дуле и коки – Kurir.mk

СЕЌАВАЊЕ: Девет години од смртта на Душан Љубисављевиќ од дуото „Дуле и Коки“

Ивона Петрова — Fri, 23 Sep 2022 05:59:35 +0000

Денеска се одбележуваат девет години од смртта на Душан Љубисављевиќ, од популарното дуо „Дуле и Коки“. Душан почина на 23 септември 2013 година во Клиничкиот центар во Скопје. Дуле, заедно со својот другар Коки, обајцата штипјани, уште во студентските денови формираа дуо и нивните весели песни брзо ја освоија јавноста. Со победата на Макфест во 1996 година со песната „Виолина и гитара“, дуото Дуле и Коки стана препознатливо, а следуваа успешни години на настапи, нови хитови и живи свирки во многу кафулиња низ Македонија, кои се полнеа до последното место.

Гледаш дека имало Господ? Коки со потресно писмо се присети на Дуле

Дарко Андоновски — Thu, 24 Sep 2020 17:16:02 +0000

Вчера поминаа точно седум години од смртта на Душан Љубисављевиќ- Дуле, пејачот на познатото дуо „Дуле и Коки“. На 23 септември 2013 година засекогаш не’ напушти омилениот музичар. Неговиот најблизок соработник, виолинистот Никола Јанков- Коки, денеска со емотивен статус се присети на својот другар и колега со кого помина 20 години во добро и во лошо. Објавата ви ја пренесуваме во целост. -Се враќам од свирка, од Струмица брат, па ми се сврте у главата, и викам да ти напишам усте едно писмо.. ама ова ќе биде последно, не те замарам повеќе, да не речеш абе Кочо седум години ми досаѓаш, дај олабави. Брат, не знам дали да се смеам дали да плачам. Знаеш, се ми доаѓа дека од негде ќе се појавиш и тоа најчесто коа свирам ми се случува, абе „фатаморгана“. Можеби па, сеа дури сфаќам дека стварно те нема, а..? Сите прашуваат за тебе, не те заборавиле да знаеш, особено при крај на свирката.. ја темпирам ‘колку треба да се плати’ ќе стиснам заби, им ја пеам, и они пеат, ама на таа не плачам, тешко ми е да плачам на таа, глеам они плачат… На овој ден коа ја летна, знаеш на кој му е роденден? На Ице, замисли.. не сум ти кажал тоа. Кај одам јас без гитара, свириме заедно, и Сале е со нас. Ти стално, коа ќе спомнев Господ, се викаше, ај батали тоа. Ама гледаш дека имало Господ, па ти ако не знаеш, кој? И кажи сеа дека ГОРЕ СИ Е ГОРЕ, нели.. добро е таму. Овде е зезнато малку, мош малку повеќе. Има некој вирус, и ако го закачиш јако, за скоро умираш, ама некој ќе го фатат и ништо не им е.. поима неам… ваљда си чул. Макфест прв пат оваа година на плоштадот се одржа, на отворено, не у домот на културата, заради тој вирусот, 35год јубилеј.. Таму пак не’ заборавија и двајцата, али нема везе. Со Марија, сестра ти, ќе се сретнеме понекогаш. Нејзините две и од брат ти три, пет внучиња имаш. Не им ги памтам имињата, едното од брат ти се вика Душан Љубисављевиќ, знам, по тебе. Да знаеш дека не престанувам со музиката, а ми има дојдено многу пати да баталам, ама има песни бе брат што треба да се пеат и да се свират. Помладите поима немаат кој биле Дуле и Коки ама песните ги знаат, глеаш. Не знам шо сакав друго да ти кажам.. Знаеш што.. нема да биде ова последно писмо, ќе ти пишам пак, за некое време.. 7 23.09.2020

Se vrakam od svirka, od Strumica brat, pa mi se svrte u glavata, i vikam da ti napisam uste edno pismo..ama ova ke bide... Posted by Koki Jankov on Thursday, September 24, 2020

Срцето им се распарчи на целата естрада на денешниот ден- македонскиот пејач замина тивко во ноќта, гитарата му беше најголема љубов

Дарко Андоновски — Wed, 23 Sep 2020 20:47:32 +0000

Денеска се навршуваат точно осум години откако почина Душан Љубисављевиќ- Дуле, пејачот на познатото дуо Дуле и Коки. Тој 23 септември во 2013 година, луѓето беа во шок кога медиумите објавија дека не напушти фронтменот од дуото виолина и гитара. Дуле беше омилен кај колегите, пријателите, кај народот. Ако популарноста се мери по посетеноста на настапите на Дуле и Коки, тој беше ѕвезда, но остана скромното момче од Штип, неговиот град, во кој заедно со Коки на „Макфест“ во 1996, победија со песната „Виолина и гитара.“ Тој позади себе со животот ја остави неговата сопруга Љупка Настовска со која подолго време бил во врска. Во овој брак тој ја прифатил и нејзината 5 годишна ќерка.