духовден – Kurir.mk

ПОНЕДЕЛНИКОТ ПО ДУХОВДЕН Е МНОГУ ТЕЖОК ДЕН – еве што треба да направите за среќа и благослов, особено една работа никако не ја правете!

Дарко Андоновски — Mon, 05 Jun 2023 07:54:40 +0000

Денеска е Слегување на Св.Дух – Духовден (втор ден). Празникот Духовден спаѓа меѓу големите Господови празници. Меѓу народот е познат со повеќе имиња, како Дуовден, Доедни, Свети Дух, Света Тројца, Педестница итн. Се празнува десет дена по Спасовден (Вознесение Христово), а педесет дена по Велигден (Воскресение Христово). Се вика и Педесетница не само затоа што се празнува педесет дена по Велигден туку и затоа што настанот се случил точно на еврејскиот празник Педесетница што Евреите го празнувале во спомен на денот кога Господ му ги дал на Мојсие законите во Синајската Гора. Во народот овој празник најчесто е поврзан со душите на умрените, а и обичаите што се изведуваат на овој ден се поврзани со тие верувања. Духовден се празнува три дена, а првиот ден од празникот секогаш е во недела. Овој е единствен од дванаесетте големи празници што нема претпразненство. Тоа се надоместува со фактот што во текот на целиот период од Велигден до Духовден се чувствува празничното расположение. Духовден е христијански празник посветен на слегувањето на Светиот Дух врз апостолите и формирањето на Црквата. На овој ден се исполнило Христовото ветување за доаѓањето на Светиот Дух (Духот на Вистината, Утешителот, Силата одозгора, ветувањето на Таткото) што Христос им го даде заповедувајќи им на апостолите да не се одалечуваат од Ерусалим додека тоа не се случи. На овој ден Христовите апостоли беа облечени со силата на Светиот Дух и комплетно оспособени да бидат Христовото тело на Земјата. На овој ден апостолите, од здружение на граѓани, откако го примија Светиот Дух беа трансформирани во Христова Црква. На овој ден апостолите беа трансформирани од едни збунети и уплашени Христови ученици, во вешти, до смрт лојални и храбри Христови проповедници со исклучителна јасност и длабоко разбирање на Христовата евангелска порака. На овој ден, по Петровата проповед, се крстија околу 3000 души и славно беше формирана првата Христијанска Црква. Затоа овој ден е наречен Роденденот на Христовата Црква. По Духовден, овој понеделник е многу важен и има многу обичаи. Неделава не се пости, туку се празнува цела недела, не се бања во река, а се прават и венци од цвеќиња. Не смее да се прави ништо дома од тешките работи, да се листи, пере и пегла.

Обичаи за Духовден, овие работи жените никако не смее да ги прават

Ивона Петрова — Sun, 04 Jun 2023 08:22:17 +0000

Црковниот празник посветен на слегувањето на Светиот Дух на апостолите, кој се празнува 50 дена по Велигден е еден од најголемите празници кои Македонската православна црква ги одбележува. На овој ден, на некои места се организираат поворки во кои учествуваат најубавите девојки од селото. Тие претставуваат русалки, вили настанати од душите на починатите девојки и потпоените жени, закопани без погребни обреди. Верувањата велат дека русалките настојуваат да нанесуваат зло, особено на жените и сакаат да намамат жртва до вода и да ја удават. Оттаму постојат многу забрани и ограничувања, па приказната вели дека не е во ред да се спие преку ден, бидејќи русалките демнат на крошните од дрвата, па можат да наштетат во сон. Жените не треба да перат облека, да предат волна и да ткаат, ниту да завршуваат некакви домашни обврски. Оној кој ќе дојде во контакт со русалките или ќе се разболи или ќе полуди. Затоа народот верува дека секогаш со себе треба да се има лук или пелин.

Духовден: Празник на Светиот дух и на основањето на Христијанската црква

Ивона Петрова — Sun, 04 Jun 2023 07:18:49 +0000

Православните христијани денес го одбележуваат празникот Духовден. Празникот Духовден спаѓа меѓу големите Господови празници. Меѓу народот е познат со повеќе имиња, како Дуовден, Доедни, Свети Дух, Педестница итн. Се празнува десет дена по Спасовден (Вознесение Христово), а педесет дена по Велигден (Воскресение Христово). Се вика и Педесетница не само затоа што се празнува педесет дена по Велигден туку и затоа што настанот се случил точно на еврејскиот празник Педесетница што Евреите го празнувале во спомен на денот кога Господ му ги дал на Мојсие законите во Синајската Гора. Тој ден апостолите биле на едно место во Ерусалим, биле дванаесет на број зашто испразнетото место на Јуда Искариотски, кој по предавството на Исус се обесил, го пополниле со Матеј, кого го избрале со коцка од учениците Христови, за нивниот број пак да биде дванаесет. Околу 9 часот наутро одеднаш се слушнал силен шум од небото како дување на силен ветар, се покажал Светиот Дух, ја исполнил просторијата, а потоа во форма на пламени јазици слегол врз апостолите. Овој момент е претставен и на иконите во нашите цркви каде што се насликани на едно место сите апостоли, заедно со Богородица, а над нивните глави се гледаат пламени јазици што всушност го претставуваат Светиот Дух. Во народот овој празник најчесто е поврзан со душите на умрените, а и обичаите што се изведуваат на овој ден се поврзани со тие верувања. Духовден се празнува три дена, а првиот ден од празникот секогаш е во недела. Овој е единствен од дванаесетте големи празници што нема претпразненство. Тоа се надоместува со фактот што во текот на целиот период од Велигден до Духовден се чувствува празничното расположение. На овој празник редовно му претходи задушница што се празнува во саботата пред Духовден, кога се изведуваат повеќе обичаи што им се наменети на покојните предци. Овој ден меѓу народот е познат и под името „Мртва сабота“.

Во недела е големиот празник Духовден, различно од Задушница- овие работи никако не смеете да ги направите

Катерина Бојаџиева — Thu, 01 Jun 2023 08:50:36 +0000

Неделен возен ред на Духовден, Жичарницата ќе работи вообичаено

Катерина Бојаџиева — Thu, 01 Jun 2023 07:55:58 +0000

Поради верскиот празник Духовден, утре, петок (02.06.2023 год) и во сабота (03.06.2023 год) јавниот превоз ќе сообраќа по неделен возен, со исклучок на линиите 11, 11А, 18А, 32, 47А, 51, 55, 55Б, 56, 56А, 70, 74, 81, 118, 160, 164 и 180 кои ќе сообраќаат по саботен возен ред. Во недела (04.06.2023 год) сите возила од јавниот превоз ќе сообраќаат по неделен возен ред. Утре, петок (02.06.2023 год), во сабота (03.06.2023 год) и во недела (04.06.2023 год), на линиите 59 (Карпош3 - Кучевишка бара - Гробишта Бутел), 59А (Ново Лисиче - Гробишта Бутел) и 59Б (Кисела Вода - Гробишта Бутел) ќе сообраќаат дополнителен број автобуси. Утре, петок (02.06.2023 год) билетарниците и центрите за персонализација нема да работат, а во сабота (03.06.2023 год) ќе имаат редовно работно време. Жичарницата утре, петок (02.06.2023 год) ќе работи вообичаено, од 10 до 20 часот.

50 ДЕНА ПО ВЕЛИГДЕН Е ДУХОВДЕН – во недела е голем празник, различно од Задушница, овие работи никако не смеете да ги направите!

Дарко Андоновски — Wed, 31 May 2023 20:11:01 +0000

Петок пред Духовден, е неработен ден за граѓаните од православна вероисповед

Катерина Бојаџиева — Wed, 31 May 2023 07:48:21 +0000

Министерството за труд и социјална политика соопштува дека согласно со Законот за празниците на РM („Службен весник на РМ“, бр.21/98 и 18/07), 2 јуни (петок) 2023 година, Духовден, петок пред Духовден, е неработен ден за граѓаните од православна вероисповед во Македонија.

ВО ПЕТОК НИ ДОАЃА СПОЕН ВИКЕНД – за следниот ќе чекаме да помине цело лето, еве уште колку неработни денови остануваат до крајот на годината

Дарко Андоновски — Tue, 30 May 2023 19:36:23 +0000

По неколкуте празници во месец мај, ни доаѓа уште еден споен викенд на почетокот на месец јуни. Имено православните верници во петок го одбележуваат празникот Духовден во чест на починатите лица, а воедно тој ден е и неработен во нашата земја. Потоа о јули немаме ниту еден празник, а слдниот неработен ден е дури во месец август. Ова се сите неработни денови кои преостануваат. Согласно со Законот за празниците на Република Македонија (Сл.весник на РМ број 21/98 и 18/07) во 2023 година неработни денови се: За сите граѓани на РСМ • 2 август (среда), Ден на Републиката, • 8 септември (петок), Ден на независноста, • 11 октомври (среда), Ден на народното востание, • 23 октомври (понеделник), Ден на Македонската Револуционерна Борба • 8 декември (петок), “Св. Климент Охридски”. За граѓаните од православна вероисповед • 2 јуни (петок), Духовден, петок пред Духовден, • 28 август (понеделник), Успение на Пресвета Богородица (Голема Богородица). За граѓаните од католичка вероисповед • 1 ноември (среда), Празникот на сите светци, • 25 декември (понеделник), првиот ден на Божик. За граѓаните од муслиманска вероисповед • 28 Јуни (среда), Курбан Бајрам, првиот ден на Курбан Бајрам, За граѓаните припадници на албанската заедница во РСМ • 22 ноември (среда), Ден на Албанската азбука, За граѓаните припадници на влашката заедница во РСМ • 23 мај (вторник), Национален ден на Власите, За граѓаните припадници на еврејската заедница во РСМ • 25 септември (понеделник), Јом Кипур, првиот ден на Јом Кипур, За граѓаните припадници на бошњачката заедница во РСМ • 28 септември (четврток), Меѓународен ден на Бошњаците, За граѓаните припадници на турската заедница во РСМ • 21 декември (четврток), Ден на настава на турски јазик.

Денеска ставете го ова во џеб за среќа, се празнува Вторник на Духовден

Дарко Андоновски — Tue, 14 Jun 2022 13:11:25 +0000

Верниците го слават Вторник на Педесетница, кој припаѓа на низата празници поврзани со Света Троица, кои започнуваат на денот кога Духот Господов се спушти врз апостолите. Бројни обичаи се поврзани со овој празник. Духови претставуваат и „роденден“ на христијанската црква, а се нарекуваат уште и Тројца, Празник на Тројцата. Тројцата се слават три дена, така што денес е црвена буква на календарот бидејќи се слави Вторник на Духовден. Како и претходните денови, во вторникот на Педесетница, подот во храмовите е покриен со трева, гранките на липа или некое друго дрво се потпираат на ѕидовите, а иконите се украсени со цвеќиња. Овој обичај потекнува од првите христијани, кои, пак, го презедоа од Евреите, кои ги украсија своите места за богослужба и куќи на празникот Педесетница. Тоа ги потсети на времето кога ги примиле Десетте Божји заповеди преку Мојсеј, како и на времето на лутање во пустината, откако избегале од Египет, бидејќи живееле во пустината во колиби направени од гранки и лисја. По светата литургија, се служи вечерната служба, каде што луѓето клекнуваат и ткаат венци од трева и цвеќиња. Овие венци се носат дома и се ставаат покрај иконата и кандилата на ѕидот. Освен ова, многумина венците за среќа и напредок ги ставаат и во џебови, чанти и автомобили, и иако тоа е обичај на понов датум, во суштина ја продолжува старата традиција.

Денеска е Духовден – Слегување на Духот Свети (Трет ден)

Ивона Петрова — Tue, 14 Jun 2022 05:17:10 +0000

Овој празник се смета за роденден на Христовата црква. Имено, пред вознесението Христос им порача на апостолите да останат во Еруса¬лим и да го чекаат слегувањето на Духот-Утешител. На десеттиот ден од Христовото вознесение, на еврејскиот празник Педесетница, Светиот Дух слезе врз апостолите во вид на пламени јазици, а овие се исполнија со сила и добија дар да зборуваат на разни јазици. Тоа е конкретниот настан. Но, за црквата овој настан има посебно значење затоа што Светиот Дух од тоа време па се до денес не ја напушта црквата. Духот е критериум за се што се случува во црквата и на општ и на личен план. Во таа смисла, Духот од оној ден во Ерусалим непрестано слегува врз црквата на Литургијата, во молитвите, во сите дела. Тој е оној Дух по кој христијанскиот живот се нарекува духовен.