душа – Kurir.mk

Дали имате чиста душа? Овие знаци јасно покажуваат дека сте вистински благослов за луѓето околу вас

Ристе Здравков — Thu, 03 Aug 2023 07:26:40 +0000

За некои луѓе, да се има чиста душа значи да се биде љубезен, грижлив и сочувствителен. За други, пак, чистата душа е поврзана со духовноста или дури и со религијата. Нашата душа е она што нè прави луѓе. Тоа е нашето вистинско ЈАС под сите маски зад кои се криеме. Многу луѓе сметаат дека душата е вечен дел од нас што живее после смртта. Но, со што се одликува чистата душа? Смиреност и скромност Овие две особини нè спречуваат да се изгубиме во големината на нашето его. Тие ни помагаат да негуваме посилни и поздрави односи со другите и нè учат дека е сосема во ред да бидеме ранливи. И покрај сите големи достигнувања што ги постигнуваат, често ќе откриете дека најчистите души во животот се многу скромни. Позитивна енергија Чисти души поттикнуваат позитивни мисли, а не негативни. Ова не значи дека тие се имуни на животните борби – далеку од тоа. Тие само сакаат да бидат сила на доброто во светот и знаат дека светлината може да ја победи темнината. Тоа значи фокусирање на љубовта, а не на омразата. Тие се обидуваат да разберат, а не да обвинуваат. Дарежливост Чистите души се дарежливи. Тие се среќни да го споделат она што го имаат со другите, без разлика дали тоа е нивното време, енергија, добрина или храна. Истражувањата покажале дека се чувствуваме посреќни и поздрави кога даваме и дека тоа ги подобрува нашите социјални врски. Благодарност Луѓето со чиста душа може да изгледаат најсреќни и најзадоволни, а тоа се должи на фактот дека тие се благодарни. Благодарноста е клучна состојка на среќата која им помага да ја видат убавината во сè околу нив. Наместо да се фокусираат на она што го немаат – што може да доведе до длабока фрустрација и незадоволство – благодарноста им помага да бидат задоволни од она што го имаат.

ШТО СЕ СЛУЧУВА СО ДУШАТА ПО СМРТТА? После 40 дена има неверојатен „фантом ефект“

Магдалена Андонова — Mon, 05 Sep 2022 14:39:18 +0000

Научниците открија што се случува со душата по смртта и долго време веруваа дека некои показатели не се точни. Според народното верување, душата на покојникот оди во рајот на четириесеттиот ден по смртта, а дотогаш неговиот дух останува на земјата. Меѓутоа, сега рускиот научник Петар Петровиќ Гарјајев, доктор по биологија, открил многу интересни факти. Имено, не е случајно зошто е избран бројот 40 и зошто народот со векови имал такво мислење за човечката душа по смртта. Овој феномен сега се нарекува „ДНК фантом ефект“, кој долго време е мистерија за научниците. Спектрометарот, за кој научниците мислеле дека не функционира, регистрирал „фантоми“ 40 дена. ДНК беше „декодирана“ од Вотсон и Крик во 1953 година. Потоа заклучиле дека молекулата на ДНК е составена од две нишки кои се спирално искривени една околу друга. ДНК е долга 500 милијарди километри и ги содржи апсолутно сите информации за нашето тело. Ним им беше доделена Нобеловата награда за нивните неверојатни научни достигнувања. -Излегува дека нашата молекула на ДНК е антена, бидејќи содржи метални атоми кои служат како еден вид приемник кој е насочен кон космосот, од каде што добива некои контролни космички информации - тврди академик Гарјаев. Особено, тој опиша експеримент со жаба икра. - Има едноставен експеримент со икрата од жаба кога се става во комора од 80 проценти никел и железо, каде што ги има сите услови за нормален развој на клетките со еден исклучок - нема надворешна електромагнетна средина. Во таа ненормална електромагнетна средина, ембрионите се претвораат во чудовишта и ниту еден од нив не успева да стигне до фазата на жаба. Според заклучоците на познатиот руски академик, ДНК генерира ласерски зраци и радио бранови кои градат информациски холограми. Примајќи ги информациите за брановите на овој начин, клетките на ембрионот создаваат еден вид план кој насочува каде и како треба да растат очите, устата, носот, ушите и друго. Исто така, во 1997 година, австриските научници со помош на експеримент докажаа дека фотонот може да се телепортира. Ова, всушност, значи дека може веднаш да се префрли од едно место на друго, а притоа да се зачуваат сите информации. - Тие многу јасно покажаа дека фотон може да телепортира, а нашата ДНК, нашите хромозоми, работат на принципот на фотони. Ова значи дека нашите клетки комуницираат едни со други со бесконечна брзина. Накратко, концептот на време исчезнува таму - тврди професорот Гарјајев.

Пронаоѓањето на втората половина не е лесно: Овие прашања треба да ги поставите на првиот состанок

Ристе Здравков — Thu, 07 Oct 2021 07:06:20 +0000

Додека во неколку наврати пишувавме за тоа што не треба никако да се разговара на првиот состанок и кои прашања треба строго да ги избегнувате, овој пат ви споделуваме кои прашања ите како треба да ги поставите на првиот ссотанок. Можеби ќе помислите дека го имате целото време пред себе за да се запознаете подобро, но ако некој не ви одговара уште од самиот старт лесно можете да препознаете со помош на овие јасни прашања чисто да не губите време на него. Кои квалитети ги цениш кај личноста со која сакаш врска? Ако личноста со која сте на состанок тврди дека од својот партнер очекува да биде позитивен, активен, вреден, трпелив, внимателен, љубезен, и сл.. ќе ви биде јасно дали се вклопувате во неговата визија на идеалниот однос. Секако никој не може да ги исполни сите услови но ако абсолутно не можете да се пронајдете себеси на листата тогаш тоа е јасен знак во кој правец треба да одите. Како изгледа твојата работна недела? А викендот? Одговорот на ова прашање ќе ви даде јасна претстава околу тоа дали предметот на вашиот интерес е активна или пасивна личност. Дали сака излегувања, или повеќе сака ноќите да ги поминува во својот дом, гледајќи пренос на фудбал на тв? Какво е твоето семејство? Ставот околу односите во семејството е доста важен. Ако личноста со која сте на состанок има позитивно мислење за своите членови на семејството, значи дека веројатно и вие ќе се снајдете во нивна близина. Лошите односи и негативниот став наговестуваат проблеми уште од самиот старт. Што за тебе претставува предизвик? Во склоп на ова прашање може да биде додадено и прашањето „Што возбудливо си направил последно во твојот живот?“ Ова ќе ви даде јасна слика за тоа со каква личност имате работа. Ако вашиот потенцијален љубовник бега од предизвици и води мирен живот а вие имате авантуристички дух многу тешко дека ќе пронајдете златна средина. Каков е твојот однос со твоите поранешни девојки? Никој не сака да разговара за своите поранешни врски, тоа е сигурно. Но откривањето дали е во пријателски или непријателски односи може доста да ви користи. Нема да се изненадите кога бившата девојка додека шетате заедно низ град кога ќе го сретне ќе го прегрне и бакне а исто така ќе ви биде јасно ако одбие да се задржи на одредено место каде што ја видел својата бивша со нејзиното друштво, со која имал лоша разделба.

Сите се грижиме за здравјето на телото, но еве како да направиме да не ни биде болна душата

Ивана Ефремовски — Sun, 08 Aug 2021 16:38:26 +0000

Сите разбираме што значи болен стомак, грло, уво. Но, колку разбираме кога всушност душата е болна? Познатиот руски проторереј Андреј Ткачов говорел што е потребно за човек да си го поправи здравјето и што е уште поважно, што забораваме често за силата на телото и духот и нивната меѓусебна, нераскинлива врска. „Можете да имате здравје, но да немате среќа, како и обратно, да имате среќа, но да немате здравје. Луѓето денеска се опседнати со здравјето, и јасно е дека секој од нас сака да биде здрав, но тоа не е тоа што може да ни донесе среќа. За среќа и потполно здравје, треба да се тргнеме од премногу модерниот начин на размислување на кој сме навикнете и да се одалечиме од материјалните работи кои денес се важни за живеењето. ”. На пример, зависта и љубомората штетат на нашето здравје, тие го уништуваат црниот дроб. Постојаната потреба да имаме повеќе и повеќе го уништуваат нашто здравје и организам. Така, за да бидеме здрави, душата мора да ни биде здрава, а тоа значи исчистена од лошите емоции кои не јадат одвнатре и се пренесуваат на остатокот на телото. Затоа, наместо да ја промените исхраната, сменете го начинот на размислување. Наместо исфрлување на шеќерите, од животот исфрлете ги внатрешните отрови.

Изберете слика и дознајте каков договор имате со вашата душа во овој момент

Ристе Здравков — Fri, 21 Aug 2020 11:41:24 +0000

Секој има многу различни договори со душите со кои се сретнува во текот на животот. Целта на секој предизвик и благослов е духовна еволуција на двете страни. За да откриете која е темата на вашиот договор, одберете ја картата што најмногу резонира со вас. 1. Напуштање и страв од промени Дали останувате во врските подолго отколку што е потребно? Дали понекогаш се наоѓате во нездрави и зависни односи, лично и професионално? Најверојано вашиот договор со душата е да се борите против стравот од напуштање и против стравот да останете сами. Не е дека не сте свесни за токсичноста и за тоа дека тие ситуации не се за ваше добро, но се плашите од промени и мислите дека е подобро да бидете во токсична ситуација отколку да бидете сами. Обидете се да откриете од каде потекнува стравот од напуштање. Можеби веќе знаете од каде потекнува тој страв. Сега е совршено време да ја лекувате таа рана и да научите како да заминете кога знаете дека нешто не е за вас. 2. Самоувереност и идентитет Дали се чувствувате непријатно кога сте во центарот на вниманието и кога целото внимание е насочено кон вас? Дали мислите дека потребите на другите луѓе се поважни од вашите? Дали е можно да го правите тоа несвесно затоа што вашиот идентитет е силно поврзан со одобрувањето на другите? Вие треба да откриете кои сте како индивидуа и да ги негувате и да ги споделите вашите дарби со светот. Убаво е и важно е да ги поддржувате другите, но честопати ги ставате потребите на другите луѓе пред вашите потреби. Понекогаш работите за други, иако тие не бараат помош, а вие се чувствувате отфрлени затоа што не побарале помош од вас уште на почетокот. Вашиот идентитет е поврзан со она што другите луѓе го чувствуваат за вас. На некој начин, вие се подготвувате за разочарувања и привлекувате луѓе кои би можеле да ја искористат вашата дарежлива природа. Започнувајте го денот со позитивни мисли што ве поттикнуваат целосно да ја прифатите и да ја искористите вашата лична моќ. Размислете за вашите страсти и вештини и преземете ги потребните чекори за да ги прифатите. Вашата задача е да ги постигнете своите цели, а духот ќе се погрижи за сè останато. 3. Страв и недостаток на свесност Дали забележавте дека постојано се обидувате да напредувате, а кога имате пари на вашата банкарска сметка, се појавува неочекуван трошок и треба да ги потрошите тие пари? Со текот на времето, ќе почнете да се прашувате дали некогаш ќе напредувате. Запрашајте се дали ви се случува тоа затоа што не ви е судено да живеете во изобилство или затоа што мислите дека секој пат ќе почнете да напредувате, ќе се појави нешто и ќе ви го одземе она за коешто многу се трудевте за да го добиете? Вашиот договор со душата е да дејствувате преку недостатокот на свест. Големи се шансите да сте растеле во околина во која тешко можело да се живее или можеби не сте имале доволно средства за живот. Ветете си дека ќе дадете сè од себе да не мислите дека кога ќе добиете нешто, истото тоа ќе ви биде одземено. Можеби полека ќе напредувате финансиски, но ќе мора да вложите многу труд за да ги контролирате мислите и зборовите.

Еден ден ќе ја увидиш тенката црта меѓу држење за рака и врзување за душа…

Ристе Здравков — Wed, 21 Nov 2018 14:11:48 +0000

Еден ден ќе ја увидиш тенката црта меѓу држење за рака и врзување за душа. И ќе научиш дека љубењето не значи да се потпреш некому, а друштвото не значи сигурност. И ќе научиш дека бакнежите не се договори, а подароците не се ветувања. И ќе почнеш да ги прифаќаш своите порази со крената глава и отворени очи, со радоста на возрасен човек, наместо со тагата на детето. И ќе научиш дека сите патишта можеш да ги изградиш денес, затоа што утрешното тло е несигурно за планирање. Еден ден ќе научиш дека и сонцето може да те изгори доколку премногу му се приближиш. Создади своја лична градина и уредувај ја сопствената душа, наместо да чекаш некој да ти подари цвеќе. И ќе научиш дека можеш да преживееш многу работи, дека навистина си силен и дека навистина вредиш.