двојни матични броеви – Kurir.mk

Милошоски: Спасовски призна дека постојат двојни матични броеви, а тој не презел ништо

Магдалена Андонова — Fri, 16 Apr 2021 10:49:33 +0000

Аферата Мафија има ново продолжение а тоа е аферата Мафија 2. Според нашите информации доставени од свиркач основано се сомневаме дека постојат личности, државјани на Македонија со двојни матични броеви од кои што поголемиот дел се фиктивни, а истите може да бидат злоупотребени за економски криминал, за двојно гласање и друг вид на злоупотреба спротивна на закон, изјави на денешната прес конференција, Антонијо Милошоски, пратеник од редовите на ВМРО-ДПМНЕ. - Имено за што станува збор? Аналогно на ова значи МВР на Спасовски не само што издавала пасоши на меѓународни нарко босови, туку се сомневаме дека околу 20 илјади граѓани во државата имаат фиктивни, или дупли матични броеви. Едно лице има еден матичен број, со одредена адреса на живеење. И сега ист таков матичен број се појавува и кај друго лице, со ист датум на раѓање, ист ден, месец и година, со разлика во последните 3 бројки, но со различна адреса од првата на истото лице. Ова значи дека 20.000 наши сограѓани имаат можност да гласаат по два пати. Таков е случајот со извесен: Исамет Метушевски од Никиштане кој што поседува два матична броја. Таков е случајот со Нехат Шаиповски роден во Чифлик, и втор матичен број овој пат на име Боја Богдановски во Шуто Оризари, рече тој. Милошоски истакна дека третиот случај е Џеладин Адемовски кој според тој матичен број е роден во Чифлик и скоро идентичен матичен број под име Џадин Адемовски со адреса во Чаир. - Вчера министерот Спасовски призна дека имало луѓе со двојни матични броеви и тоа укажува дека Спасовски е свесен за оваа афера наречена “Мафија 2”. Спасовски кажа дека ова било проблем уште од 1981 година. Но, тоа не е така бидејќи името на Џадин Адемовски од Чаир е идентитетот на Седат Пекер кој извади лична карта во јануари оваа година. Ова потврдува за што служеле овие двојни матични броеви но, исто така потврдува дека аферата “Мафија 2” како и претходната “Мафија 1” се случува во времето на Спасовски и истиот бил известен и свесен за овие скандали. Оливер Спасовски е министер за внатрешни работи речиси 6 години. Тој со самото тоа што не превземал сериозна акција против мафијата го прави соучесник во истата. Шест години толерирал, а можеби и содејствувал во креирањето на ваква мрежа која што користела инфраструктура на МВР за да издава двојни пасоши и двојни матични броеви, посочи тој. Милошовски се сомнева дека овие матични броеви биле злоупотребувани за перење на пари, за подигнување на кредити, за нивно злоупотребување, за фиктивно двојно гласање и за други незаконити дејствија во полза на гарнитурата од МВР која што им овозможувала двојни броеви и заштита. - Сите овие лица со двојни матични броеви гласале на избори. Сите овие 20 илјади лица ги има во избирачкиот список што значи дека ова е злоупотреба и на избирачката волја и потиснување на правото на еднаквост кај другите граѓани кои што гласаат само еднаш за разлика од овие 20 илјади кои што најверојатно гласале по два пати. Ако има во државата макар и еден двоен матичен број тоа е многу а замислете колку многу се 20.000 двојни матични броеви и тоа ја зголемува недовербата во системот во структурите на МВР и во избирачката волја. Спасовски и Заев биле мрежа и логистика на ваквите незаконски дејанија и затоа треба да си поднесат оставка, а министерот Спасовски испаѓа дека не се борел против мафијата туку станал нејзин најдобар другар, додаде тој.

20 илјади вистински ЕМБ фантоми на Заев за лажни победи на СДСМ?!

Магдалена Андонова — Fri, 16 Apr 2021 08:53:44 +0000

Победи ли СДСм во 2020-та? Победи ли и во 2019-та? А што е со 2017-та? За 2016-та знаеме дека не победија, но само затоа што тогаш не беа на власт. Сите овие три „победи“ во низа сега се ставени под голем знак на прашалник, особено по обелоденувањето на аферата со најмалку 20 илјади дупли матични броеви во Македонија. Фактите се следните: 327.408 или 35.89% од освоените гласови на СДСм наспрема 315.344 гласа за ВМРО-ДПМНЕ или 34.57% од вкупниот број гласачи кои гласале н предверемените парламентарни избори на 15 јуни 2020-та година. Тесна, најтесна победа на Социјалдемократите од северна со 12.000 гласа? Навистина, беше ли победа? Или, сепак, некој пак нешто местеше, по навика? Денеска знаеме дека најмалку 20.000 луѓе во државата имаат двојни/дупли матични броеви. Најмалку 20.000 фантоми. Вистински, не ко оние измислените на Шеќеринска. Во превод, најмалку 20.000 можеле да си гласаат двојно на изборите во 2020-та. Прашањето не е дали некој се сомнева, имајќи предвид со кого си имаме работа кај актуелната власт, се подразбира дека гласале, прашањето е само која на крајот ќе испадне реалната бројка на фантомски гласачи на СДСм во изминатите години. Математички, состојбата е ваква - 327.408 минус фатените 20.000 дупликати е еднакво на 307.408 гласа за СДСм. А ВМРО-ДПМНЕ имаше 315.344 гласа (според ДИК). А и тогаш, очебијно, не случајно падна системот на ДИК?! Во превод, сакал некој да признае или не, но на изборите во 2020-та, исто како и во 2016-та и исто како и години и години наназад, победи ВМРО-ДПМНЕ. А, ако се сомневате во мафијашките методи на СДСм и на нивната умешност во извитоперување на резултатите, не мора да си припомните на дупликат-пасошите за ИСИС терористи и нарко босови во „Мафија“, ниту на „Нарко-картелот Заеви“, иако тука се и Катица Јанева, Боки, Дончев, Богоевски, Рашковски (со кого сега глумат правна држава), Димова, Ременски, Дудуш, Боро Малборо... Но не, доволно е само да се сетите дека на Референдумот за името, кој беше перверзен од самиот старт со прашање кое не би минало никаде во светот, Заев и СДС загубија 3:1 од народот кој рече гормогласно НЕ, резултат кој Заевци го претставија како, верувале или не, победа на „храбрите“?! Поверојатно, најуценетите и празноглавите... Сетете се и на неверојатните локални избори во 2017-та, тотално нелогични според резултатите на терен, кои завршија со асли чудна победа на СДСм, акт кој не случајно беше потребниот ветер во едра за промена на името и уставот на државата, носењето на тотално неаргументираната двојазичност и други антинационални чекори. После се што уништија на национален план, СДСм и во 2019-та, на претседателските избори, кога сите нормални во Македонија очекуваа силен пораз на Стево Пендаровски, понављачот од претходната загубена битка со Ѓорѓе Иванов, тогаш победи со над 50.000 гласови плус, на изненадување на сите. Или, сепак, тоа и не беше изненадување за некого?! Се сеќавате како Заев и Шеќеринска лажеа за 500.000 фантомски гласачи? Знаеја ли нешто што никој не го знаеше, така барем испаѓа по обелоденувањето на аферата со најмалку 20 илјади вистински фантоми со дупли матични броеви, кои сега врхушката на СДСм не ги спомнува. Логично прашање е и дали затоа партијата од Бихаќка толку време бега од воведувањето отисок од прст при гласањето (фингерпринт машините)? Уште пологично е, дали фантомите на СДСм беа оние кои навасуваа во „бранови“ при гласањата кога се рушеа рекордите со брзина за Гинисова книга на рекорди? Затоа ли секогаш се чекаше мрак, како и на последните предвремени парламентарни избори, за да се променат резултатите во матното и со помош на 20-те или многу повеќе илјади фантоми на Заев? Испаѓа ли дека , сепак, кампањата „Можеме“ и не е така утната? Да, можат да наместат избори, 20-те илјади дупли матични броеви (најмалку) го потврдуваат нивниот слоган во кампањата. Дефинитивно МОЖАТ. А „највистинското“ прашање не е дали, туку колку нови афери ќе се разоткријат до и особено по паѓањето на оваа некадарна криминална власт... Љупчо Цветановски