движење за илирида – Kurir.mk

ИНА-Движењето за Илирида ја напаѓа министерката на Заев: Одземањето на надлежностите го отвора патот на федерализацијата?!

Катерина Бојаџиева — Sat, 24 Feb 2018 12:29:35 +0000

Движењето за Илирида повторно излезе со соопштение, осудувајќи го одземањето на надлежностите на неколку општини во сферата на образованието од страна на Министерството за образование. Според ова движење кое излезе со соопштение, овие албански општини треба да се откажат и да ја вратат федерализацијата. -Унитарната власт, постепено се претвара во тоталитарна власт, тоталитарна власт каква што не прифаќа демократскиот свет, кога се знае дека инвестираше меќународниот фактор, за на крај и Р.Македонија да се канализира во демократските текови на европската фамилија. Со актот на навлегувањето на владата во одземањето на овластувањата на локалната власт, во општина Гостивар, Желино, како и готовност за, Липково, Боговиње, и Конче. Со овие еднострани одлуки се прави флагрантно газење на гласот и вољата на граѓаните. За вакви работи не треба да се носат драконски одлуки. Кај беше централната власт кога беше ограбено колективното богатство на плаќачите на данок и товарање со странски кредити. Селективноста ја иритира вољата на граѓаните и ја намалува довербата кон државата. Избраниците од преставниците на политичките партии, ја осетија на своја кожа неправдата од централната власт, за разлика од граѓаните. Овие се аргументи за корпусот на албанските политички партии да го напушти унитаризмот, и да се сврти кон целосна децентрализација, или кон федерализација. Постулати кои ја задоволуваат демократијата, во спроведувањето на рамноправните демократски законски норми, во местата со два исти ентитета според демографскиот состав, се вели во соопштението на Движење за Илирида, пренесува ИНА.

Движењето за Илирида со поамбициозна економска програма од Заев и Ахмети

Ивана Ефремовски — Fri, 16 Feb 2018 11:36:34 +0000

Илирида ќе ја водиме по економските стапки на Швајцарија, порачува Движењето за Илирида. Движењето за Илирида, покрај платформата за политички решенија, исто така изготви и програма за економски развој. Тоа е програма прилагодена на природните услови и ресурси кои ги има на располагање територијата на Илирида, објавува АЛМАКОС. Економско развојната програма ќе започне со реализација после промените во образовната програма, која ќе биде приспособена да подготвува кадар за фабриките што ќе се отворат на територијата. -Носители на развојот ќе бидат постоечките капацитети, кои ќе им се даде можност да ги удвојат капацитетите, а друг носител на развојот ќе биде поддршката за странските инвеститори кои се во можност да изградат производствени капацитети, воглавно за извоз, и на овие инвеститори однапред ќе им се подготвуваат професионални кадри. За пласирање на производите надвор од земјата ке биде основана агенција со професионални промотори кои ќе бидат анагжирани за наоѓање странски пазари, за продавање на домашните производи надвор од земјата. Домашните производи ќе прераснат во брендиран квалитет, анализира порталот. Програмата се заснова на тоа во секое населено место да има фабрика, за целото население да се вработи. Нашата програма за решавање на невработеноста на населението не се базира на вработување во администрација, туку во фабриките, каде ке биде вработена армијата невработени. За четири години невработеноста ќе се намали до 15%. Како и животниот стандард брзо ќе се зголеми, така што најниската плата ќе биде израмнета со платите на земјите во централна Европа, пишува во програмата на Движењето за Илирида. Исто така, ќе се ослободи локалната власт од пренатрупаната администрација. Ќе се воведе подруго работење со кое институцијата заменик ке биде избришан од функционалност. Ова е само еден сегмент од економско развојната програма. Движењето за Илирида е посветено на тоа вековната болка, како што ја вика народот црна туѓина, да биде целосно искоренета од нашиот регион. Нивната програма е поамбициозна од програмата за работа на македонската Влада предводена од СДСМ и ДУИ, односно Зоран Заев и Али Ахмети. Во Македонија изминативе месеци никој не работи на привлекување инвеститори и отворање на нови работни места. Наместо економски просперитет, економијата во земјава оди само надолу.

„Движење за Илирида“: Албанците ќе бојкотираат било каков референдум за името

Курир — Mon, 05 Feb 2018 10:22:49 +0000

Албанците не се во статична ситуација, ниту пак во хибернација како што сакаат да се претстават на домашната и меѓународната јавност. Албанците се политичка и економска сила. Со внимание ги следат политичките случувања за иднината на земјата, исто така ги анализаат формите и начини на обидите за организирање на референдум за преименување на името Република Македонија. Организаторите треба да имаат претходно познавање за волјата на Албанците да учествуваат на референдумот, соопштуваат од „Движењето за Илирида“. „Движење Илирида“ ќе се обрати на „населението на Илирида со барање за бојкот на каков било референдумот, ќе се бара од Албанците да дејствуваат мудро бојкотирајќи го референдумот, како што го бојкотираа референдумот за независност на Република Македонија“. -Албанците немаат потреба од туѓи референдуми, но имаат потреба од забрзување на процесот за спроведување на својот референдум, во 1992 година, каде што одѕивот на референдумот беше 98%, од Куманово па се до Преспа. Со овој чин ја дадоа својата одлука за вистинската желба за функционирањето на заедничката државата, во која Р. Илирида и Р. Македонија се еднаки. Ова е последната опција на Албанците, за било која друга опција Албанците на Илирида нема да се вклучат, се вели во соопштението на Движењето за Илирида од страна на основачкиот Совет, се вели во соопштението.