дума – Kurir.mk

Думата го усвои законот за зголемување на старосната граница за пензионирање

Ристе Здравков — Thu, 27 Sep 2018 12:07:47 +0000

Предлог-законот со кој се зголемува старосната граница за пензионирање во Русија го помина третото завршно читање во Думата. Според предлог-законот старосната граница за пензионирање се зголемува за пет година, на 65 години за мажите и на 60 години за жените. За да се озакони предлогот потребно е да биде изгласан во Горниот дом од рускиот Парламетн и да го потпише претседателот Владимир Путин. Предлог законот предизвика масовни протести ширум Русија поради што Путин побара да се ублажат реформите на пензискиот систем.

Поради вооружен напад одложена посетата на инспекторите на ОПЦВ на Дума

Даниел Василев — Wed, 18 Apr 2018 13:21:51 +0000

Генералниот директор на Организацијата за забрана на хемиско оружје (ОПЦВ), Ахмет Узумџу денеска изјави дека вчера било пукано врз екипата за безбедност на Обединети нации, која е задолжена за првична проверка во сирискиот град Дума. Поради инцидентот, инспекторите на ОПЦВ ја одложија посетата на Дума, каде наводно беше извршен напад со хемиско оружје. Инспектори на ОПЦВ во Дума треба да испитаат дали во Дума имало напад со хемиско оружје на почетокот од април. Сириската државна новинска агенција САНА објави дека инспектори на ОПЦВ вчера влегле во Дума, додека сирискиот амбасадор во Обединети нации, Башар ал Џафари изјави дека во градот влегол само еден член од екипата за безбедност, а не и инспекторите. МИА

Тим на ОН за безбедност пристигна во Дума

Ивона Петрова — Wed, 18 Apr 2018 05:51:00 +0000

Сирискиот амбасадор во ОН Башар Џафари изјави дека тим за безбедност на Обединетите Нации вчера отпатувал за Дума, пред меѓународните експерти денеска да почнат со испитување на наводниот хемиски напад. - Тим на ОН за безбедност влезе во Дума со цел да ја процени безбедносната ситуација на терен и ако одлучи дека ситуацијата во Дума е стабилна, тогаш мисијата која ќе ги утврди фактите ќе почне со работа, изјави Џафари на седница на Советот за безбедност на ОН. Тој истакна дека сириската Влада прави се што може за да помогне во работата на таа мисија.

Експертите за хемиско оружје влегоа во Дума

Даниел Василев — Tue, 17 Apr 2018 13:47:26 +0000

Експертите на Организацијата за забрана на хемиското оружје (ОПЦВ) денеска влегоа во сирискиот град Дума, каде се тврди дека на 7 април бил извршен хемиски напад, што беше повод за саботните ракетни напади на САД, Велика Британија и Франција врз Сирија. Инспекторите од ОПЦВ минатата недела дотпатуваа во Сирија за да го истражат местото на наводниот напад, но досега не им беше дозволен пристап до Дума, град кој е под контрола на сириската влада откако од него се повлекоа бунтовниците, затоа што не можеа да бидат дадени гаранции за нивна безбедност. Француското Министерство за надворешни работи претходно денеска предупреди дека е многу веројатно оти ги „снемало доказите“ од Дума и оцени дека е неопходно на меѓународните инспектори да им се овозможи итен пристап на тоа подрачје. Во соопштението на француското Министерство се тврдеше дека Русија и Сирија „и натаму одбиваат да им дозволат пристап на инспекторите на местото на нападот“. - Многу е веројатно доказите и елементите од суштинско значење да исчезнат од тоа место, се наведува во соопштението. МИА

Франција: Исчезнуваат докази од Дума, на инспекторите да им се дозволи пристап

Дарко Андоновски — Tue, 17 Apr 2018 12:24:07 +0000

Француското Министерство за надворешни работи денеска соопшти дека многу е веројатно оти ги „снемало доказите“ од местото на наводниот напад со хемиско оружје во сирискиот град Дума и оцени дека е неопходно на меѓународните инспектори да им се овозможи пристап на тоа подрачје. Инспекторите од Органзиацијата за забрана на хемиско оружје (ОПЦВ) минатата недела отпатуваа во Сирија за да го истражат местото на наводниот напад, но се уште не им е дозволен пристап до Дума, град кој е под контрола на сириската влада откако од него се повлекоа бунтовниците. Во соопштението на француското Министерство се тврди дека Русија и Сирија „и натаму одбиваат да им дозволат пристап на инспекторите на местото на нападот“. - Многу е веројатно доказите и елементите од суштинско значење да исчезнат од тоа место, се наведува во соопштението.

Ем-Ес-Ен-Би-Си: Примероците покажуваат дека во Дума било употребено хемиско оружје

Катерина Бојаџиева — Fri, 13 Apr 2018 06:43:43 +0000

Американски претставници добија примероци од крвта и урината на жртвите на хемискиот напад во Сирија, кои поокажуваат дека во Дума било употребено хемиско оружје, објави американската телевизија Ем-Ес-Ен-Би-Си (TV MSNBC). Според телевизијата тестовите на примероците се позитивни на хемикалии, пред се на хлор, а некои и на нервен агенс. Во меѓувреме, сирискиот амбасадор во Обединети нации, Башар Џафри изјави дека два истражителски тима на Организацијата за забрана на хемиското оружје (ОПЦВ) треба да пристигнат во Сирија поради истрага за наводниот напад во Дума. - Двете групи одвоено ќе пристигнат во Сирија... Подготвени сме да ги испратиме до локациите на кои сакаат да одат, посочио Џафари. ОПЦВ потврди дека нејзини инспектори од сабота ќе почнат со работа на терен во Сирија. Неименуван извор од сириското Министерство за надворешни работи изјави дека Западот се обидува да ја опструира задачата на мисијата на ОПЦВ и „да се вмеша во нејзината работа“.

Дамаск и групата Џаиш ал Ислам постигнаа договор за евакуација од Дума

Матеја Петровски — Sun, 08 Apr 2018 13:36:43 +0000

Сириските власти денеска соопштија дека е постигнат договор за евакуација на борците од групата Џаиш ал Ислам од Дума, последниот бастион на бунтовниците во близина на сирискиот главен град Дамаск. Евакуацијата ќе треба да се спроведе во наредните 48 часа, објави сириската агенција САНА. Веста доаѓа во време кога Дума е цел на инензивни напади од страна на сириските власти.