дунав – Kurir.mk

УЖАС: Тело на петгодишно момче пронајдено во Дунав во Германија, било врзано за карпа и завиткано во фолија

Ивана Ефремовски — Wed, 30 Aug 2023 07:38:03 +0000

Интерпол упати меѓународен апел за идентификација на тело на момче, пронајдено врзано за карпа и завиткано во фолија во реката Дунав во Германија. Посмртните останки на детето беа откриени во близина на Гросмехринг во Баварија на 19 мај минатата година, но не е познато колку долго било во водата. -Истражителите веруваат дека тој имал меѓу пет и шест години и дека најверојатно времето го поминувал надвор од Германија, пренесува „Нова.рс“. Властите на оваа земја побараа од Интерпол да испрати таканаречено црно известување, вклучувајќи слики од реконструкција на лицето, до 185-те земји-членки на организацијата. Момчето било високо околу 110 сантиметри и тешко околу 15 килограми, со кафена коса и нулта крвна група. Јирген Сток, генерален секретар на Интерпол, рече: „Преку ова црно известување, Интерпол ја повикува глобалната заедница за спроведување на законот да ги проверува базите на податоци и да консултира отворени или нерешени случаи. Некој, некаде знае нешто за ова момче, па подеднакво е важно одредени детали да бидат јавно објавени. Без разлика дали тој е жртва на трговија со луѓе, киднапирање или насилство, ние сме посветени да ги мобилизираме сите полициски сили на Интерпол за да го идентификуваат и да им помогнеме на истражителите да ја расветлат неговата смрт“. Германската полиција сака да разговара и со секој кој се сеќава на исчезнато дете кое одговара на описот на момчето пронајдено во реката и чие исчезнување би можело да се поврзе со случајот. Тие можат да соработуваат со Интерпол за да им помогнат на роднините кои веруваат дека момчето можеби е член на нивното биолошко семејство да добијат ДНК совпаѓање. -Инаку, црното известување е издадено како дел од програмата „Идентификувајте ме“, која беше лансирана во мај за да им помогне на полицајците во Белгија, Германија и Холандија да идентификуваат 22 жени и девојки за кои веруваат дека се убиени, пишува Sky News. (МИА)

Се стравува од најлошото сценариo: Четворица пријатели паднале во Дунав, само еден се спасил-некои работи се мистерија

Ивана Ефремовски — Sun, 19 Mar 2023 13:06:08 +0000

Единицата за безбедност на реките од синоќа трага по Милош М.(37), Ненад Т.(38) и Милан Н., кои синоќа околу 21 часот испаднаа од чамецот кај мостот Панчевац. Според првичните информации, само Мане К.(37) успеал да исплива од Дунав. Бил прегледан во Ургентен центар. Мане наводно дал изјава во полиција, но не можел да каже која е причината за превртувањето на пловилото. Тој рече дека „успеал да заплива во близина на кафаната „Код Рената“. Низ грмушките, над насипот, целиот каллив, изгребан и исцрпен, човекот кој беше единствениот кој избега и успеа да исплива од Дунав кога се преврте чамецот, во кој имаше уште тројца мажи, некако се фати за брегот и се упатил кон првите куќи во Крњача каде побарал помош. Како што се дознава, еден од тие тројца бил непливач, а како дошло до превртувањето се уште е нејасно, а нејасно е и што правеле синоќа на Дунав по силната струја која предизвикала големи бранови на реката. Според неофицијални информации, еден маж од чамецот бил непливач, а неговиот појас бил пронајден на неколку стотини метри од Панчевскиот мост. Како што се дознава, сите момчиња се семејни мажи, а сопругата на еден од нив е бремена.

ДРАМА ВО СРБИЈА: Маж едвај се спасил, а се трага по три тела во Дунав по превртување на чамец

Ивана Ефремовски — Sun, 19 Mar 2023 09:10:53 +0000

Низ грмушките, над насипот, целиот каллив, изгребан и исцрпен, човекот кој беше единствениот кој успеа да исплива од Дунав кога се преврте чамецот, во кој имаше уште тројца мажи, некако стигнал до брегот и се упатил кон првите куќи во Крњача каде побарале помош, дознава Младен Мијатовиќ, новинар на ТВ Пинк. Мештаните веднаш повикале полиција, која излегла на терен и која од синоќа интензивно трага и на Дунав и на брегот по исчезнатите тројца мажи од чамецот. Како што се дознава, еден од тие тројца бил непливач, а како дошло до превртувањето се уште е нејасно, а нејасно е и што правеле синоќа на Дунав по силната струја која предизвикала големи бранови на реката. Да потсетиме, тројца мажи исчезнаа при превртување на чамецот на Ада хуја, кај мостот Панчевац. Според првите информации, речната полиција трага по, најверојатно, телата на тројца мажи: Т.Н. (38), М.М. (37), инаку сопственикот на чамецот и Н.М. (36). Т.М успеал да исплива од Дунав и да се спаси. (37). Со чамец оделе од Ада хуја до Земун. Итната помош добила информација дека чамецот се превртел синоќа пред 23 часот.

Островот Донавинсел – австриската зелена оаза среде Дунав

Ивана Ефремовски — Mon, 04 Jul 2022 10:31:30 +0000

Популарниот вештачки остров Донавинсел изграден пред 50 години, а сместен меѓу природниот тек на Дунав и паралелно ископаниот канал Нов Дунав, денес претставува нераскинлив дел од австриската престолнина. Но, според првичните градежни планови, на истата локација била предвидена изградба на згради и патишта. Во 1972 година, Донавинсел, долг 21 километар, како што било најавувано, бил многу значаен проект на градежните стручњаци и градските власти. Во почетокот, за заштита од разорни поплави, кои во тоа време правеле големи материјални штети, била предвидена изградба на целосно рамни брегови и стрмни, скалести насипи, без капалишта и без патишта. На крајот од сѐ тоа се создало една „зелена оаза“ од 3,9 квадратни километри за возење велосипед, капење, излети со скара и за опуштање и рекреација. Промената на планот се случила сосем случајно. Поради сообраќајна несреќа, координативен тим за таа област, го посетил градилиштето и се запознал со потенцијалот на брегот и прекрасниот контраст меѓу островот и градот. Бргу дошле до заклучок дека градењето згради на тој простор би било погрешно. Новиот план бил Виена „да се доближи“ до Дунав, па тоа повлекло и нов пат дотаму. Така, на островот денес, покрај барови, ресторани и ноќни клубови, има и спортски објекти за возење ролери, велосипедизам, пливање и веслање. Една од најбитните плажи на островот првично изгледала толку егзотично што набрзо ги добила прекарите „Копа бич“ и „Копа Каграна“, како алузија на светски познатата „Копакабана“ во Рио де Жанеиро. Донавинсел е познат и по големиот истоимен европски фестивал на отворено, кој редовно се одржува на крајот на јуни, од 1984 година. (МИА)

Завршена е обдукцијата на телото извадено од Дунав: Еден детаљ е посебно важен!

Ивана Ефремовски — Sun, 06 Mar 2022 19:58:59 +0000

Денеска заврши обдукцијата на телото кое беше пронајдено во Дунав. Според неофицијални информации, се работи за машко лице, со покрупна градба, а според развиените бутови најверојатно бил спортист. -Од полицијата ќе биде поднесена иницијатива за добивање ДНК профил. Според наредбата на Вишото јавно обвинителство во Пожаревац, надлежната институција ќе го утврдува ДНК профилот на давеникот. Со споредување на ДНК профилот во базата или преземање на ДНК профилот од страна на семејството, ќе се направи обид да се утврди идентитетот на лицето, вели изворот.

Пронајденото тело во ДУНАВ по се изгледа не е МАТЕЈ ПЕРИШ, еве зошто!

Ристе Здравков — Sat, 05 Mar 2022 10:08:16 +0000

Синоќа кај местото викано Костолец, од Дунав било извлечено тело кое било во фаза на распаѓање, а за кое полицијата се сомневала дека се работи за Матеј Периш. Телото го пронашол рибар кој ловел риба во близина, а според неговото сведоштво и сведоштвото на Ненад Периш, не се работи за Матеј Периш, пишуваат српските медиуми. Клучните детали не се поклопуваат со пронајдените остатоци од телото кое вчера беше пронајдено во Дунав. Имено тоа што ја побива тезата дека се работи за Матеј е дека телото е пронајдено во фаза на распаѓање, што значи дека тоа тело во Дунав се наоѓа минимум шест месеци, додека пак Матеј исчезна вечерта помеѓу 30 и 31 декември минатата година. Исто така и патиките кои биле пронајдени на трупот кој испливал од Дунав не одговарат тие кои ги носел Матеј таа вечер, потврдил Ненад Периш. Како што пишуваат српските медиуми Матеј таа вечер носел црни патики.

Метеоролозите предупредуваат: Бранот кој ги поплави Германија и Австрија може да ја зафати и Словачка

Ивона Петрова — Mon, 19 Jul 2021 06:23:19 +0000

Метеоролозите предупредуваат дека бранот од Германија и Австрија кој ги предизвика поплавите може да влијае и на Братислава. Нивото на Дунав може да се искачи за 2,5 метри во Словачка, според последните податоци на страницата imeteo.sk, која ја следи состојбата на реките. Словачкиот хидрометеоролошки институт (ШМУ) во неделата издаде предупредување за можни силни бури низ Словачка, каде може да падне голема количина дожд. „Како резултат на обилните дождови што паднаа претходните денови во Германија и Австрија долж Дунав, очекуваме значително зголемување на водостојот во словачкиот тек на Дунав“, велат метеоролозите. Нивото на Дунав достигна 526 сантиметри во предградието на Братислава, Девин и 565 сантиметри во Братислава. „Според нашите проценки, нивото на водата во Девин може да достигне 700 сантиметри, а во главниот град 740“, се наведува во соопштението на ШМУ и се додава дека постепеното опаѓање на нивото на Дунав може да започне денеска во попладневните часови.

Четворица мигранти исчезнале во Дунав во близина на Апатин

Ивона Петрова — Mon, 11 Nov 2019 08:41:16 +0000

Четворица мигранти исчезнаа во реката Дунав, во близина на Апатин, при обид илегално да преминат во Хрватска. Според очевидци, тоа се случило во близина на викенд населбата Вагони, каде десетмина мигранти во попладневните часови земале чамец и се обиделе преку Дунав да преминат на хрватска страна. Полицијата и нуркачки екипи веднаш пристигнале на местото на несреќата.

Капетанот уапсен поради несреќата во Дунав и претходно предизвикал судар

Дарко Андоновски — Fri, 07 Jun 2019 07:33:30 +0000

Украинскиот капетан на крузерот, кој се судри со помал брод со туристи на Дунав минатата недела, бил капетан на брод во Холандија кој предизвикал несреќа во таа земја во април, соопшти унгарското Обвинителство. Во соопштението се наведува дека е утврдено дека капетанот „ги избришал податоците од својот телефон“ по сударот во Будимпешта. Адвокатите на уапсениот капетан велат дека „тој е длабоко потресен од тоа што се случи“, меѓутоа додаваат дека не направил никаква грешка. Унгарската полиција соопшти дека се извлечени уште тела од Дунав, со што бројот на загинати во судирот на туристички брод и крузер во Будимпешта се зголеми на 19 лица. Осум јужнокорејски туристи и еден член на екипажот и натаму се водат како исчезнати. Само седум туристи ја преживеаја несреќата, што се случи на 29 мај. Локалните медиуми јавија дека туристичкиот брод во наредните денови би можел да биде извлечен од водата со голема дигалка.

Извлечени уште две тела на жртви од несреќата на Дунав

Дарко Андоновски — Thu, 06 Jun 2019 11:00:18 +0000

Од Дунав денеска се извлечени уште две тела, со што бројот на загинати во судирот на туристички брод и крузер во Будимпешта се зголеми на 15 лица. Од 33 Јужнокорејци кои се наоѓале на бродот, 13 од нив и двајца унгарски членови на екипажот се уште се водат како исчезнати. По судирот на туристичкиот брод Хаблеани со крузерот беа спасени седум јужнокорејски туристи. Локалните медиуми јавија дека Хаблеани во наредните денови би можел да биде извлечен од водата со голема дигалка.