа

Ивана Ефремовски — Wed, 28 Sep 2022 20:40:54 +0000

ОВР Дебар поднесе кривична пријава против Ш.С.(74) од дебарското село Отишани, поради постоење основи на сомнение за сторени кривични дела „узурпација на недвижности“ и „бесправно градење“. Тој, во текот на 2021 година, во месноста „Манастирец“, бесправно узурпирал државно земјиште со површина од 29 метри квадратни и нелегално изградил викенд куќа. Со тоа се стекнал со противправна имотна корист од 57.420 денари.

Скопјанец започнал градба на државно земјиште без дозвола – поднесена кривична пријава

Магдалена Андонова — Wed, 18 May 2022 09:34:12 +0000

СВР Скопје – Единица за економски и компјутерски криминал поднесе кривична пријава против Х.А.(56) од Скопје поради постоење основано сомнение за сторени кривични дела „узурпација на недвижности" по чл.225 ст.2 и „бесправно градење" по чл.244-а ст.1 од Кривичниот законик. На 17.01.2022 на место викано „Копаница“ - катастарска општина Копаница, претставници на Градежен инспекторат извршиле инспекциски надзор на земјиште сопственост на Република Македонија и на местото го затекнале пријавениот како врши градежни активности со тврд материјал без да поседува Одобрение за градење издадено од општина Сарај. Со ваквите дејствија тој ги сторил делата кои му се ставаат на товар.

Претседателката на Државната комисија за спречување на корупцијата: Веднаш да престане продажбата на државно земјиште

Тале Кристо — Wed, 16 Mar 2022 21:26:30 +0000

Претседателката на Државната комисија за спречување на корупцијата Билјана Ивановска бара веднаш да престане продажбата на државно земјиште. Според неа, најголем проблем во оваа насока е како се прават деталните урбанистички планови, бидејќи тие, како што нагласува, го отсликуваат јавниот интерес кој што општината треба да го спроведе во својот дел. -Која е целта на државата, да го испродаде цело државно земјиште, дали е тоа целта, и тоа по багателна цена? Ако државата треба да го обезбеди јавниот интерес на граѓаните, не може тоа да го направи преку приватно земјиште. Тоа е едното прашање, второ, извор на корупција е Законот за дивоградби, односно за давање на правен статус на бесправно изградените. Од самото име се гледа каков вид на закон е тоа, значи тој закон треба да се укине веднаш, рече Ивановска во гостувањето на „Топ Тема“ на ТВ Телма. Таа смета дека доколку државата сакала да им помогне на сиромашните граѓани тоа можела да го направи на други начини, а оти носењето на овој закон во најголем дел го чекаат некои, како што вели, крупни бизнисмени кои сакаат да си ги легализираат своите дивоградби. -Решението дека со 30 отсто, 70 отсто да се докупи за да се дооформи парцела е исто така извор на корупција. Земјиштето кај „Холидеј Ин“ така беше продадено. И тоа не е само тоа парче, се увиде дека има многу, многу земјиште така продадено, вели претседателката на ДКСК, Ивановска.

Изградил викендица на државно земјиште без дозвола – поднесена кривична пријава против 37. годишен тетовец

Магдалена Андонова — Wed, 29 Sep 2021 15:21:24 +0000

СВР Тетово поднесе кривична пријава против Х.А.(37) од Тетово, поради постоење основи на сомнение за сторени кривични дела „узурпација на недвижности’’ и „бесправно градење“ . Во текот на 2021 година, во својство на инвеститор, во атар на село Лисец, пријавениот узурпирал катастарска парцела во државна сопственост и изградил викенд куќа без да поседува соодветна дозвола издадена од надлежен орган. На 19.06.2021, полициски службеници извршиле контрола и констатирале дека на наведеното место се врши бесправно градење, а по извршени проверки било утврдено дека во 2018 година пријавениот има поднесено барање за добивање правен статус на бесправен изграден објект што не кореспондира со фактичката состојба бидејќи објектот е изграден 2021 година.

Кривична пријава за скопјанец за бесправно градење, узурпирал државно земјиште

Тале Кристо — Tue, 03 Nov 2020 13:53:30 +0000

СВР Скопје – Единица за економски и компјутерски криминал поднесе кривична пријава против С.А.(39) од Скопје, поради постоење основи на сомнение дека сторил кривични дела „бесправно градење“ и „узурпацијата на недвижности“. Како што соопшти МВР, пријавениот, во текот на септември оваа година, узурпирал градежно земјиште во катастарска општина Бутел со површина од 4.746 метри квадратни, сопственост на Р.С.Македонија, и без да обезбеди Одобрение за градење, во својство на инвеститор, започнал и изведувал противправни градежни активности – градба од втора категорија, за која е потребно Одобрение за градење согласно член 57 став 2 од Законот за градење. Исто така, додаваат од МВР, на две соседни катастарски парцели во катастарска општина Бутел, од кои едната 4.746 метри квадратни, а другата 1.672 метри квадратни, која што била приватна сопственост на друго физичко лице, започнал со изведување на противправни градежни активности, со што ги сторил кривичните дела.

Уште еден проблем на граѓаните на Ѓорче Петров: На државно земјиште подигната ограда и се наплаќа за паркинг на автобуси!

Тале Кристо — Tue, 25 Aug 2020 10:23:48 +0000

На државно земјиште, каде што е предвиден парк, некој си крева ограда си става објект и почнува да наплаќа за паркинг на автобуси, се вели во објавата на Фејсбук страницата Ѓорче Петров. Во продолжение интегрално ви ја пренесуваме целата објава: Уште еден проблем на граѓаните на Ѓорче Петров пристигнат во инбокс. Мило ни е што се повеќе граѓани ја препознаваат суштината на оваа страница - се што објавено тука за два - три дена се решава. Ова е кај комплексот згради спроти стадионот на ФК Македонија Ѓорче Петров. Таму живеат стотици семејства и густо концентрирано население со многу мали дечиња. На овој простор согласно деталниот урбанистички план предвидено е паркче кое предизборно и беше ветувано. Земјиштето е државно. Од нигде никаде после изборите се става мобилна трафика и се крева ограда и почнува да функционира паркиралиште за автобуси кое внимавајте се НАПЛАЌА. Значи на државно земјиште, каде што е предвиден парк, некој си крева ограда си става објект и почнува да наплаќа за паркинг на автобуси !!! Автобусите доаѓаат и одат, дечињата тука најчесто играат, а впрочем и самата парцела и состојбата на тој комплекс не дозволуваат концентрација на вакви возила и заради безбедноста на жители но и поради аерозагадувањето. Да беше некоја гаражичка или натстрешница досега инспекторите ќе беа излезени, ама сега ги нема никаде. КОЈ ГО ДОЗВОЛИЛ ОВА !? ДАЛИ Е ВИСТИНА ДЕКА НЕКОЈ ЗЕМА ПАРИ ЗА КИРИЈА НА РАКА !? Доколку најитно не е реши овој проблем, ние граѓаните од овој комплекс ќе излеземе на протест, бидејќи сме излажани и се чувствуваме небезбедни.

Опомени за земјоделците од Пијанец кои не го платиле закупот на државно земјиште

Тале Кристо — Sun, 13 Oct 2019 12:37:23 +0000

Подрачната единица на Министерството за земјоделство, шумарство и водостопанство од Делчево од утре, започнува со доставување опомени, за оние земјоделци, кои се уште не го платиле закупот за земјоделско земјиште. Илија Каранфиловски, раководител на подрачната единица на Министерството за земјоделство, информира дека сите земјоделци, кои имат склучено договор за закуп на државно земјоделско земјиште за изминатата година, согласно член 19, став 1, од Законот за земјоделско земјиште, имаат рок тоа да го сторат до 31 декември во тековната година. -Овие опомени најмногу се однесуваат за земјоделците и земјоделските стопанства кои за договорите од претходната година имаа обврска да го подмират долгот до месец јули годинава. За постарите договори, рокот за плаќање на закупот е 31 декември 2019 година. Покрај одредбата за пресметка на законски казнена камата, доколку не се подмири долгот во предвидениот рок за плаќање на закупот и по добивање на опомената за плаќање, со измените како крајна мерка, се предвидува и раскинување на договорот, соопшти Каранфиловски. Меѓу останатите обврски, кои земјоделците и земјоделските стопанства од Делчевско ги имаат до крајот на годината, како што дополни Каранфиловски, е и ажурирањето на податоците во новиот регистар. -Бидејки имаме нов регистар, ќе треба да се ажурираат податоците, па затоа земјоделците и земјоделските стопанства ќе треба да ја посетат канцеларијата на нашата подрачна единица во Делчево. Ова најверојатно ќе биде услов за поднесување на барање за субвенции за 2020 години, поради што ажурирањето ќе биде неопходно, додаде Каранфиловски. Во делчевскиот и каменичкиот регион кои се под надлежност на Подрачната единица на МЗШВ, има 3.500 регистри, од кои 3.200 се активни земјоделски стопанства, на кои примарна дејност им е земјоделството.