духови – Kurir.mk

Што значи да сонувате духови: Што ни вели енергијата на оние кои веќе не се меѓу нас

Ристе Здравков — Fri, 21 Jul 2023 13:12:11 +0000

Многумина веруваат дека духот е душата на личност или животно што повеќе не е со нас и дека може да се појави меѓу нас живите. Духовите во соништата може да се опишат на различни начини, но пред се е важно да се напомене дека не е секогаш некаков кошмар, туку можеби мирен сон кога гледате духови, кои можат да ви пренесат добри пораки. Значењата на овие соништа може да бидат разновидни како и самите соништа, но главната тема обично е дека ве прогонува некоја незавршена работа. Ако вашиот сон изгледа реален, тогаш постои можност да ве посетил некој дух или нечија енергија. Ако сонувате дека ве нападнал дух, тогаш тоа често е знак дека имате страв од непознатото. Овој сон ќе се случи ако сте некој кој често се грижи за нешто што сè уште не се случило. Ваквиот сон ги претставува вашите нестабилни емоции и ви кажува дека е време да се соочите со негативните работи што се обидувате да ги избегнете. Меѓутоа, ако во сонот станете дух, тоа го претставува вашето минато и како се справувате со него. Тоа најмногу го претставува каењето што го чувствувате за нешто што сте го направиле. Ова е знак дека мора да се соочите со себе. Овие соништа се вистински „будилници“ и се таму за да ви го привлечат вниманието, дека конечно е време да се соочите со вашите стравови.

ВИДЕО: Најголемиот град на духови повторно ќе биде отворен за туристи

Магдалена Андонова — Fri, 04 Sep 2020 12:49:12 +0000

Владата на Северен Кипар соопшти дека наскоро ќе го отвори напуштениот град Варош, некогашната популарна туристичка дестинација, кој стана град на духови по турската воена инвазија на островот пред неколку децении. Кипар е поделен на два дела од 1974 година, меѓу Турција и Грција. Оттогаш, градот Варош е „ничија земја“. Поради тоа, влезот во овој град, кој порано привлекуваше туристи од целиот свет, остана забранет за јавноста. Премиерот на самопрогласената Турска Република Северен Кипар, Ерсин Татар, ги објави плановите за повторно отворање на градот, кој своевремено имаше 12.000 хотелски соби и 25.000 жители. - Во овој момент сме многу блиску до реализација на плановите за повторно отворање на градот - изјави Татар. Тој додаде дека мора да се донесат дополнителни регулативи, а како што се приближуваат изборите, плановите може да се одложат. Но, тој остана оптимист. - Според мене, сè е подготвено. Климата се смени и се сврти нова страница. Овој град припаѓа на Северен Кипар и никој не може да ни го земе - рече тој. Татар не прецизираше кога градот повторно ќе биде отворен.

Нема да им текне пак да излезат: „Духови“ ги пречекаа кога ја напуштија самоизолацијата (ВИДЕО)

Ивана Ефремовски — Sat, 18 Apr 2020 13:44:31 +0000

Жители на еден дел од Индонезија смислија застрашувачки, но успешен начин, да ги натераат своите сограѓани да останат дома. За време на епидемијата од коронавирус, голем број на луѓе не сакаат да останат во своите домови, па затоа сега секое излегување ќе им биде пекол. На нивните улици, ги чекаат “духови“. Погледнете:

Со масло за јадење бркале зли духови од музеј

Предраг Кукиќ — Wed, 26 Sep 2018 08:52:39 +0000

Суд во Атина осуди две бугарски државјанки на четири години условна казна, оти во атински музеј ги потурале антиквитетите со масло за јадење, и тоа од религиозни побуди, јави БТА. Адвокатката Марија Константополу смета оти нејзините клиентки верувале дека со маслото за јадење се борат со зли духови и ги прочистуваат експонатите. Една од обвинетите држела и Библија при ритуалот и читала од неа. Полицијата ги уапсила двете чистачки, на возраст од 48 и 51 година, претходно месецов, по сведоштво на обезбедувањето. Многу од оштетените експонати имаат потреба од сериозна реставрација. (МИА)