дуња – Kurir.mk

Ова овошје е мелем за многу тегоби: Ги чисти белите дробови, го намалува холестеролот, ја подобрува крвната слика

Дарко Андоновски — Sat, 09 Oct 2021 11:47:31 +0000

Дуњата содржи изобилство на витамини, а во народната медицина се користи со децении. Пред сè се користи за ублажување на кашлицата и смирување на стомачните тегоби. Дуњата може да се јаде свежа, но може исто така од неа да се прават сокови, компоти и сирупи кои се еднакво ефикасни во отстранување на многу здравствени проблеми. Плодот од дуњата изобилува со витамини и минерали. Содржи витамин Ц во големи количини, дури во него има повеќе од тој витамин отколку во лимонот, потоа содржи витамини Б1 и Б2, ниацин, каротен, калциум, магнезиум, бакар, калиум, натриум, цинк, железо, манган, натриум, хлор. Покрај тоа содржи и протеини, диетални растителни влакна и јаглехидрати. Најлековитиот дел од дуњата се семките од кои се прави чај. Кога ќе отстојат во вода, семките испуштаат слуз која ги решава проблемите со кашлица и ги чисти дишните патишта. Покрај тоа, содржи и големи количини на амигдалин, односно витамин Б17 кој има антиканцерогено дејство. Семките се богати и со масти, танин, пектин, шеќери, емулзин. Благодарение на танинот и слузта, дуњата поволно делува на работата на цревата и спречување на инфективни болести. Пектинот поволно влијае на крвниот систем, помага во намалување на високиот крвен притисок и дава заштита од радиоактивни зрачења. Сокот од дуња може да излечи кашлица, астма и дијареја, додека пак печена или пак варена дуња се препорачува на анемични лица, но и за лекување на воспаление на желудочна и цревна слузокожа. Може да помогне и кај обилните менструации. Подготовка на сок од дуња: Измиете и ситно изрендајте еден килограм дуњи, па потоа исцедете ги низ газа. Сокот испијте го веднаш поради тоа што брзо оксидира. Најдобро е да го пиете пред јадење. Подготовка на чај од дуња: Семките од дуња прелијте ги со топла вода, оставете ги неколку минути да отстојат и потоа испијте ја течноста.

Конечно: Слониците Дуња и Даела на 29 септември доаѓаат во Зоо Скопје

Ивона Петрова — Fri, 07 Sep 2018 12:26:52 +0000

Зоолошка градина Скопје информира дека двете слоници конечно пристигнуваат кај нас. Зоо Скопје за првпат после 26 години станува дом на слонови. -На 29-ти септември им посакуваме ДОБРЕДОЈДЕ на слониците Дуња и Даела кои ќе ни раскажат една емотивна приказна и ќе ги освојат срцата на сите посетители на Зоолошка градина Скопје, велат од Зоо Скопје. Азиската слоница Дуња, е најголемата од нејзиниот вид во Европа и заедно со африканската слоница Даела доаѓаат во Македонија од Белгија. Прва слоница жителка на Скопје Зоо, била слоницата Цица која во Скопје живеела од 1963- 1970 год. Втората слоница која живеела во скопската Зоолошка е Анка, која починала во длабока старост во 1992 година.

Одложено доаѓањето на двете слоници во Зоо Скопје

Ивона Петрова — Tue, 14 Aug 2018 09:30:25 +0000

-Поради екстремно високите температури, доаѓањето на двете слоници е одложено. Топлиот бран кој ја зафати Европа не е погоден за транспорт на Дуња и Даела. Нивното здравје е најважно, а штом се стаблизираат временските услови и се создадат услови, слониците ќе пристигнат во Скопје, објави Зоо Скопје на Фејсбук.