Дуковски потврди: Добив закани по животот на Бојан Јовановски

Тале Кристо — Thu, 25 Jun 2020 19:15:53 +0000

Непосредно пред да дојде Бојан Јовановски во обвинителството, од непознат број ми се јави машки глас и ми рече: „кажи му на тој денес кога ќе оди во обвинителство да не зборува зошто ќе го убиеме“. Овој случај веднаш го пријавив во полиција, изјави за МКД.мк Сашо Дуковски, адвокат на Бојан Јовановски. Дуковски прашал кој се јавува, но добил одговор: „ти рековме да не прашуваш многу туку само да му пренесеш на педерот дека ако збори ќе го убиеме“. Адвокатот рече дека тој не добил никаква закана. За ова вечерва конференција за медиумите одржа и Наум Стоилковски, портпарол на ВМРО-ДПМНЕ. „Кој му се заканува на Сашо Дукоски, адвокатот на Боки 13, додека истиот дава исказ пред Јавен обвинител, откако пред само неколку дена на суд рече дека парите од рекетот завршиле кај Зоран и Вице Заев? Кој се плаши од исказот на Боки 13 и неговата содржина? Преку телефон додека истиот е на суд со неговиот адвокат пред јавен обвинител од непознат број и со мутиран глас некој денеска му се закани на адвокатот со зборовите – Ќе те убиеме и тебе и Боки, пазете што зборите. Настанот како што пишуваат медиумите се случил пред Јавен обвинител и истиот е документиран и е влезен во записник, но и во кривична пријава“, рече Стоилковски. Бојан Јовановски, осуден за случајот „Рекет“, утрово на негово барање бил спроведен во Јавното обвинителство и имал средба со обвинител. Тој наводно поднел две пријави против неколку политичари и бизнисмени за повеќе кривичи дела како противзаконито посредување, изнуда, давање лажен исказ, измама, тортура… Кривичните пријави биле поврзани со предметите „Рекет” и „Меѓународен сојуз”. Најавено е дека Јовановски ќе поднесе и други кривични пријави на 3 јули. Извор: Мкд.мк

Дуковски: Телефонот на Бојан Јовановски не е вештачен бидејќи во него се наоѓаат фото и видео материјали кои би можеле да послужат како докази

Тале Кристо — Mon, 22 Jun 2020 20:11:24 +0000

Во вечерашното издание на дебатната емисија “Што не е јасно?” гостуваше адвокатот Сашо Дуковски, кој зборуваше за случајот “Рекет” и за непрофесионалноста на судот во врска со вештачењето на мобилниот телефонски апарат на Бојан Јовановски. Дуковски потенцираше дека судот во ниеден момент не покажал огромен интерес за вештачење на мобилниот телефонски апарат на Бојан Јовановски, за кој самиот Јовановски вели дека има фото и видео материјали, како и преписки кои би послужиле како доказ во самата истрага. “Бојан Јовановски тврди дека во неговиот телефон има голем број на разговори, слики и видео материјали, кои би можел да помогнат во истрагата и да разјаснат многу нешта. Сепак судот на тоа остана нем и извештачи и приложи едвај три слики од вкупно 1650 фајлови. Тоа укажува на тенденциозноста и преудицирањето во врска со целиот случај со Бојан Јовановски”, вели Дуковски. Според Дуковски судот најверојатно добивал политички насоки на кои не би смееле да се спротивстават, па затоа и истражната процедура не е завршена до крај како што треба во интерес на осознавање на вистината и наоѓање на парите, заврши Дуковски.

Дуковски – Kurir.mk

Дуковски потврди: Добив закани по животот на Бојан Јовановски

Дуковски: Телефонот на Бојан Јовановски не е вештачен бидејќи во него се наоѓаат фото и видео материјали кои би можеле да послужат како докази