двојазични табли – Kurir.mk

МАКЕДОНИЈА СТАНУВА ДВОЈАЗИЧНА: Почнаа да се менуваат информативните табли на патиштата поради законот за употреба на јазиците

Дарко Андоновски — Wed, 10 Feb 2021 13:09:56 +0000

Тетовската секција при Јавното претријатие за одржување и заштита на магистрални и регионални патишта (Македонија пат) денес започна со поставување нови информативни табли на автопатот А2 Скопје-Тетово на кои сега покрај на македонски јазик има информации и на албански јазик. Според информациите од тетовската секција на јавното претријатие промената доаѓа по донесувањето на законот за употреба на јазици при што покрај службниот македонскиот јазик и неговото кирилско писмо на таблите треба да се користи и друг јазик што го зборуваат најмалку 20% од граѓаните (албански јазик). -На автопатот на влез во Тетово поставена е нова поголема и по различен облик информативна портал табла. На таблата сега информациите се истакнати на македонски јазик, албански јазик и на латинично писмо, информираат од јавното претријатие-секција Тетово. Таблите ќе се менуваат во текот на наредните месеци. Покрај на автопатот нови табли ќе има и на останатите регионални и магистрални патишта.

Двојазични табли во Неготино, Кавадарци и Прилеп: Граѓаните веднаш покажаа што мислат за нив, а еве што велеше Заев

Дарко Андоновски — Sun, 22 Sep 2019 09:50:48 +0000

Покрај Неготино, двојазичните табли биле поставени на Фондовите за пензиско и инвалидско осигурување во Кавадарци и Прилеп, но истите не издржале многу и почнувало да ги снемува. Во Кавадарци не издржала ниту 2 часа, а во Неготино целосно исчезнала за 24 часа, а за Прилеп до сега нема информација дали револтираните граѓани извршиле герилска акција. Инаку, колку за потсетување премиерот Заев при едно негово гостување на една телевизија убедуваше дека до такво нешто нема да дојде. -Кој бе тоа ќе спроведе во Радовиш, во Струмица, во Прилеп, во Кавадарци двојазичност? Глупости невидени, до каде забегаа, истакна Заев за време на предизборната кампања во 2016 година.

Таблите на грачничните премини ќе се поставуваат утре

Дарко Андоновски — Mon, 11 Feb 2019 15:10:38 +0000

Менувањето на таблите со новото уставно име на државата ќе почне од граничните премини. Неофицијално на преминот „Богородица“ веќе е пристигната таблата со новото име на државата, но не се знае кога точно ќе се постави, објавува Телма. -Камионџиите коишто со часови чекаа во меѓуграничниот простор за влез во земјата, велат дека досега не виделе никакви активности кај таблата. За новините дознале од социјалните мрежи. Замената на таблите ќе почне откако во Службен весник ќе излезе дека Грција го ратификувала протоколот за членство во НАТО и договорот од Преспа.

ФОТО: Антикорупциска нема членови, но затоа доби двојазична табла

Дарко Андоновски — Tue, 29 Jan 2019 14:22:59 +0000

И додека се уште државната комисија за спречување на корупција нема нови членови кои треба да ја контролираат корупцијата во земјава, двојазичноста си го направи своето. Старата табла е заменета со нова двојазична табла на која е испишан натписот на институцијата на двата јазика, македонски и албански. Според најновото истражување на Транспаренси Интернешнл (ТИ), најкорумпирани земији во Европа се земјите од Западен Балкан, посебно Македонија, Албанија и Косово. Овие држави се наоѓаат на 99-то, односно 93. место според Индексот на корупција. По нив следуваат БиХ и Србија на 89., односно на 87. место, додека Црна Гора е на 67., а Хрватска на 60. место. ТИ објави годишен извештај за Индексот на перцепција на корупцијата во светот за 2018 година, кој го мери нивото на корупција во јавната администрација во 180 земји и територии низ светот. Индексот е создаден врз основа на 13 истражувања во деловниот сектор, како и стручни проценки. Посебен акцент на ова истражување е ставен на врската помеѓу корупцијата и кризите на демократијата и растот на десничарските и популистичките тенденции, особено во рамките на Европската унија (ЕУ) и другите западни демократии.