душан дуда ивковиќ – Kurir.mk

Погребан Дуда Ивковиќ: Цвеќињата потполно го пoкрија гробот, а видена е неверојатно симболика со гулаб (ФОТО+ВИДЕО)

Магдалена Андонова — Tue, 21 Sep 2021 11:22:43 +0000

Легендарниот кошаркарски тренер Душан Дуда Ивковиќ е погребан на Новите гробишта во Белград, во семејната гробница. На вечно почивалиште го испратија членовите на семејството, пријателити и голем број на луѓе кои го почитуваат неговиот лик и дело. Многу великани на кошарката, на кои Дуда им беше кошаркарски татко, дојдоа на великанот да му го кажат последното збогум. Доволно е само да се види кои имиња го носеа неговиот ковчег, тоа најдобро говори за ликот на Дуда. Ковчегот го носеа неговиот кум Жељко Обрадовиќ, Дино Раѓа, Предраг Даниловиќ и Јуре Здовц кој особено беше неутешен и со солзи во очите. И на останатите им беше тешко да ги задржат солзите, како и на Жељко Обрадовиќ. Откако ковчегот со телото на Дуда Ивковиќ беше ставен во гробницата, гробот беше покриен со куп цвеќиња високи речиси два метри и од кои гробот беше речиси невидлив. Сочувство до семејството изрази и претседателот на Националното собрание, Ивица Дачиќ, кој дојде на гробот и изрази сочувство до неговата сопруга и синовите на Дуда Ивковиќ. Симболично, откако Дуда беше погребан и биле положени цвеќиња на неговиот гроб, гулаб одлетал, а познато е дека Дуда имал голема љубов кон гулабите. Видеата може да ги погледнете ТУКА.

Перо Антиќ се прости од Дуда – му упати емотивни зборови за последен пат (ФОТО)

Дарко Андоновски — Thu, 16 Sep 2021 09:53:34 +0000

Смртта на еден од најдобрите тренери на сите времиња, Душан Дуда Ивковиќ го потресе кошаркарскиот свет, многумина за последен пат се простуваат од великанот на европската кошарка, а меѓу нив е и Перо Антиќ. Претседателот на кошаркарската федерација на Македонија (КФСМ) работеше заедно со Дуда во Олимпијакос и заедно во 2012 година триумфираа во Евролигата. „Ти благодарам за се, „коуч“… Почивај во мир, Дуда“, напиша Антиќ на својот инстаграм-профил, крај заедничките фоторафии со трофејниот стратег.

View this post on Instagram

A post shared by Antic Pero Official Instagram (@cickostoilko)

Почина познат југословенски кошаркар

Магдалена Андонова — Thu, 16 Sep 2021 07:55:36 +0000

Прославениот кошаркарски тренер Душан Дуда Ивковиќ (78) почина утрово во Белград. Оваа страшна вест ја потврди првиот човек на КК Раднички: „Во шест часот и 50 минути, Душан почина во болница во Белград како резултат на вода во белите дробови и херпес“, ќе изјави Горан Калиниќ кратко за Спорт клуб, додека официјалната вест за причинита за смртта стигна нешто подоцна, а во неа се вели дека срцето на кошаркарската легенда не издржало. Душан Ивковиќ е роден во Белград на 29 октомври 1943 година. Тој беше еден од најуспешните европски тренери на сите времиња, секако најуспешниот селектор на кошаркарската репрезентација на Југославија на Европските првенства, каде освои медали во Загреб во 1989 година, Рим во 1991 година и Атина во 1995 година. Тој исто така беше селектор на кошаркарската репрезентација на Србија од 2008 до 2013 година, а за тоа време освои сребро на Европското првенство и беше четврти на Светското првенство 2010 година. Тренерската кариера ја заврши во 2016 година. Како кошаркар играше на позицијата бек, а како тренер ги водеше Партизан, Арис, Раднички Белград, Шибеник, Војводина, ПАОК, Панионис, Олимпијакос, АЕК, ЦСКА, Динамо Москва и Анадолу Ефес. Со националниот тим освои три европски златни и едно сребро, едно светско злато, сребро на Олимписките игри и злато на Универзијада. Тој двапати ја освои Евролигата, беше шампион на Купот Радивоје Кораќ, Купот Рајмонд Сапорта, УЛЕБ лигата, беше шампион на Југославија, Грција и Русија со своите клубови, исто така ги освои натпреварите од Купот и Суперкупот во истите земји.