дуел – Kurir.mk

ФФМ: Билетите за дуелот со Украина од денеска во продажба

Катерина Бојаџиева — Mon, 05 Jun 2023 19:12:29 +0000

Билетите за претстојниот натпревар на македонската фудбалска репрезентација во квалификациите за ЕУРО2024 против Украина од денеска се пуштени во продажба, објави Фудбалската федерација на Македонија (ФФМ). Влезниците за гостувањето на Украина на Националната арена „Тодор Проески“ во Скопје, на 16 јуни, се продаваат по цена од 300 и 400 денари. Навивачите ќе можат да купат влезници на билетарницата на Арената како и преку продажната мрежа на MKTickets со физичко присуство. Едно лице може да купи најмногу четири влезници, а билети ќе бидат задолжителни и за деца независно од нивната возраст.

ФОТО: Ова е ДУЕЛОТ на НЕЈМАР по кој мундијалот може да биде завршен за него

Ристе Здравков — Fri, 25 Nov 2022 09:23:56 +0000

Бразил ја совлада Србија со 2:0 и направи важен исчекор во битката за нокаут фазата. Но цел Бразил стравува дали ќе може Нејмар да игра повеќе во Катар. Нејмар се повреди во дуел игра на 10 минути до крајот на средбата по што веднаш му беше укажана лекарска помош. Првичната глетка не е добра, бидејќи големата бразилска ѕвезда има голем оток и со кривење го напушти теренот. „Има извиткување на скочниот зглоб и немавме време за да ги направиме сите лекарски тестови. Има оток на десниот зглоб и сега најважно е да сочекаме 24 часа за да видиме. Замолуваме за трпение“, соопштија од лекарскиот тим. Вториот меч Бразилците го играат во понеделник против Швајцарија со почеток од 17 часот.

Мицкоски: Го повикувам Ковачевски да не дезертира од дуел, како што тоа вообичаено го прави во својот живот

Катерина Бојаџиева — Fri, 30 Sep 2022 11:31:32 +0000

При денешната посета на општина Јегуновце, претседателот на ВМРО-ДПМНЕ Христијан Мицкоски одговарајќи на новинарско прашање во однос на повикот за дуел со Ковачевски истакна дека владата и Ковачевски повторно молчат и повика уште еднаш на дебата на било кој медиум и било кое време во интерес на вистината и интерес на граѓаните. „Повторно молк, немаме одговор од Ковачевски, ниту од владата за мојата понуда пред граѓаните јавно да зборуваме бидејќи во овој случај не е важен ниту Димитар Ковачевски, ниту пак сум јас важен, ниту пак било кој од нас е над интересот на граѓаните и државата, и затоа понудив да излеземе јавно транспарентно да избере време, да избере медиум, јас таму ќе го чекам, го повикувам и сега еве овде од Јегуновце да не дезертира бидејќи тоа му е вообичаена пракса изгледа во неговиот живот да дезертира, еве да не дезертира во овој пат да излеземе и се соочиме пред граѓаните па граѓаните нека одлучат кој ја говори вистината а кој не“, нагласи Мицкоски.

Макрон кон Ле Пен: Зависни сте од руската влада

Ристе Здравков — Wed, 20 Apr 2022 21:21:30 +0000

Кандидатката за француски претседател со поддршка на партијата „Национално обединување“, Марин Ле Пен изјави дека ембаргото за увоз на нафта и гас од Русија ќе биде харакири за Европа, како и дека нема да влијае на самата Руска Федерација. „Не треба да правиме харакири со надеж дека тоа ќе и наштети на Русија, додека таа ќе најде место за извоз на нафта и гас“, рече Ле Пен за време на телевизиската дебата со актуелниот претседател Емануел Макрон, кој се кандидира за втор мандат. Од своја страна, Макрон го обвини својот ривал дека зависи од руската влада и претседателот Владимир Путин. – Вие бевте првиот европски политичар кој ги призна резултатите од анексијата на Крим во 2014 година. Тоа е лоша вест за нашата земја. Зависите од руската влада, зависите од господинот Путин, рече тој. Тој ја обвини и Ле Пен дека нејзината партија земала заем од руска банка во 2017 година, на што таа одговорила дека го направила тоа, бидејќи „ниту една француска банка не сакала да го одобри заемот“. Во исто време, претседателската кандидатка напомена дека не се обидува да ја напушти Европската унија, туку дека сака да ја спроведе нејзината длабока реформа и повеќе да ги заштити националните интереси. – Сакам да останеме во Европската унија, но во исто време да спроведам длабоки реформи , додаде таа. Ле Пен заедно со Макрон ќе учествува во вториот круг од претседателските избори во Франција, кои ќе се одржат на 24 април. Првиот круг се одржа на 10 април. Во предизборната трка учествуваа 12 кандидати. Според резултатите, Макрон освоил 27,84 отсто, Ле Пен 23,15 отсто.

Во ЖИВО: ТВ Дуел помеѓу кандидатите за претседател на Франција, Маркон и Ле Пен

Ристе Здравков — Wed, 20 Apr 2022 20:13:43 +0000

Во моментов на Француската телевизија се оддржува Тв Дуел помеѓу кандидатите за претседател на Франција, Емануел Макрон и Марин Ле Пен. Во првот круг на изборите во Франција овие два кандидати освоија највеќе гласови од граѓаните, со што силите ќе ги одмерат во вториот круг. Според анкетите актуелниот претседател Емануел Макрон има водство. Темите кои во моментов се разговараат се движат меѓу економијта, безбедноста и надворешната политика во ЕУ и сл.

Франција забрани шкотски навивачи на дуелот Лион – Глазгов Ренџерс

Магдалена Андонова — Tue, 07 Dec 2021 16:04:31 +0000

Шкотскиот фудбалски првак Глазгов Ренџерс објави денеска дека е збунет и фрустриран од одлуката на француските власти да им забрани на нивните навивачи да присуствуваат на натпреварот од Лига Европа против домашниот Лион закажан за в четврток. – Минатата недела француската страна даде согласност за присуство на 2.500 наши навивачи на натпреварот во Лион. Одлуката со која тоа е променето е збунувачка и фрустрирачка, особено што е донесена во толку краток рок. Сочувствуваме со нашите навивачи, кои со месеци однапред направија планови за ова патување, соопшти шкотскиот клуб. Навивачите на Ренџерс во минатото, исто така, се соочуваа со забрана за патувања на гостински натпревари првенствено поради дискриминаторско навивање.

Митко Јанчев вечер на ТВ дуел со својот противкандидат од СДСМ

Ристе Здравков — Mon, 27 Sep 2021 15:31:28 +0000

Прв ден изборна кампања и веднаш ТВ дуел. Имен вечер копјата ќе ги вкрстат кандидатите за градоначалници од ВМРО-ДПМНЕ и СДСМ, Митко Јанчев и Горан Тодоров. -Вечерва на каналот на МРТВ 1! Тв дебата со кандидатите за градоначалници на Општина Кавадарци. Почеток во 20:15 часот, напиша Јанчев на Фејсбук.

Мицкоски и Заев си подадоа рака

Магдалена Андонова — Mon, 20 Sep 2021 20:15:24 +0000

Премиерот и лидер на СДСМ, Зоран Заев и претседателот на ВМРО-ДПМНЕ, Христијан Мицкоски на крајот од вечерашниот тв дуел, и покрај низата меѓусебни препукувања, си подадоа рака за фер и демократски локални избори. Заев рече дека нема никаков проблем да си подаде рака со политичкиот опонент, а Мицкоски нагласи дека е прв од актерите на политичката сцена кој најавил позитивна кампања со проекти и политики важни за граѓаните. -Мора да се согласиме дека сепак, за граѓаните е најважна иднината. Да си подадеме рака за фер и демократски избори, истакна Заев. Мицкоски посака на изборите да има услови за фер и демократско изразување на граѓаните. -Немам проблем да ветам фер и демократска кампања, но тоа не е дел од одговорноста на опозцијата зашто власта е организатор на изборите.Да не се случи тоа од 2020 година, ниту од „Бетовенова“, туку да има слободно, фер и демократско изразување.

Мицкоски до Заев: Доста со бајките, цените на млекото, зејтинот, бензините се покачени за неколку пати

Магдалена Андонова — Mon, 20 Sep 2021 19:39:46 +0000

Каква е реалноста? Цената на млекото во малопродажба мај 2020 година 45 денари, мај 2021 година 52 денари, тоа е 15,5 проценти зголемување, потоа цената на зејтинот во малопродажба 67 денари, мај 2020 година, сега мај 2021 година 95 денари, тоа е зголемување за 42 проценти. Каква е цената на брашното, мај 2020 година 34 денари, мај 2021 година 39 денари. Бензинот бил 50, па 69 денари, па 71,5 денари и така натаму. Ова е реалноста, вели претседателот на ВМРО-ДПМНЕ Христијан Мицкоски во вечерашното телевизиско соочување во емисијата Само вистина на Канал 5 телевизија. Мицкоски посочи дека состојбата со економијата е поразителна, нагласувајќи дека во период од десет години односно од 2007 до 2016 година БДП растел со 3 проценти, додека пак во период од три години додека е Заев и СДСМ на власт истиот растел за 0,5 проценти.

- Е сега кога сме кај економијата се подготвува и сакам на македонската јавност реално да и ги прикажам бројките. Анализирани се два периода, првиот период е од први јануари 2007 година до 31 декември 2016 година, десет години опфатен период и вториот период е од први јануари 2018 година заклучно со 31 декември 2020 година. Во првиот период долгот, господине Заев е зголемен за 9,3 проценти, тоа е државниот долг, за 10 години, а во вториот период за 11,8 проценти. Притоа БДП пораснал во овие 3 години за 728 милиони евра, а долгот се зголемил за 1 милијарда и 696 милиони и 100 илјади евра или македонската економија и е одземена вредноста од речиси една милијарда евра, потенцираше Мицкоски. - Во првите десет години во тој период БДП е зголемен за 4 милијарди 185 милиони евра а долгот за 2 милијарди 720 милиони евра или зголемен е БДП за една и пол милијарда. Значи сега е одземен БДП за една милијарда, а тогаш бил зголемен. И конечно да пресечам БДП просечно во периодот А растел со 3 проценти, а во периодот Б додека вие ја водите владата за 0,5 проценти, што значи шест пати помалку, рече Мицкоски.

Мицкоски: Утре ВМРО-ДПМНЕ ќе поднесе кривична пријава зошто директорот на Водовод и градоначалникот на Скопје местеле тендери

Магдалена Андонова — Mon, 20 Sep 2021 18:51:15 +0000

Во текот на утрешниот ден во обвинителство ќе биде доставена кривична пријава по член 353 злоупотреба на службена должност. Утре, во текот на денот ќе биде доставена од страна на ВМРО-ДПМНЕ кривична пријава за овој поранешен директор, и тоа е само почеток, а деновиве ќе доставуваме кривични пријави и ќе обелоденуваме коруптивни скандали и за други лица,истакна Христијан Мицкоски, претседател на ВМРО-ДПМНЕ во гостување во дуелот на „Само вистина“ на Канал 5 телевизија. Мицкоски додаде дека за се ќе сноси одговорност, за секој коруптивен скандал функционерите на власта има да одговараат пред Законот.

- Јавното претпријатие секоја година објавува тендер за потпишување на рамковна спогодба за реконструкција на водоводна и канализациона мрежа. И таму потпишале, ги исполниле условите пет економски оператори. Во меѓувреме делот од тој буџет одлучиле да потрошат за реконструкција на водоводна мрежа на улица „Варшавска“. Таа улица е во Тафталиџе. Започната е реконструкцијата наводоводната мрежа во јули, и откако им текнало во октомври дека требало да спроведат интерна процедура за набавка помеѓу овие пет компании кои што потпишале рамковна спогодба. Спроведуваат тендерска постапка во октомври и потпишуваат договор во октомври откако замислете мрежата е хлорирана. Има документ за хлорирање на мрежата на 29-ти септември, рече Мицкоски.

Мицкоски посочи дека поголеми докази од овој криминал нема. Македонската јавност сама може да увиди. И токму овие луѓе се кандидирани за градоначалници, едниот за Град Скопје, а другиот за една скопска општина.