двојни аршини – Kurir.mk

Двојните аршини на СДСМ, Спасовски и Заев – главна одлика на оваа власт без став и стратегија

Тале Кристо — Mon, 18 Jan 2021 16:31:25 +0000

Двојните стандарди на СДСМ веќе станаа суштински дел на нивната стратегијата на владеење. Зоран Заев и СДСМ како да имаат луѓе во државата кои им се мили бидејќи гласале за нив или ги поддржуваат и оние другите кои не ги поддржуваат па, не им прават ќеиф и затоа не им се мили. Па според тие аршини, некои лица можат да добијат прекршочна или кривична пријава, додека други лица кои сториле исто такво дело да не добијат ни укор. Променливите ставови на власта во однос на повеќе случаеви во кои СДСМ еднаш се залага за една работа, а потоа ги менува ставовите е и за добивање на политички бенефиции. Таков беше случајот со изборите во Штип кога се славеше со групирања, во време кога Македонија рушеше црни рекорди во починати и новозаболени лица со коронавирусот, додека обичните граѓани се казнуваат доколку бидат повеќе од четворица. Што значи дека на симпатизерите и членовите на СДСМ закон не им може ништо. Истото се случи и во Орман кога Зоран Заев и Оливер Спасовски удрија по граѓаните кои присуствуваа на традиционалниот бадникарски оган, покажувајќи сила на обичен народ. -Замислете беа брутално и насилно апсени граѓани од селото Орман на бадникарски оган, а кога функционерите на СДСМ славеа во Штип пред неколку дена, со оркестри, со софри, без дистанци и без маски немаше никаква реакција на институциите, реагираше на прес конференција од опозиционата ВМРО-ДПМНЕ. Јавноста ги виде двојните аршини на СДСМ и Зоран Заев и кога властите не преземаа ништо во врска со дивеењето во Македонскиот народен театар кога навивачката група „Шверцери“ прославуваше 30 годишнина од своето постоење. Заев тогаш потврди дека навивачката група на фудбалскиот клуб Шкупи направила штета од речиси 4 илјади евра во театарот каде наместо културни настани се случуваше буквално хулиганство. Од друга страна пак како пример за „Насилството во Центар“ за скршен прозорец судот со години малтретира обвинети луѓе, а дел од нив имаат и здравствени проблеми. Јавноста беше фрапирана од случајот кога вработена во МТСП, која доби отказ, поради политички став на фејсбук. Но, никаде ја нема одговорноста и професионалната администрација на Град Скопје да го казни Влатко Васиљ, кој во работно време наместо да си ја работи работата за која е платен од парите на граѓаните пишува на фејсбук. И додека едни се шиканираат и бркаат од работа други се наградуваат и добиваат повластици. Двојните аршини и лицемерието на СДСМ се покажаа на дело и во периодот кога се формираше техничката влада. Иако стануваше збор за привремена влада со рок на траење од само стотина дена, СДСМ веднаш реагираше на предлогот на ВМРО-ДПМНЕ, технички министер за внатрешни работи да биде армиски офицер Драган Ковачки. Сепак, министерката Дескоска не реагираше за истиот принцип при именувањето на заменикот на Радмила Шекеринска во министерството за одбрана, Беким Максути, кој пред да стапи на функција бил потполковник. Двојните стандарди на СДСМ јавноста ги виде на дело и кога нападот врз новинарот Љупче Златев тежеше помалку од нападот врз новинарката Милка Смилевска. На протест кој беше организиран од ВМРО-ДПМНЕ, против поскапувањето на електричната енергија, беше турнат микрофонот на новинарката Милка Смилевска од Ал Џезира, случај за кој веднаш реагираше МВР и го приведе напаѓачот. Но, кога беше нападнат и новинарот Љупче Златев кој важи за критички настроен кон власта, СДСМ тогаш не се јави со осуда. Последното нешто што ја згрози јавноста е немилиот настан на Вевчанскиот карневал, на кој Заев и Спасовски уште рано наутро ја испратија ЕБР за да разбијат било какво групирање на граѓани, наводно да не дојде до ширење на коронавирусот. Додека пак, следниот ден во ски-центарот Нижеполе вриеше луѓе како во кошница и ретко кој од скијачите носеше заштитна маска но, полицијата на Спасовски не реагираше, иако тоа може да претставува потенцијален кластер кој потоа ќе се рашири кон повеќе градови.

Двојните аршини на МВР и Спасовски: За бадникарски оган на отворено завршија во притвор, додека за струмичкото криминално подземје блиско до власта законите не важат!

Тале Кристо — Wed, 06 Jan 2021 15:38:38 +0000

МВРи министерот Оливер Спасовски постапуваат селективно и законот не го спроведуваат подеднакво кон сите! Доказ за тоа е настанот со Бадникарскиот оган во Орман и од друга страна струмичкото криминално подземје, блиско до власта на СДСМ во праваи прослава во затворен простор и со многу поголем број на лица од дозволеното, притоа целата прослава со часови пренесувајќи ја во живо на социјалната мрежа на Фејсбук, а од полицијата до сега нема никаква реакција. Од ваквото однесување на надлежните и МВР може да се заклучи дека во Македонија системот не функционира, а законите не важат подеднакво за сите. Инаку претходно МВР не реагрираше ниту на групниот собир на функционерите на ДУИ, кои без маски и социјална дистанца во новата зграда на министерството за политички прашања го прославија роденденот на лидерот на ДУИ Али Ахмети. -Еве како по ковид правила слави струмичкото подземје на чело со Драган и Лазо Котуровиќи (Лазо Д'лгио), е насловено видеото објавено на Твитер. -За целата програма појдете на fb профилот Dragan Koturovik каде вчера live се пуштаа видеа со саати Се прашувам дали Оливер отишол да ја растури журката и да ги уапси?, стои во коментарот под видеото објавено на социјалната мрежа на Твитер.

Еве како по ковид правила слави струмичкото подземје на чело со Драган и Лазо Котуровиќи (Лазо Д'лгио) pic.twitter.com/bgkiB0vvdR
— Дрек Сак🚲 (@Dean06618857) January 6, 2021

Двојните аршини на власта: Убиецот на младото момче во Аеродром доби 3 години затвор, а дедото кој ја искуба Шекеринска лежи 4 години

Дарко Андоновски — Fri, 12 Jun 2020 10:54:53 +0000

Скопјанецот А.Т.(18), кој беше обвинет за убиството на Никола Христовски (17) на 14 август лани во „Паркот на музиката“ во Ново Лисиче е осуден на три години затвор. Како што лани пишувавме, убиството на младиот кошаркар на МЗТ се случило поради меѓуетничка нетрпеливост, откако А.Т. бил навредуван на меѓуетничка основа и нападнат од група момчиња, по што тој со нож го убил Христовски. -По поднесено обвинение од Основното јавно Обвинителство Скопје, Основниот кривичен суд Скопје на 1.06.2020 година донесе пресуда со која обвинетиот го огласи за виновен за кривично дело -убиство на миг од член 125 од Кривичниот законик и му изрече затворска казна од три години. Надлежниот јавен обвинител вложи жалба на пресудата, изјавија од обвинителството за 24 Инфо. Кривичниот законик за убиство на миг предвидува казна од една до пет години, а во случаи кога тој што друг ќе лиши од живот на миг, бил доведен без своја вина во состојба на силна раздразнетост со напад или со тешко навредување или како последица на семејно насилство од страна на убиениот. Според обвинението, на 14.08.2019 година на булеварот Видое Смилевски Бато во населбата Ново Лисиче, обвинетиот, доведен во состојба на силна раздразнетост, со умисла го лишил од живот оштетениот Никола Христовски. Имено, група од повеќе лица, во која бил и оштетениот, го пресретнала обвинетиот во близина на една бензинска пумпа и започнале да го навредуваат и физички да го напаѓаат со влечење и удари по телото. Обвинетиот започнал да бега кон зградите, а групата од околу 30 лица трчале по него, извикувајќи навреди и пцовки. Кога се доближил до влезот на една зграда обвинетиот се обидел да влезе, но не успеал. Во тој момент, прв до него стигнал оштетениот Никола Христовски, па обвинетиот доведен во состојба на силна афективна раздразливост, реагирал импулсивно и не бил во состојба логично да размислува, да расудува и да раководи со своите постапки. Тој извадил нож со сечиво од 9 сантиметри и на оштетениот му задал убодна рана во десната страна на градниот кош. Оштетениот бил пренесен во Ургентниот центар „Мајка Тереза“ каде му бил извршен хируршки зафат, но починал како резултат на крваречки шок. За потсетување дедото кој ја искуба Шекеринска доби четири години затвор, додека помала казна затвор денеска доби убиецот на Христовски. Јавноста револтирано денеска на социјалните мрежи коментира и дека ова се двојните аршини на СДСМ како и дека власта врши притисок врз судската власт во земјава.

Ново писмо на адвокатот Мерџан Даути: Прашина за „ТНТ“ се крена поради двојните аршини на судската власт

Тале Кристо — Sat, 11 Jan 2020 09:23:37 +0000

Во продолжение ви го пренесуваме целото соопштението: Се поставува прашањето зошто толку прашина се крена околу предметот „ТНТ“ овие денови и зошто на „нозе“ се крена целокупната македонска јавност. Одговорот е јасен поради двојните аршини на судската власт од позиција на моќ и сила. Секогаш фрустрацијата е голема кога моќта и власта се користи на некој да му се направи неправда. Една кратка ретроспектива околу ова мое тврдење, а исто така ќе ја искористам оваа можност уште еднаш да апелирам до Судскиот совет како највисока инстанца која треба да се грижи за спроведување на правото во Република С. Македонија со една одлука го пресече гордиевиот јазол. 1.Најеклатантен пример за двојни аршини на кривичниот суд Скопје се последните случувања со поранешните судии – поротнички Славица Шандовска и Лилјана Ивановска Кочковска. Единствената причина за различниот третман е тоа што некој има висок интерес предметот ТНТ да се заврши час поскоро. Имено двете поротнички се именувани во исти ден и аналогно на тоа во исти ден им е завршен мандатот. Претседателот на судот поради истек на четири годишниот мандат утврдил дека Славица Шандовска повеќе не е дел од судечкиот совет во предметот „Ласкарци додека за поротничката во ТНТ пробува да изнајде незаконски изговори за истата и понатаму биде член на судечкиот совет дури спротивно на закон се побара продолжување на нејзиниот мандат одредба која не постои ниту во еден закон. 2.Во судските предмети ,,Еразмо,, и ,,Тортура,, Претседателот Џолев не се ,,грижеше,, за поротничките да им дава заштита па поради заштитата да ги повлекуваат своите изјави и оставки туку тоа го прави за ,,ТНТ,, бидејќи како што и самиот кажа овој предмет бил од висок интерес и го спореди дури и со таканаречените бомби. Чудно е што за случајот Еразмо не беа доволни ни 7 дена по завршни зборови да се донесе пресуда па потоа слободно поротникот да оди во Германија, па се поставува прашања како Џолев заедно со сите заедно имаат договорено да го заврши ТНТ до 27.01.2020 година. 3.Во нашата држава нема проблем да се користи албанскиот јазик согласно закон и Уставот во Тетово, Гостивар и други судови за било кој предмет и доколку било која страна го побара тоа без проблем истото се дозволува и спроведува. Но, кога јас побарав тоа да се случи во Основниот кривичен суд во Скопје одма беше започната постапка за мое санкционирање по иницијатива на судечкиот совет и од страна на судот беше истолкувано како моја намера за одолговлекување на постапката. 4.Во сите постапки во кои учествувам како бранител Записнициите од рочиштата како што е тоа предвидено со закон ги добивам одма или најкасно во рок не подолг од 3 дена а во случајот ТНТ од 4.12.2019 година, сеуште немам добиено записник. И тука повторно судот ме товари дека ја кочам постапката зошто едноставно барам записник на јазик кој ми е дозволен со Закон и Устав. 5.Во сите постапки во кои сум учествувал вклучително и во Основниот Кривичен суд, доколку немам добиено уредна покана или од оправдани причини неможам да присуствувам на рочиштето истото се одлага но тоа не е случај во предметот ТНТ. Судот и покрај тоа што повеќе од половина одложени рочишта се по вина на судот и обвинителството постојано ни потенцира и тоа е еден од основите за поведување на дисциплинска постапка против мене дека одбраната ги одлага рочиштата. Почитувани, Нема потреба странските преставници да ни укажуваат дека судството ни е во хаос и дека неопходни се темелни реформи во истото. Најнапред реформата треба да започне од сите нас учесници во постапката и затоа очекувам дека овој случај во јавноста познат како ТНТ преку идни законски постапки од страна на Претседателот на кривичниот совет ќе биде почеток на крупни реформи во македонското судство.

Замислите ги развиените држави со нашиот судски систем

Курир — Wed, 09 May 2018 09:33:15 +0000

Замислите ги оние снимки од Хашкиот трибунал, на кои не би се гледале ликовите на судиите и обвинителите, туку само на обвинетите. Замислете во хашкиот трибунал судија да фалсификува записник, или да се раздере на некој адвокат или обвинет, или да види дека на обвинителот не му е денот, или не знае како да се снајде, па тој судијата да ја одработи и неговата работа. Замислите во Хашкиот трибунал тортура на обвинетите со секојдневни рочишта за различни предмети и со 12 часовни судења. Замислете судиите еден ден да носат една одлука, па по некој ден откако некој ги обработил да си ја поништат одлуката пред сите јавно, и да донесат обратна од таа одлука. Замислите во Хашкиот трибунал како за еден политичар снимките се пуштаат без јавност, а за друг со сите новинари седнати во судница, а притоа за првиот снимките се легално прибавени, а за вториот нелегално. Замислите во Хашкиот трибунал на еден обвинет да му закажуваат рочиште на два месеци, а на друг секој ден по 12 часа на ден. Замислете во Хашкиот трибунал, обвинителите секој ден да се на кафе кај судиите и да се договараат како да ја надмудрат одбраната, а притоа рочиштето доцни и надвор стојат и чекаат обвинетите и адвокатите. Замислите во Хашкиот трибунал на обвинетите да не им даваат копии од доказите. Замислете во Хашкиот трибунал судија кој процесот го води на начин што нескриено навива за обвинителството, ги понижува обвинетите и најнеобразован човек може да погоди каква ќе му биде пресудата. Замислите неколку судии во Хашкиот трибунал кои ќе се потепаат меѓу себе за тоа кој прв да го заврши судењето и да ги осуди неправедно обвинетите за да биде унапреден и да не биде казнет. Замислете таму судии кои работат спротивно на правилата и законот и кога ќе им се укаже на тоа со прецизно образложение, оддеднаш да скокнат и со урлање да му го одземат зборот на адвокатот и да му се заканат дека ќе го казнат. Замислите.....не можете да замислите. Тоа го има само во Македонија, во случаите на СЈО против луѓето од ВМРО-ДПМНЕ. Писмо од читател

Двојните аршини на судството: За СЈО и политичките предмети против ВМРО-ДПМНЕ важат поинакви правила

Курир — Sat, 10 Feb 2018 10:58:43 +0000

- Дали се сеќавате кога СЈО се бунеше дека не можеле доказите да ги гледаат во посебна просторија на судот туку морало да им бидат дадени? Како тоа сега доказите ( кои не се докази освен во инструираните судски глави) не може да и бидат дадени на одбраната на Груевски?, напиша новинарот Дарко Јаневски на својот фејсбук профил во однос опструкциите на судот Груевски да не добие доволно време за увид во прислушуваните разговори. Двојните аршини на правдата се очевидни, ако погледнеме како правосудните органи се однесуваат со СЈО, а како со другите субјекти. Имено кога Јанева го преземаше предметот Пуч, таа бараше подолг временски простор како би можела да изврши комплетен увид во доказите, што и беше и овозможено. Спротивно од тогаш судот не го овозможува истото за Груевски. За разлика од предметите на Груевски кои се закажуваат експресно едно по едно, од рочиштето кога Јанева побара увид во доказите за Пуч на 14 јануари, до датумот кога и беше одобрено да изврши поминаа три недели, по што следеше долг увид во доказите, право кое за разлика од Јанева, го нема Груевски. Правото по принцип треба да биде еднакво за сите. Сите се еднакви пред правосудните органи независно дали се јавуваат како тужители или тужени, сепак тоа изгледа е принцип само за на хартија, но не и во пракса.