Двејн Вејд – Kurir.mk

Леброн и Вејд продуценти на документарец посветен на златото на ОИ 2008 година

Бошко Тасиќ — Sun, 21 Aug 2022 07:18:25 +0000

НБА ѕвездите Леброн Џејмс и Двејн Вејд, старите пријатели и поранешни соиграчи работеа на проект и продуцираа документарен филм наречен „Redeem Team“. Овој филм кој го работеа кошаркарските ѕвезди ќе го промовира стриминг платформата „Нетфликс“. Се работи за репрезентацијата на Соединетите Американски Држави и настапот на Олимписките игри во Пекинг во 2008 година. Откако на претходните Игри, Американците останаа без тронот поради Аргентина, во 2008 мораа да се оддолжат. Поради тоа, Леброн и Вејд го направија документарецот и потсетија како Соединетите Американски Држави дојде до златото во Пекинг. Тогаш во тимот на Мајк Кшишевски кој беше селектор, освен Вејд и Џејмс играа уште Коби Брајант (капитен), Двајт Хауард, Крис Бош, Крис Пол, Кармело ентони, Џејсон Кид, Тејшон Принс, Карлос Базер, Дерон Вилијамс и Мајкл Ред.

Вејд: Сите сакаат да го именувам Леброн, но мој омилен соиграч е Хаслем

Дарко Андоновски — Thu, 25 Mar 2021 10:58:19 +0000

Поранешниот кошаркар на Мајами, Двејн Вејд го прогласи својот омилен соиграч во целата своја кариера. Вејд помина неколку заеднички сезони со блискиот пријател Леброн Џејмс, но го избра Јудонис Хаслем. – Не е лесно прашање. Омилен соиграч не е оној што сите го имаат слушнато, ѕвездениот играч. Секако, сите сакаат да го именувам Леброн. Јас и Хаслем дојдовме заедно во Мајами. И цело време додека бев во клубот, цело време што го поминав во други тимови, без разлика дали бев на теренот или не, тој секогаш ме поддржуваше. Меѓу нас започнаа да се воспоставуваат братски односи. Заедно освоивме титули, сторивме сè. Но, сакам да кажам дека не бев загрижен за ништо надвор од теренот во Мајами, бидејќи знаев дека го имам Јудонис Хаслем, рече Вејд. Според него, Леборн Џејмс стори доволно во својата кариера за да ја освои титулата најдобар играч во историјата на НБА, но најголем за него секогаш ќе биде Мајкл Џордан.

Славниот кошаркар призна: Мојот 12-годишен син во иднина реши да биде жена…

Ивана Ефремовски — Wed, 12 Feb 2020 08:39:51 +0000

Легендата во НБА, Двејн Вејд откри дека неговиот 12-годишен син Зион се одлучил да живее во иднина како жена. Вејд рече дека 12-годишниот Зион побарал од него и неговата сопруга Габриел да го нарекуваат Заја во иднина. -Зион дојде дома и рече:„ Сакам да разговарам со вас. Подготвен сум да излезам и да живеам како што сакам. Сакам да ме наречеш Заја“, откри Вејд во шоуто на Елен. Потоа, тој истакна дека тој и Габриел го прифатиле тоа. -Ние сериозно ја сфаќаме улогата и одговорностите на родителите. Нашата работа е да го слушаме нашето дете и да му помогнеме најдобро. Ова не ја менува ниту оваа ситуација, додаде Вејд.

Вејд со нов рекорд за Мајами

Ристе Здравков — Mon, 26 Nov 2018 15:14:35 +0000

НБА кошаркарот Двејн Вејд е во последната сезона од неговата професионална кариера, но сепак покажува знаци, кои можеа секојдневно да се видат од него во најсилните години. Најновиот пример е минатата ноќ кога Мајами загуби од Торонто со 115:125, а Вејд постави уште еден рекорд во дресот на „жешките“ Триесети и шес-годишниот ветеран влезе како резерва и за 34 минути нанижа 35 поени – врвно достигнување во клупската историја за играч, кој започнал од клупата. Ова е далеку од тоа да биде единственото највисоко достигнување кое е во сопственост на Ди Вејд. Трикратниот НБА шампион е број 1 во повеќе од петнаесет статистички категории во историјата на Хит. Вејд играше за тимот од Мајами од 2003 до 2016 година, а потоа премина во Чикаго и Кливленд, но оваа година се врати во Флорида, каде ќе ја заврши славната кариера.

Мајами го потврди продолжувањето на соработката со Вејд

Ристе Здравков — Wed, 19 Sep 2018 08:34:10 +0000

Мајами Хит објави дека го продолжи договорот со трикратниот освојувач на НБА шампионскиот трофеј и легенда на клубот Двејн Вејд. - Ние сме многу задоволни што Двејн одлучи да се врати. Верувам дека тој ќе даде голем придонес во играта на тимот, изјави претседателот на клубот, Пат Рајли. 26-годишниот Вејд играше за Мајами од 2003 до 2016 година. После тоа настапуваше за Чикаго Булс и Кливленд Кавалирс со неговиот пријател Леброн Џејмс, а потоа на крајот од минатата сезона се врати во матичниот клуб. Времетраењето на новиот договор на Вејд со Мајами не е обелоденето. Вејд е трикратен НБА шампион (2006, 2012, 2013), за МВП играч на НБА финалето беше прогласен во 2006, додека со САД стана олимписки шампион во 2004 година. Претходно, Двејн Вејд изјави дека сезоната 2018/2019 ќе биде последна за него во лигата.

За Двејн Вејд сезонава последна во кариерата

Ивона Петрова — Mon, 17 Sep 2018 15:21:23 +0000

Легендарниот кошаркар на Мајами хит Двејн Вејд објави дека претстојната НБА сезона ќе биде последна во неговата кариера. - Секогаш ги правев нештата на мој начин, било да се тие добри или лоши. До овде стигнав затоа што сметав дека правам нешто добро за моето семејство и за себе. Чувствувам дека е правилно да ги замолам навивачите да ми се придружат за последниот танц, за уште една сезона, истакна 36-годишниот кошаркар. Вејд во НБА лигата пристигна во 2003 година, а настапуваше за Мајами хит се до 2016 година. Потоа, тој помина по една сезона во Чикаго булс и во Kливленд кавалирс, а во февруари оваа година повторно се врати во Мајами. Тој ќе потпише едногодишен договор со Хит за ветерански минимум од 2,4 милиони долари. Вејд со Мајами освои три шампионски титули, а во 2006 година тој беше најкорисен играч на финалето. МИА

Кинези подготвиле 25 милиони долари за Вејд

Даниел Василев — Wed, 25 Jul 2018 08:50:44 +0000

Двејн Вејд од неодамна е мета на клубови од кинеската лига, а сега на маса има и конкретна понуда. Вејд минатата сезона ја помина во Мајами Хит, а сега се уште не одлучил каде да ја продолжи кариерата или можеби да ја заврши. Неодамна се појавија информации дека кинески клубови се заинтересирани за него, но сега „Голден Булс“ испратија понуда вредна 25 милиони долари за три години, пренесува „Спортандо“. Понудата е одлична за стандардите на сите пазари, кои не се од САД, а можеби дури и поголема од она што ќе го добие 36-годишниот бек во НБА. Двејн започна во Кливленд минатата година, но се врати во Мајами, каде ја започна својата кариера. За Хит тој постигна во просек 12 поени, 3,1 асистенции и 3,4 скока за 21 натпревар. За Вејд моментално сите опции се отворени, но во неколку наврати изјави дека ако тој одлучи да ја продолжи својата кариера во НБА, веројатно ќе го стори тоа само во Мајами.

Вејд не размислува за пензионирање

Даниел Василев — Wed, 25 Apr 2018 08:07:40 +0000

Ветеранот во НБА лигата, Двејн Вејд со својот тим Мајами доживеа елиминација во првото коло од плејофот по што се појавија шпекулации за негов крај на професионалната кариера. Се огласи Вејд преку социјалните мрежи кој демантира дека донел одлука за пензионирање. - Не сум ни почнал да размислувам за пензионирање. Најпрво сака, да поминам малку повеќе време со моето семејство. Тоа ми е приоритет. Сезонава ја завршивме со пораз од Филаделфија за која мислам дека има светла иднина со овој состав и затоа не треба да сме многу разочарани, истакна Вејд. 36-годишниот Вејд, НБА кариерата ја почна во Мајами 2003 година каде настапуваше до 2016 година. По една година поминати во Чикаго и во Кливленд се врати во матичниот клуб. МИА