дуи – Kurir.mk

ВМРО-ДПМНЕ: ДУИ и СДС плодното македонско земјиште, ќе го пренаменат во фотонапонски централи, за да ќарат уште некој милион повеќе

Ивана Ефремовски — Wed, 01 Nov 2023 07:50:33 +0000

Власта предлага преку Министерството за земјоделие, со Законот за изменување и дополнување на Законот за земјоделско земјиште, дури и најплодната македонска почва, да може да се пренамени за изградба на фотонапонски централи, реагираат од ВМРО-ДПМНЕ. -Земјоделското земјиште од трета и четврта класа ќе може да се пренамени во градежно, заради изградба на енергетски објекти во наменски зони, со измени во еден од членовите. Во Членот 51 исто така има и уште една голема измена, а тоа е, дека пасиштата како земјоделски површини, може да се пренаменат во градежни, наведувајќи дека и таму ќе се градат фотоцентрали. Додека во светот има недостиг на храна, додека храната во Македонија достигнува рекордни цени, власта сака да го уништи и тоа малку домашно производство што остана, велат од ВМРО-ДПМНЕ. „Место владата да го поттикнува и помага домашното производство на храна, таа се обидува тоа да не постои, за функционерите на ДУИ и СДС и нивните блиски роднини, да приграбат уште некои милион плус во нивните џебови. За ваквите деструктивни потези, кон сопствената држава и народ, ќе има одговорност, граѓаните да бидат сигурни во тоа“ - посочуваат од партијата.

Комисија за здравство на ВМРО-ДПМНЕ: СДС И ДУИ Градската општа болница „8 Септември“ ја направија партиско дувло?

Ивана Ефремовски — Tue, 31 Oct 2023 09:07:30 +0000

На огласот за вработување во ГОБ „8 Септември“ вработенa е ќерката на пратеничката Мира Стојчевска, познатата како Мира Дизел. За вработувањето на Александра Стојчевска сведочат вработени во ГОБ, велат од Комисијата за здравство на ВМРО-ДПМНЕ. „Вработените прашуваат дали ГОБ „8 Септември“ наместо да вработува квалитетни кадри, станало дувло на партиските кадри на СДС. Во период во кој Владата на СДС-ДУИ го урна здравствениот систем со ова директно ги демотивира младите кадри со праќање вакви пораки за вработување на партиски кадри. Со ова Владата на СДС-ДУИ е учесник во егзодусот на медицински кадар кои продолжуваат да си заминуваат од јавното здравство токму поради ваквите случаи на вработување на партиски кадри“ - велат од партијата.

ВМРО-ДПМНЕ: Анкетите покажуваат дека имаме двојно поголем рејтинг пред СДС и тројно поголем рејтинг на Мицкоски пред Ковачевски – поразот не им бега

Ивана Ефремовски — Mon, 30 Oct 2023 07:34:35 +0000

Секоја релевантна анкета покажува дека не само што СДС ќе изгуби на престаојните избори, туку во континуитет рејтингот и довербата кај граѓаните опаѓа. Колку подолго ја одолговлекуваат својата агонија, толку покатастрофален ќе биде нивниот пораз. Тоа е резултатот на нивната неспособност и неодговорност, но и поради криминалот и корупцијата кои царуваат со оваа власт на ДУИ и СДС, порачуваат од ВМРО-ДПМНЕ. „Последната анкета на ИПИС, слично како и анкетите на другите агенции покажува дека ВМРО-ДПМНЕ има двојно поголем рејтинг од СДС, односно за ВМРО-ДПМНЕ би гласале 20,3 % од испитаниците, а за СДС 11,3%. Во делот на рејтингот на лидерите на партиите, Мицкоски е со поддршка од 16,5 отсто, потоа следи Али Ахмети со 6,1 отсто, а дури на трето место е премиерот и лидер на СДСМ Ковачевски со рејтинг од 5,6 проценти. Ова покажува дека Мицкоски е со тројно поголем рејтинг од Ковачевски. Граѓаните во исто време јасно и гласно со 66,6% даваат поддршка за тоа претседателските и парламентарните избори да се одржат во ист термин со цел да се заштедат и средства и време и да не се блокира државата цела една година. Оваа анкета само потврдува дека СДС и Ковачевски доживуваат пораз на секое поле и за секоја нивна нерационална политика. Крајот на нивното владеење се гледа, а колку побрзо си стават крај, толку подобро за Македонија. Нека не го држат во заложништво народот и државата, поразот не им бега“ - велат од партијата.

ВМРО-ДПМНЕ: СДС и ДУИ преку фирма за канцелариски материјал, ќе набавуваат средства за одмастување на котлите во РЕК Битола

Катерина Бојаџиева — Sat, 28 Oct 2023 08:35:13 +0000

ДУИ и СДС преку ЕСМ, поддружница РЕК Битола, набавува адитиви, кои треба да го намалат замастувањето, во котлите од фирма регистрирана за трговија на мало со весници и канцелариски прибор, преку тендер вреден 4.2 милиони евра. Истата фирма лани имала вкупен обрт, помал од 350.000 евра, а само за една година успева да добие државен тендер, кој за 12 пати го надминува нејзиниот лански приход, велат од ВМРО-ДПМНЕ. -Фирмата е регистрирана во 2017 година и нема никаква допирна точка, со енергетика и со адитиви за одмастување, a исто така сомнително е и тоа дека на огласот, била пријавена само оваа фирма, иако постојат многу фирми кај нас и во регионот, кои со години се на пазарот. Таман граѓаните помислија дека дното е постигнато, со фирмата за долна облека, која стана надзор, за новите автопатишта, еве ДУИ и СДС имаат уште поинвентивен начин, како да наместат тендер и да се збогатат за уште некое милионче. Овие криминали нема да се заборават, веднаш по превземањето на власта од страна на ВМРО-ДПМНЕ, ќе има истраги и одговорност за сите, додават од партијата.

ВМРО-ДПМНЕ: Дали ДУИ мести тендер од 4.5 милиони евра во Тетово за партиска градежна фирма?

Тале Кристо — Fri, 27 Oct 2023 06:59:51 +0000

Дали ДУИ мести тендер од 4.5 милиони евра во Тетово за партиска градежна фирма?, прашуваат преку денешното соопштение од ВМРО-ДПМНЕ. На 12 октомври годинава МОН на Јетон Шаќири распишува јавен оглас за избор на фирма за реконструкција на средното училиште Моша Пијаде во Тетово во вредност од 4.5 милиони евра Тендерот кој е еден од поголемите во обем во државата го следат многу контроверзии. Постојат сомнежи дека ДУИ го мести за партиска градежна фирма. Според условите на повикот фирмите кои воопшто може да учествуваат мора да имаат реализирани минимум три договори во последните пет години, од кои барем еден да биде со сума не помала од 160 милиони денари. Дополнително фирмите мора да имаат приход не помал од 287 милиони денари за секоја од последните три години. Според условите на тендерот станува јасно дека веќе однапред е скицирана фирмата или фирмите кои треба да се јават на него, а потоа и да го добијат. Дали повторно како фирма добитник на овој тендер ќе се јави фирма донатор на ДУИ или фирма блиска до врвот на оваа партија?, се вели во соопштението на партијата.

Мицевски: СДС и ДУИ го имаат рецептот за уништување на една држава, Македонија е празна поради системските грешки кои ги прават изминатите 7 години

Ивана Ефремовски — Sun, 22 Oct 2023 13:48:37 +0000

„На влезот во Пехчево навистина не можевме да видиме луѓе. Го памтам овој крај, го памтам за викенди полна чаршија од луѓе, улиците по градот полни со деца кои играат разно разни игри. Денеска, за жал е една пустелија која се пресликува не само во Пехчево, туку во целата Малешевија, Пијанец па и Виница и Македонска Каменица како дел од овој регион“, истакна членот на ИК и пратеник од ВМРО-ДПМНЕ, Никола Мицевски на денешната трибина Дебати за Македонија – „Иселување и демографија – предизвик за Македонија“ во Општина Пехчево. Тој потенцираше дека мора да се констатира дека истокот е празен, меѓутоа истокот е празен поради системските грешки кои се случуваат изминативе 7 години. „Оваа власт влезе, ја доби власта со еден лажен слоган „За живот“ преку којшто ветуваше подобар живот за сите граѓани и затоа граѓаните поверуваа и влегоа во приказната на социјалдемократскиот сојуз и живот. Се наоѓаме во 7 година на власта која нема стратегија како да се движи. Во овие 7 години променети се 3 министри за финансии, во моментот кога дојдоа таму се и основите на промашувањата на оваа власт, рекоа дека ќе го тргнат рамниот данок, тој данок покажа резултати во Македонија затоа што со вложувањето на добивките на бизнисот во државата се правеа нови економски зголемени капацитети во коишто се запослуваа граѓани, за да по една година со промена на министер да се променуваат и економските политики на таа власт која на ден пред Нова Година и почеток на фискална година реши да го воведе прогресивниот данок. Нема стабилност за бизнисот, граѓаните, банките затоа што сериозни бизнис компании прават десет годишни, повеќе годишни планови за инвестирање, се донесовме во ситуација да сакаат да воведуваат прогресивен данок. Кога реагираше бизнисот тоа го ставија во мирување одреден временски период што значи дека не стојат на мерките планирани односно реагираат импулсивно по реакција од граѓани“, посочи тој. Мицевски констатираше дека денешните законски решенија кои власта ги нуди се само реакција од граѓаните. Кога одреден сектор ќе реагира и ќе застане, односно ќе каже дека има проблеми тогаш се власта измислува ад-хок мерки со кои моментално се купува мир, но тоа не е решение кое Македонија ќе ја води во правилна насока. „Еден од тие буџети го нарекоа инвестираме во човечкиот капитал. Човечкиот капитал не се само луѓето, човечкиот капитал се и условите во кои живеат и творат тие луѓе, за жал теоријата ја имаат затоа што донесоа и стратегија повеќегодишна за човечкиот капитал, за развојот на човечкиот капитал меѓутоа во пракса се случува сосема спротивно затоа што нема семејство во Малешевијата, Пијанец, но нема семејство ни во Македонија каде младото работоспособно население не размислува и не ја напуштило Македонија. Зошто? Затоа што младите луѓе се разочарани, затоа што возрасните знаат што се случува, затоа што не гледаат перспектива и иднина и тоа е тоа што и фали на оваа држава“, рече Мицевски. Тој додаде дека се уништени програмите и мерките за многудетни семејства. „Фалат стабилен човечки потенцијал и фалат мерки долгорочни кои ќе ги понуди ВМРО-ДПМНЕ и фали судство во кое ќе веруваат граѓаните. Фали општество во кое граѓаните ќе веруваат. СДС и ДУИ го имаат рецептот за уништување на една држава. Тоа го гледаме на дневно ниво и во законите што се преточени во Собранието, а тоа е ад-хок реакции по реакција на одредена сфера, стопански субјект, одредена стопанска комора или одреден дел од општеството“, вели тој. Мицевски истакна дека на Македонија во наредниот период и е потребен ресет на секое ниво. „Приоритети во Собранието се друго само погледнете кои закони се носат со европско знаменце и ќе знаете каде се движи државата. Тоа е законот за игри на среќа, законот за до пред одреден временски период за отворање на фабрики на марихуани, тоа е размислувањето на ова власт. Тие гледаат како да дојдат до брзи пари, како одредени луѓе кои влегоа сиромашни во политиката за 7 годишен временски период излегоа милијардери и тоа ќе биде една од обврските на ВМРО-ДПМНЕ во наредниот период да направи ревизија и потекло на имотот на граѓаните во Република Македонија. Законско решение кое не само да го ветуваме, туку и во пракса да го преточиме затоа што граѓаните сакаат сигурна држава, правна држава која ќе нуди правна сигурност на секој еден граѓанин. Довербата во судството од минорни 1% во кои се доведовме е причина затоа што оние кои делат тендери и ја имаат политичката моќ во една држава се заедно затоа и судството ни е комплет на она кое што ни е“, кажа Мицевски. Тој додаде дека овие 7 години власта на СДС и ДУИ не донесоа на позиција на која сме. „Регионалниот рамномерен развој не се практикува секаде исто. Рамномерниот регионален развој го немаме во Источна Македонија, Малешевијата, односно го имаме селективно затоа што во општините каде имаме градоначалници од ВМРО-ДПМНЕ помошта и она што законски е обврска на државата не се испраќа кон градоначалниците. Знам каква мака има градоначалникот кој се наоѓа во средина, а тоа е градоначалникот Александар Китански од Пехчево за добивање на редовни донации и редовни средства кои му следуваат за разлика од градоначалниците од Берово и Делчево. Истото е во Македонска Каменица и Виница и затоа изразувам голема благодарност до овие градоначалници кои смогнуваат сили и покрај опструкциите што ги имаат на дневно ниво од централната власта да успеваат да сработат нешто“, дециден е тој. Мицевски се надева дека со брзата промена на власта во краток временски период ќе успеат тие средства кои ги следуваат овие општини редовно да ги сервисираме за да можат истите малку покомотно да успеваат да ги реализираат сите оние активности кои требаат. „Регионалниот рамномерен развој не само во источна Македонија, се чувствува односно неработењето на оваа власт и во западна Македонија иселување за кое зборуваме тука и демографските показатели и индекси се случуваат насекаде низ Македонија. Факт на тоа е лошото менаџирање на оваа Влада и решение за целата таа работа е брза промена на оваа власт“, кажа тој. Мицевски изјави дека во Македонија еден од клучните ресурси е човекот и околу него треба да ги поставиме сите оние мерки кои следуваат. „Многу е комплексен целиот овој процес. Мораме да размислуваме прво граѓаните, младите луѓе да ги задржиме, дел од нив да успееме со подобрување на економијата да ги вратиме. Да воведеме нови мерки карактеристични за секој регион. Да ги подобриме земјоделските и ИПАРД проектите во Источна Македонија и Малешевијата. Да се размислува за планинскиот и еко туризам. Да се подобрат инфраструктурните состојби во Македонија, здравството затоа што оваа општина мака мачи со здравствени услуги. Да се подобри образовниот капитал затоа што последните 2 години учебници нема во цела држава, да се обрне внимание на социјалниот аспект и едноставно луѓето да почнат да живеат квалитетен живот“, заклучи тој.

ВМРО-ДПМНЕ: СДС и ДУИ сакаат да го продадат МЕПСО на грчко – кинеска фирма? Се спрема ли нов бонбона бизнис?

Ивана Ефремовски — Sun, 22 Oct 2023 06:51:37 +0000

СДС и ДУИ сакаат да го продадат МЕПСО на грчко - кинеска фирма? Се спрема ли нов бонбона бизнис? - прашуваат од ВМРО-ДПМНЕ.

-Во Грција излегле информации во медиуми дека грчкиот електро преносен систем каде 24% сопственост има кинескиот електропренеосен систем во државна соспственост сака да го купи МЕПСО. Доколку власта се осуди на продажба на МЕПСО тоа ќе значи целосно губење на енергетската независност на Македонија. СДС и ДУИ беа тие кои ја продадоа ЕСМ на само неколку месеци пред изборите во 2006 година, посочуваат од партијата. Од ВМРО-ДПМНЕ велат дека СДС и ДУИ се тие чии бонбона бизниси ги чинат граѓаните милиони.

-Власта да не влегува во нови авантури, МЕПСО е од стратешко значење за државата и негова продажба не носи никаква полза за Македонија и граѓаните, се наведува во соопштението.

„Докажано, обвинителството ја потврди лажната вест на власта за монтираниот случај „Делчевски ниви“, со кој ДУИ и СДС, се обиде да ја оцрни ВМРО-ДПМНЕ“

Тале Кристо — Sat, 21 Oct 2023 07:16:44 +0000

Уште една лага од СДС и ДУИ, падна во вода, која беше секојдневно лиферувана, по владините медиуми, во врска со таканаречените делчевски ниви, велат во партиското соопштение од ВМРО-ДПМНЕ.. Нивните лаги ги потврди дури и нивното обвинителство, кој тие го контролираат, во недостиг на ни еден доказ, со кој се потврдува лажното обвинение, кое беше конструирано од власта. Самиот документ го потврдува тоа кој гласи: „По анализа на кривичната пријава, исказите на сведоците, исказот на осомничените, како и сите обезбедени материјали, во текот на истражната постапка, се констатира дека од конкретната истражна постапка, не произлегоа ниту материјални, ниту вербални докази, кои би го потврдиле основното сомнение, дека делата кои им се ставаат на товар на осомничените, се кривични дела, за кои, се гони по службена должност, односно произлезе дека пријавените не превзеле дејствија, кои ги сочинуваат битијата на пријавените кривични дела“. По ова сега, докажано како измислено обвинение, без докази, очекуваме по истото да се произнесе власта и во најмала рака да се извини пред народот, за лажните обвинувања, стои во соопштението на партијата.

Мицкоски: Владата на ДУИ и СДСМ за 6 години го зголеми долгот за речиси 2,5 милијарди евра за да имаат повеќе пари за наместени тендери, значи постои основано сомневање за историски политички грабеж од страна на политички криминалци

Тале Кристо — Thu, 19 Oct 2023 11:17:16 +0000

Економската политика на Владата на СДСМ и ДУИ или ДУИ и СДСМ ја доведе Македонија до бездната. Тие не чувствуваат никаква патриотска припадност и должност кон државата и континуирано ја носат во бездна и провалија на начинот на кој тие работат. Долгот галопира дојде до 8,3 милијарди евра што претставува практично околу 58 проценти од БДП, рече претседателот на ВМРО-ДПМНЕ, Христијан Мицкоски за време на денешната посета на општина Зелениково која е во рамки на акцијата „Важно е! Од тебе зависат промените“. „Ако направиме споредба со регионот, да речеме Србија едно време која беше многу напред сега е позади Македонија некаде отприлика 53,5 проценти, Косово кое се уште реално нема оформено државност е некаде до 20 проценти“, кажа Мицкоски. Така што политиките на Владата, додаде Мицкоски, се поразени тие капитулираа. „Капитулираа и на друг план инфлацијата е некаде околу 8,4 проценти, а во еврозоната е 4,3 проценти речиси двојно помала. Што значи тезата дека е увезена не држи. Повторно е уште една лага на власта“, укажа Мицкоски. Мицкоски објасни зошто сето ова се случувало во изминатите години владеење на СДСМ и ДУИ. „Владата на ДУИ и СДСМ во овие шест години за речиси 2,5 милијарди евра го зголеми долгот за да имаат повеќе пари за наместени тендери, тендери кои потоа ги договараат во 4 очи или со други зборови кажано постои основано сомневање за историски политички грабеж од страна на политички криминалци кои 6 години ја водат Владата“, заклучи Мицкоски.

„Инфлацијата го јаде лебот на граѓаните, а во исто време функционерите на ДУИ и СДС се товат со бифтеци, по евтини цени во владиното бифе“

Тале Кристо — Thu, 19 Oct 2023 06:45:55 +0000

Додека народот се обидува да го преживее секој месец, борејќи се со енормната инфлација, која го јаде нивниот леб, во владиното бифе, каде јадат високите функционери на ДУИ и СДС, има бифтеци и сланини, по багателни цени, велат во партиското соопштение од ВМРО-ДПМНЕ. Истите овие, што се сладат секојдневно по багателни цени, во владиното бифе, ги поскапеа лековите, витамините, детската храна, конзервираните производи, цвекло, брашно, чај, урда, сирење, кашкавал, зденки, замрзнати теста, феферони и овие производи ги прогласија за луксуз. Во Македонија веќе до крајот на оваа година, според меѓународните организации 600 илјади граѓани ќе живеат на самиот раб на егзистенција, а околу 80 илјади граѓани, живеат живот, со помалку од едно евро на ден. Ваква безидејност и бедотија никогаш немало во Македонија. Тоа ќе се смени набрзо и новата влада, предводена од ВМРО- ДПМНЕ, веднаш ќе работи на подобрување на стандардот на граѓаните, стои во соопштението на ВМРО-ДПМНЕ.