ДСП „Обединети работници“ – Kurir.mk

„Обединети работници“ со осуда за најавата за задолжителната вакцинација: Доволно беа експерименти на грбот на работниците, време е да се случат реални промени

Магдалена Андонова — Wed, 17 Nov 2021 16:01:11 +0000

Движењето за социјална правда „Обединети работници“ ги осудува изјавите од владејачката гарнитура, а кои што се однесуваат на УСЛОВУВАЊЕ на работниот однос со вакцинација! - Новите предлог - мерки се насочени кон "лов на вештерки", односно заплашување и санкција на невакцинираните, преку воведување на забрана овие лица да бидат присутни на работното место доколку не примиле вакцина или доколку на свој трошок не обезбедат ПЦР тест не постар од 72 часа, нешто што ќе придонесе овие лица да ги загубат работните места или пак дополнително да осиромашуваат со секој направен тест! Само за потсетување, согласно Уставот на Република Македонија, Законот за работните односи, но и останати закони од правниот систем на нашата држава, најстрого се забранува работниците да бидат дискриминирани по било кој основ при работен однос, нешто што со овие предлог - мерки и тоа како се прави. Овие мерки на ПРИНУДА нема да постигнат ништо позитивно, дотолку повеќе ќе го расгорат револтот кај работниците, но и ќе "помогнат" за дополнителен бран на отпуштања, велат од движењето. ДСП ,,Обединети работници" бара од владејачката структура да ги повлече овие небулози, а доколку не го стори тоа, ги повикуваат сите синдикати, здруженија на граѓани, политички партии, комори на работодавачи, но и поединци, да се спротиставиме на ова лудило кое што се приредува на работниците, а доколку е потребно и да се искаже револтот на улица - преку протести. - Доволно беа експерименти на грбот на работниците. Време е да се случат реални промени за да опстане работничката класа, додаваат од „Обединети работници“.

ДСП „Обединети Работници“ со поддршка за најавените протести на лицата со хендикеп!

Магдалена Андонова — Tue, 06 Jul 2021 16:54:57 +0000

Лицата со хендикеп се една од групите во нашето општество која што често се користи за добивање на поени пред секои избори од страна на политичките партии, но години наназад не добива никаква реална помош. Доста е со таквиот игнорантски однос – време е да се чуе нивниот глас, се вели во соопштението на ДСП „Обединети Работници“. - Лицата со хендикеп не бараат ништо повеќе од она што ги следува, односно за нив е од значење само правилното и правичното спроведување на законите, со што би се подобрило нивното секојдневие и би им се овозможил далеку поголем квалитет на живеење. ДСП „Обединети работници“ дава целосна и безрезервна поддршка на лицата со хендикеп кои што ќе бидат обединети на протести организирани во период од 20.07.2021 до 30.07.2021 година, пред Владата на Република Македонија, велат од друштвото. - Да не дозволиме овие искрени борци да ја војуваат борбата сами, да дадеме свој придонес сите ние и да присуствуваме рамо до рамо со нив! Нивната борба е и наша борба! Време е за обединување, посочуваат тие.

ДСП „Обединети работници“: Ја поздравуваме иницијативата на Комората на сметководители – работниците заслужуваат, работниците можат!

Магдалена Андонова — Thu, 22 Apr 2021 16:09:46 +0000

ДСП „Обединети работници“ ја поздравува иницијативата на Комора на сметководители на Македонија да се приклучи на протестите кои што ги започна Т.У.К! Голем дел од гранките во Република Македонија се наоѓаат во незавидна положба поради нивното запоставување од страна на власта, па тие се приморани да го искажат својот револт преку учество во протести на кои што ќе ги истакант своите основни егзистенцијални барања, стои во соопштението на ДСП „Обединети работници“ до јавноста. - Комората на сметководители на Македонија се реши на овој потег, па од денес започна со протести пред Министерството за финансии каде што бараат спас за дејноста која што се соочува со многу предизвици за време на целата здравствено-економска криза. Ваквата иницијатива на Комората на сметководители на Македонија секако е за поздравување и се радуваме што се приклучија во низата протести преку кои што ќе се актуелизираат проблемите на работничката класа, велат од здружението. - ДСП „Обединети работници“ беше дел од денешниот протест и ќе продолжи да биде дел од сите наредни протести на Комора на сметководители на Македонија, давајќи целосна и недвосмислена поддршка во борбата за подобрување на условите во која што се наоѓа оваа фела. Работниците заслужуваат, работниците можат. Време е за обединување, посочуваат тие.