Душко Весковски – Kurir.mk

Стоилковски: Весковски од Водовод за 9 месеци потрошил 22.000 евра за кафе и кафеани

Катерина Бојаџиева — Fri, 10 Dec 2021 12:32:45 +0000

Душко Весковски од парите на ЈП Водовод со кое што директорува за кафе и кафеани за девет месеци има потрошено 1.323.419 денари. оваа година речиси 22 илјади евра. За кафе и кафеани само во ресторани Душко Весковски има потрошено 17 илјади евра. Толку пари од ЈП Водовод се потрошени за репрезентација според извештајот кој што беше презентиран пред јавноста на седницата на Советот на Град Скопје, вели Наум Стоилковски, портпарол на ВМРО-ДПМНЕ. -Нема инвестиции, нема наплата, а Весковски има потрошено 22 илјади евра за кафе и за ресторани за само девет месеци годинава. Во услови на ужасна економска криза, во услови на гаснење на економијата, работници на улица, Весковски троши на кафеани. За спонзорства и донации според извештајот биле дадени 2.308.593 денари или речиси 38 илјади евра, пари од ЈП Водовод. Споредено со минатата година за овие две ставки, за репрезентација за потрошени речиси пет пати повеќе. Истата слика е и за донации и спонзорства, 450% повеќе. Почитувани, финансискиот извештај за работењето на Душко Весковски неразумно трошење, недомаќинско работење, превработеност и екстремно трошење на репрезентација, гоштевања и луксузи. И овој извештај не му помина пред советниците на Град Скопје, кои што оценија и дека е потребна ревизија за работењето на компанијата. Наместо да седи по кафеани, Весковски требало да се загрижи зошто зошто компанијата оди во минус со наплатата која што е речиси половина, само 57%, но и како е можно дури 40% од неплаќачите да се фирми. Наместо да троши на репрезентации, Весковски требало да мисли зошто имало потреба од речиси 50 вработувања во услови кога не може да ја реализира наплатата, што времено, што за постојано. И тука се поставуваат прашањата за што се трошени пари во овие девет месеци додека Весковски наместо да води грижа за ЈП Водовод, водеше изборна кампањата за градоначалничко место во Карпош. Весковски мора да одговори дали оние 17 илјади евра според извештајот оставени во ресторани и оние 38 илјади евра за спонзорства имаат врска со неговата кампања, додека компанијата тоне во превработеност и нереализирана наплата. Дали онаа бројка од 40% од долговите од фирмите се поврзани со неговата градоначалничка кампања? Почитувани, како шлаг на сиот овој финансиски извештај за работата на Весковски во ЈП Водовод годинава, е и зошто Весковски имал потреба за нов модел на мобилен телефон од 1000 евра кој што стои во финансискиот извештај. Дали за фирмата или за градоначалничката кампања на Весковски? Почитувани, извештајот е доказ за кадрите на СДСМ и за изборот на Зоран Заев. За Македонија почитувани, нема полошо од СДСМ, додава Стоилковски.

ВИДЕО: Очајот кај СДСМ расте – жена од Влае нападната од хулигани на Весковски бидејќи собирала летоци со црна кампања против Јакимовски

Магдалена Андонова — Fri, 29 Oct 2021 17:27:52 +0000

Активисти на СДСМ, не бираат средства и начин во пресметките со неистомислениците. Толку се очајни поради поразот кој им претстои во недела, што напаѓаат дури и жени. Хулигани на Душко Весковски нападнале жена која собирала летоци со црна кампања од пред нејзиниот двор кои правеле ѓубре. Летоците со недолична содржина која се однесувала на против кандидатот на Весковски, Стевчо Јакимовски, биле фрлени низ нејзината улица, пред нејзината куќа, а дел биле оставени на автомобилот на нејзиниот сопруг, како и по автомобилите на соседите. Таа почнала да ги собира кога се паркирале две возила. Од едното излегол крупен дечко кој вербално на ја нападнал и ја натерал веднаш да ги врати летоците на автомобилите. Жената го повикала сопругот кој веднаш излегол. Кога тргнале и двајцата да се враќаат дома, се запалиле светла од неколку возила кои ги чекале во уличката. Хулигани излегле од возилата, почнале да ги навредуваат, да ги пцујат и да фрлаат со предмети додека жената и сопругот се обидувале да си влезат во дворот. Им се заканиле да не излегуваат повеќе надвор и дека ќе ги чекаат цела ноќ доколку излезат. Од СДСМ за овој инцидент ја обвинија жената, нарекувајќи ја криминалец кој напаѓа политички активити.

Јакимовски: Весковски бега од дебата поради набиена агенда, а неговата агенда е ширење на негативна кампања

Тале Кристо — Tue, 26 Oct 2021 17:10:57 +0000

Јас морам да кажам дека господинот Весковски во вториот изборен круг не кажа две реченици зошто граѓаните на Карпош би требало да го поддржат него, зошто би требало да дадат глас за него. Ова е веќе петта дебата од која што бега, а утре ми ја откажаа и дебатата на ТВ 24, истакна дека Стевче Јакимовски, кандидат за градоначалник на Општина Карпош во „Само вистина“ на Канал 5 телевизија. Јакимовски додаде дека Весковски треба да се појави барем на една дебата за да поразговараат за негативната кампања која ја водат против него. Набиената агенда на Весковски е црната кампања која ја шири помеѓу граѓаните. -Сите што не се со нив, сите се криминалци. За нив ни Катица Јанева не е криминалец, не е ни Рашковски, не е ни онаа што ги вежбаше магарињата Лидија Димова, не е ни Боки 13. За нив од тие никој не е криминалец. А, сите други останати граѓани за нив се криминалци. Ама зошто не дојдат овде да дебатираме, да разговараме и за нивните работи, рече Јакимовски. Јакимовски посочи дека тие од власта и со рекламни спотови и со билборди со негативни кампањи губат. -Но, да излеземе да се соочат со некој што знае, со некој кој што ја разбира материјата е тоа им е навистина тешко. Поготово вака еден на еден, за да директно граѓаните на општина Карпош оценат кој ја познава, а кој не ја познава материјата, кој лаже, а кој не лаже, кој има нешто што крие, а кој се ќе каже, укажа Јакимовски. Јакимовски нагласи дека граѓаните се најдобри судии.

ФОТО: Порака за Весковски на Скопскиот маратон – „Трчај како да грабнеш тендер за „Варшавска“

Ивона Петрова — Sun, 03 Oct 2021 07:40:27 +0000

По објавите дека градскиот татко Петре Шилегов и директорот на ЈП „Водовод и канализација“, сега кандидат за градоначалник на СДСМ за Општина Карпош, Душко Весковски местеле тендери од 300.000 евра порака стигна денеска. Некој одлучи да се пошегува со Весковски па му порача да трча на Скопскиот Виз ер маратон како да ќе грабне тендер за „Варшавска“. Граѓаните се револтирани од ваквиот однос на Вескоски и Шилегов и очекуваат случајот да има правна разврска.

„Шилегов не само што местел тендер од 300.000 евра со Весковски, туку во последните години нема тендер кај што има поголема аукција“

Магдалена Андонова — Tue, 28 Sep 2021 07:34:33 +0000

Петре Шилегов не само што е фатен како со Душко Весковски местеле тендер од 300.000 евра за фирма која претходно ги завршила градежните работи, туку и во последните две години нема голем милионски тендер на кој има повеќе од еден, два евентуално три понудувачи, од кои два завршуваат исфрлени. Таква е ситуацијата со тендеротза „Изградба, реконструкција, одржување на бул. „Никола Карев“ - фазна реализација (од влез во касарна „Илинден“ до „Момин Поток“) во Скопје. Каде процената вредност на постапката е 163.460.436,92 денари, а вредноста на склучениот договор е 160.764.941,68 денари. Односно постигнатата цена е како да немало воопшто реално јавно наддавање, стои во соопштението на ВМРО-ДПМНЕ. Од партијата велат дека според документите, пријавени биле 5 фирми.Две се веднаш елиминирани, поканети на аукција се три. На вакви аукции во нормални услови цената паѓа неколкукратно, бидејќи фирмите се борат да ја добијат работата, особено во 2020-тата, година на економска криза. Но оваа аукција завршува само со едно наддавање. Само со еден клик на електронска аукција. - Во минатото и насекаде во светот тендерски наддавања завршуваат речеси и со двојно намалување на првично планираната сума, само со Шилегов во последните две години од неговото владеење имаме тендери кои се добиваат на планираната сума. Се поставува прашањето зошто кога во економска криза се повеќе фирми ставаат клуч на врата, а не смеат да се пријават на тендер? Дали некој од власта кажува кој може, а кој не може да учествува на тендер? Дали зголемениот профит на фирмите кои ги добиваат тендерите завршуваат во нечиј џеб? Дали профитот од големите тендери е одговор на прашањето како Шилегов дојсе до имот на блискоисточен монарх? ЈО да не спие и да отвори истрага. Шилегов е фатен со мноштво докази кои директно сугерираат на можен криминал. Одговорност мора да има, додаваат ВМРО-ДПМНЕ.

ВМРО-ДПМНЕ: Шилегов и Весковски се фатени во местење на тендер од 300.000 евра и преплатени ставки и до 8 пати

Ивона Петрова — Mon, 27 Sep 2021 06:21:44 +0000

Петре Шилегов и Душко Весковски, да не се радуваат на тоа што во ЈО сега не отвораат истрага, и да мислат дека така ќе се спасат од одговорност за местење на тендер од 300.000 евра, велат од ВМРО-ДПМНЕ. Од партијата посочуваат дека доказите кои ги доставиле до ЈО покажуваат недвосмислено натплаќање на голем број на услуги и до 8 пати повеќе од цената која била плаќана во 2017 година. -Дополнително доказите јасно покажуваат дека градежните зафати првин биле направени, а дури два месеци потоа бил распишан тендер со цел да се исплати фирмата изведувач. Криминалот кој го направиле Шилегов и Весковски нема да застари. И Шилегов и Весковски ќе одговараат согласно закон. По промената на власта во Скопје, парите на граѓаните ќе се трошат одговорно и за што поголемо задоволување на потребите на скопјани. А сите незаконитости од минатото ќе бидат ревидирани и санкционирани, се вели во соопштението на ВМРО-ДПМНЕ.

ВМРО-ДПМНЕ: Дали ЈО ги штити и соработува со Весковски и Шилегов, на штета на истрагата?!

Ивана Ефремовски — Sat, 25 Sep 2021 07:39:43 +0000

Дали ЈО ги штити и соработува со Весковски и Шилегов, на штета на истрагата?! ВМРО-ДПМНЕ до ЈО поднесе обемна документација од која се гледа како Весковски и Шилегов местеле тендер од 300.000 евра. Весковски и Шилегов првин ја ангажирале фирмата, таа ги завршила градежните работи, а дури 2 месеци откако завршила со работа распишале тендер за да ја исплатат, реагираат од ВМРО-ДПМНЕ.

-Но тука Весковски и Шилегов не застануваат. На тендерот доколку се погледнат цените по ставки кои ги имаат впишано од фирмата за која е местен тендерот се доаѓаа до заклучок дека едни работи кои до вчера се плаќани по една цена, сега се два или три пати поскапо платени. Така на пример геодетските работи, односно обележување на ров во 2017-та година ако чинело 19.34 денари за еден метар, сега во време на СДСМ чини 168.85 денари или за 8.7 пати поскап. Земјани работи, односно рачен ископ на за откривање на главна водоводна мрежа, ако во 2017-тата година чинел 250.55 денари по м2, сега чини 797,36 денари по м2 или 3.2 пати повеќе. Машински ископ на земја во тесен обем на ров од 0-2м ако во 2017-тата година чинело 100.23 денари по м3, сега во 2021 година чини 276.73 денари по м3 или 2.8 пати повеќе, велат од партијата. -Рачен ископ на земја во тесен обем со длабочина на ров од 0-2м во 2017-тата година чинело 250.56 денари, а сега чини 478.41 денари за м3 или дури 2 пати поскапо е сега. Што се сменило од 2017 до сега, сите трошоци во градежништвото се на слично ниво, можеби има поместувања во 5 - 10%, но затоа цените се 2 - 3 пати поголеми. Весковски и Шилегов се фатени во криминал. ЈО да не соработува со нив, туку да отвори случај. ЈО има чист случај пред себе. Нивното не постапување отвора сомнеж дека се штити криминал. Воедно Финансиската полиција треба да реагира за вистински случај на криминал наместо да се занимава со штитење на криминал, посочуваат од ВМРО-ДПМНЕ.

Арсовски: Ако не е местен тендерот тогаш зошто истата фирма која ја направила реконструкцијата потоа и го добила, и тоа по ставки неколку пати поскапи од до сега

Магдалена Андонова — Fri, 24 Sep 2021 09:36:33 +0000

Веќе неколку дена молчат институциите за случајот со скандалозниот наместен тендер во ЈП Водовод. Наместен тендер како на филм од страна на Шилегов и Весковски, со најобемната доказна документација дека фирмата КБК Инженеринг е таа за која што претходно бил договорен тендерот. Уште поголема небулоза е што веќе фирмата ја извршила работата, па дури потоа го добила тендерот. Се работи за испумпување на 300.000 евра народни пари, пари на скопјани, изјави на денешната прес конференција за медиуми, Димче Арсовски, портпарол на ВМРО-ДПМНЕ. Тој истакна дека денеска ќе ги презентира разликите во цените, каде што ќе спореди колку би чинела реконструкција на иста ваква улица по пропорции во 2017-тата година во времето на ВМРО-ДПМНЕ, и колку чини сега оваа улица, на овој наместен тендер. - Тука има една обемна споредба во однос на ставките, ставка по ставка колку би чинело. Јас би издвоил неколку работи, и би се фокусирал на финалната. На пример, геодетските работи, односно обележување на ров во 2017-та година ако чинело 19.34 денари за еден метар, сега во време на СДСМ чини 168.85 денари или за 8.7 пати поскап. Втор пример, земјани работи, односно рачен ископ на за откривање на главна водоводна мрежа, ако во 2017-тата година чинел 250.55 денари по м2, сега чини 797,36 денари по м2 или 3.2 пати повеќе. Машински ископ на земја во тесен обем на ров од 0-2м ако во 2017-тата година чинело 100.23 денари по м3, сега во 2021 година чини 276.73 денари по м3 или 2.8 пати повеќе. Рачен ископ на земја во тесен обем со длабочина на ров од 0-2м во 2017-тата година чинело 250.56 денари, а сега чини 478.41 денари за м3 или дури 2 пати поскапо е сега. Замислете подупирање на ров под слаб притисок ако чинело 1.61 ден за м2 во 2017-тата година, сега чини 140.71 денари за м2 или 87.7 пати повеќе, додека пак за подупирање во услови во јак притисок ако чинело 2.36 денари за м2 во 2017-тата година, сега чини 168.85 денари или 71.7 пати повеќе. Неверојатно, вели Арсовски. Портпаролот посочи дека намерно се издвоени овие споредби, бидејќи овде нема што да поскапи изминативе 4 години. - Верувајте дека целата спецификација, ако ја видите точка по точка од овој договор, ќе видите дека секаде по неколку пати се покачувани цените. За тоа велиме испумпување на народни пари. Или вкупно споредбата за чинење на реконструкција на улица „Варшавска“ сега и колку би чинела во време на ВМРО-ДПМНЕ во 2017-тата година е следнава: 5.498.174 денари би била во 2017, а сега е 14.066.921 денар или за дури 2 ипол пати повеќе. Нема што повеќе да се говори на оваа тема. Одговорност мора да има, а институциите мораат уште веднаш да си ја преземат својата работа, односно да не спијат и да постапат согласно оваа документација, додае Арсовски.

Водовод вршел надзор на терен за замена на цевки, а немало договор со фирма за изведување на работите (ДОКУМЕНТИ)

Ивана Ефремовски — Fri, 24 Sep 2021 07:42:52 +0000

Не е потпишан договор за реконструкција и замена на водоводни цевки или истиот се потпишува во октомври 2020-та, ама претходно од август истата година јавното претпријатие Водовод врши надзор на терен за изведување на работите. Во документот за надзор има детали за периодот од 11 август заклучно со 28 октомври кој се е затекнат на терен и кој што правел на терен иако за изведување на работите до почетокот на октомври нема никаков договор. „Невозможно е јавно претпријатие да врши надзор на работите на терен, а за истите да нема склучено договор со фирма. Или од документите гледаме дека тоа е сторено, но со ова се прави кривично дело, затоа што работите за изведување ги прави фирмата, добива пари, а нема договор“, коментираат правници. Станува збор за реконструкција и замена на водоводни цевки на улица „Варшавска“ во скопската општина Карпош, односно за работи кои се започнати на оваа улица без претходно постигнат договор. Договорот помеѓу фирмата КОДИНГ и јавното претпријатие Водовод се прави на 9 октомври 2020 година, но истата фрма стартува со работите без потпишан договор. Ова укажува на постигнат договор на директорот Душко Весковски од Водовод и градоначалникот на Скопје, Петре Шилегов со фирмата, односно и ветуваат дека токму таа ќе ја добие и формално работата. „Јасно е дека Весковски и Шилегов се прават по сопствена волја, прават криминално дело, односно испумпуваат народни пари. Ова е класичен криминал за кој надлежните мора да постапуваат“, коментираат правници. Тие прашуваат како е можно да има Барање услуга согласно договор, односно овој предмет да датира од 24 јули 2020 година, а да нема договор или истиот да се потпише на 9 октомври 2020 година. За ова ВМРО-ДПМНЕ деновиве поднесе кривична пријава за очигледно наместениот тендер. „Поднесовме обемен материјал со докази кои што го потврдуваат сето она кое што го говоревме и се она кое што ќе сака да го прикријат доколку сакаат да го прикријат од страна на секторот за организиран криминал, би било само јавен преседан во заштита на криминалот и корупцијата на власта“, соопшти на прес конференција партискиот портпарол, Димче Арсовски.

Договор за реконструкција на „Варшавска“ нема, ама двоецот Шилегов-Весковски испумпувал народни пари за хлорирање кон своја фирма

Ивана Ефремовски — Thu, 23 Sep 2021 15:43:15 +0000

Хлорирање како дел од реконструкција и замена на водоводни цевки пред воопшто да се постигне договор да се заменат истите, па потоа да се хлорира водата. Ова го правеле градоначалникот на Скопје, Петре Шилегов и директорот на Водовод, Душко Весковски. Изведување на работи пред постигнат договор е криминал, коментирааат правниците. За што точно станува збор? Улица „Варшавска“ во Карпош во текот на 2020 година на големо се реконструира, се прави доградба и замена на водоводни цевки. Сето тоа се изведува пред склучениот Договор за изведување на овие работи или истиот датира од 9-ти октомври 2020 година, а изведувањето на работите стартува пред потпишување на истиот. Конкретно, на 28-ми септември 2020 година поднесен е Евидентен лист бр 1303-2498/1 за објект реконструкција на водовод по дел на улица „Варшавска“ каде инвеститор е ЈП Водовод, а изведувач фирмата КОДИНГ или дека мрежата може да се хлорира. По ова на 29-ти септември извршено е и хлорирање на улицата Варшавска. Значи пред да се склучи Договор со фирмата започнати се работите на дел од улица Варшавска. Се поставува прашањето како фирмата изведувач знае дека ќе ја добие работата и истата ја започнува неколку месеци пред потпишување на договор. Ова е само доказ за криминал на двоецот Петре Шилегов како граданочалник на Скопје и Душко Весковски како директор на Водовод. Правниците толкуваат дека е очигледно оти станува збор за наместен тендер од страна на Шилегов – Весковски. За истиот одговор треба да даде јавното обвинителство, односно да отворат случај за да го истражат до крај и да понесе некој одговорност за овој сериозен криминален предмет кој што се случи во јавното претпријатие Водовод. За овој случај ВМРО-ДПМНЕ поднесе кривична пријава. „Доволно е крадење од парите на граѓаните, доволно е испумпување од јавните претпријатија пари од страна на власта и СДСМ. И конечно некој треба да сноси одговорност во однос на сите овие пари кои што секојдневно се проневеруваат од страна на власта“, рече деновиве на прес-конференција портпаролот на ВМРО-ДПМНЕ, Димче Арсовски обелоденувајќи дека е поднесена кривична пријава.