Гитаристот на „Дуран Дуран“ објави дека има рак

Ивона Петрова — Sun, 06 Nov 2022 09:04:41 +0000

Основачот на групата „Дуран Дуран“ и гитарист Енди Тејлор има рак на простата во четврта фаза, открија неговите колеги од бендот на церемонијата за воведување во Куќата на славните во саботата. Тејлор (61) не можеше да присуствува на церемонијата, но пејачот Сајмон ле Бон прочита писмо што Енди го напишал, во кое открива дека пред четири години му бил дијагностициран рак на простата кој е метастазиран. -Многу семејства го доживеаја бавното „горење“ што значи оваа болест и, се разбира, нашето семејство не е исклучок. Зборувам од перспектива на семеен човек, но со посебна понизност пред членовите на групата, најдобрите фанови а групата може да ја има и оваа извонредна церемонија. Примам исклучителна терапија за мојата болест, но неодамна дојде до назадување. Мојата состојба не е непосредна закана за мојот живот, но нема лек. И покрај извонредните напори на мојот тим, морам да бидам искрен дека, и психички и физички, сум на работ. Сепак, ова не треба да го наруши она што бендот (со или без мене) успеа да го изгради и одржи во текот на 44 години, напиша Тејлор во писмото кое беше прочитано на церемонијата.

Еминем, Дуран Дуран, Лајонел Ричи меѓу номинираните за Рокенрол куќата на славните

Тале Кристо — Wed, 02 Feb 2022 20:26:05 +0000

Рокенрол Куќата на славните денеска ги објави номинираните за 2022 година, откривајќи ги 17-те артисти подобни за прием во класата 2022 година. По прват номинирани се Еминем, кој ја доби номинацијата веднаш штом ги исполни условите, како и Бек (Beck), Дуран Дуран, Доли Партон, Лајонел Ричи, Карли Сајмон и A Tribe Called Quest. Меѓу оние кои чекаат да бидат примени во Рокенрол куќата на славните веќе неколку години од исполнувањето на условите се и Пет Бенатар, Кејт Буп, Дево, Јуритмикс, Rage Against the Machinе и други. Еминем (49), роден како Маршал Метерс, е единствениот од 17 кандидати кој ја доби номинацијата во својата прва година на подобност – што е 25 години по деби снимката на уметникот. Ако Еминем го додаде членството во рок сала на неговите 15 Греми, пет број 1 синглови и Оскарот за најдобра песна, тој ќе стане само вториот бел хип-хоп изведувач што некогаш успеал да влезе во RRHOF – по Beastie Boys во 2012 година. И Еминем би бил само седмиот хип-хоп артисти кој некогаш бил примен, а Џеј Зи е последниот рапер што го дозна тајното ракување минатиот октомври – исто така во неговата прва година на подобност. Еминем – кој ќе настапи заедно со Др Дре, Кендрик Ламар, Мери Џеј Блајџ и Снуп Дог на шоуто на полувремето на Супер Боул на 13 февруари – веројатно е единствениот, според американските медиуми, кој сигурно ќе биде примен во Рокенрол куќата на славните годинава.

Дуран Дуран – Kurir.mk

Гитаристот на „Дуран Дуран“ објави дека има рак

Еминем, Дуран Дуран, Лајонел Ричи меѓу номинираните за Рокенрол куќата на славните