Двери – Kurir.mk

Обрадовиќ и Костиќ од Двери го прекинаа штрајкот со глад пред српското собрание

Тале Кристо — Wed, 20 May 2020 11:33:56 +0000

Пратениците од српското опозициско движење Двери, Бошко Обрадовиќ и Иван Костиќ, го прекинаа штрајкот со глад по консултациите со лекарите и со партиските колеги. Како што јави дописникот на МИА од Белград, Обрадовиќ обраќајќи се пред новинарите пред српското собрание, изјави дека со Костиќ решиле да го прекинат штрајкот на „достоинствен начин, како и што го започнале“ и оти сметаат дека ја исполниле својата цел затоа што „укажале на недемократската состојба во Србија “. Лидерот на Двери истакна дека испраќа јасна порака дека тој и Крстиќ направиле се што е во нивна моќ за да го привлечат вниманието на домашната и на светската јавност за проблемите во кои се наоѓа Србија, пред сè на недемократскиот карактер на власта. -Без лична жртва, нема победа. Потребен е личен пример за граѓаните вистински да веруваат во она што го зборувате, истакна тој. Обрадовиќ потсети дека мандатот како пратеник пред четири години го започнал со протест, кога четири дена беа пред седиштето на Републичката изборна комисија, заради обид за кражба, а сега штрајкуваат со глад бранејќи го Уставот, демократијата и некои основни демократски вредности во општеството. Тој оцени дека тие вредности во Србија постојано се загрозувани во последните осум години. Ова беше 11-ти ден на штрајкот со глад за Обрадовиќ, а деветти за Костиќ. Коментирајќи ја одлуката на лидерот на Двери, Бошко Обрадовиќ за прекинување на штрајкот со глад и наводната изјава дека „го растурил системот“, српскиот претседател Александар Вучиќ му посака на Обрадовиќ и на другите од опозицијата кои се залагаат за бојкот на изборите „да продолжат толку успешно во тоа растурање“. -Јас сум мал човек за да ги разбирам сите нивни победи. Им честитам на сите нивни победи, кажа Вучиќ, додавајќи дека „кој сака на избори-нека излезе, кој неќе-нека не излезе.

Инцидент пред српското собрание: Партијата „Двери“ од која СДСМ го украде логото „ЗА ЖИВОТ“ напаѓа министри и пратеници (ВИДЕО)

Предраг Кукиќ — Fri, 08 May 2020 11:02:22 +0000

Лидерот на опозициското движење Двери, Бошко Обрадовиќ, со неколку пратеници и поддржувач, денес ги „блокираа“ скалите на влезот во српското собрание и во еден момент ги нападнаа министрите и пратениците на владеачкото мнозинство при влезот во зградата. Видеото од нападите видете го на следниот линк. Предизборната кампања и програмата на СДСМ во 2016. година беа целосно украдени од српската партија Двери. Опозициската клоалиција настапуваше под слоганот „За подобар живот во Македонија“, идентичен на слоганот со кој настапи и радикално десничарската партија Двери во Србија на претходните избори „За живот Србије“.

Пратеник од Двери со смртни закани кон Вучиќ и Брнабиќ

Ивона Петрова — Thu, 18 Oct 2018 06:18:49 +0000

Пратеникот од движењето Двери, Срѓан Ного во емисија на Јутјуб каналот им се заканил со смрт на српскиот претседател Александар Вучиќ и на премиерката Ана Брнабиќ. Ного во изјава за еден медиум на Јутјуб каналот истакнал дека, според неговите сознанија, Ана Брнабиќ веќе го потпишала Даблинскиот договор со ЕУ за мигрантите, и доколку е тоа вистина тогаш „таа треба да биде обесена во истиот момент на плоштадот Теразије, а покрај неа да виси и Александар Вучиќ“. - Доколку Брнабиќ навистина го потпишала Даблинскиот договор, а јас имам некои информации дека го направила тоа, тогаш Брисел може да и испорача на Србија еден милион и двесте илјади мигранти, тврди Ного. МИА