двојно убиство – Kurir.mk

ДЕТАЛИ ЗА УЖАСОТ ВО ГЕВГЕЛИЈА: Си ги убил братот и снаата со кои не разговарал 40 години – причината е БИЗАРНА!

Ивана Ефремовски — Mon, 25 Sep 2023 16:35:50 +0000

Oсновното јавно обвинителство Гевгелија донесе Наредба за спроведување истражна постапка против едно лице за кое постои сомнение дека сторил две кривични дела -Убиство од член 123 од Кривичниот законик. Осомничениот 69-годишник, на 24 септември, со умисла ги лишил од живот сопствениот брат и неговата сопруга, со кои живееле во иста семејна куќа со различни влезови. Кога ги забележал оштетените како се паркираат со нивното возило пред дворот на куќата, осомничениот излегол во дворот, држејќи ја во рацете приватната тужба поднесена против него од починатите за кривично дело – Оштетување туѓи предмети. Двајцата браќа имале нарушени меѓусебни односи и не разговарале повеќе од 40 години, но починатите тужбата ја поднеле неодамна, бидејќи осомничениот, ставајќи олуци на куќата, скршил плочки и ја оштетил оградата од нивната тераса. Кога им забележал за поднесената тужба, тие не сакале да разговараат со него, па осомничениот влегол дома и го зел пиштолот марка „Црвена застава“, со калибар 7,62 милиметри кој го поседувал со дозвола. Потоа испукал повеќе куршуми кон братот и снаата, кои од здобиените повреди тие починале на самото место. Надлежниот јавен обвинител до судијата на претходна постапка од Основниот суд во Гевгелија достави предлог за определување мерка притвор за осомничениот.

БАНАЛНА ПРИЧИНА ЗА ДВОЈНОТО УБИСТВО ВО ГЕВГЕЛИЈА – еве поради што си ги убил братот и снаата со пиштол

Дарко Андоновски — Mon, 25 Sep 2023 08:30:06 +0000

Според првичните информации од Јавното обвинителство мотив за двојното убиство во Гевгелија се нарушени меѓусебни односи на двајцата браќа кои кулминирале заради банална расправија во врска со работи на заедничката куќа. Ова денеска го соопштија од Јавното обвинителство на РСМ, од каде информираа дека јавен обвинител од ОЈО Гевгелија извршил увид на местото на убиството, а обвинителот ја очекува кривичната пријава во текот на денот. Инаку, полицијата го сомничи шеесет и деветгодишниот В.Г. од Гевгелија дека синоќа околу 19 часот ги убил брата си Л.Г. (71) и снаата Т.Г. (62) пред влез од куќа во Гевгелија кога со пиштол пукал во нив.

Детали за ужасот во Куманово: Детето на жртвата и убиецот било сведок, заклучено во соба врескало за помош

Ивана Ефремовски — Fri, 25 Aug 2023 16:34:37 +0000

Двојно убиство и самоубиство попладнево се случи во Куманово. Од полицијата за Курир потврдуваат дека усмртени се две жени, мајка и ќерка, а убиецот самиот си пресудил. -Околу 14.25ч. постапувајќи по добиена пријава, во стан во Куманово полициски службеници ги пронашле починати Е.А.Ј. (40) од Куманово и нејзината мајка П.Н., кои претходно со нож ги убил Д.Ј. (46) од Куманово (сопруг на Е.А.Ј.) Потоа Д.Ј. си нанел повреди и себеси и скокнал од прозорецот. Д.Ј. бил пренесен во болницата во Куманово, каде починал, информираат од МВР. Во истиот стан каде се случила трагедија бил и 8-годишниот син на таткото-убиец и мајката-жртва. -Детето, според сознанија на истрагата, било заклучено во една соба, додека таткото се расправал и и викал на сопругата и на нејзината мајка (баба на детето). 8-годишното дете викало на помош, а соседите кога слушнале повикале полиција за семејно насилство. 46-годишниот сопруг со нож ја избодел сопругата, а потоа и нејзината мајка која била во станот на улица Лесковачка во Куманово, пренесува ТВ Телма. Според една верзија која на полицајците им ја кажале соседите, злосторот се случил ноќеска околу 2 часот, а таткото-убиец претходно го заклучил детето во соба. Денеска пак се фрлил од прозорец по што реагирала полицијата која била повикана поради криковите на 8-годишното дете. -Според друга верзија пак, кога полицајците стигнале и кога убиецот ги видел во станот, се приближил до прозорецот и се фрлил од 6-тиот кат на зградата во која се случило двојното убиство. Осомничениот е префрлен во кумановската болница, но не преживеал. Полицајците при интервенција го згрижила 8-годишното дете кое за миг остана без родителите и бабата. Тоа не е повредено, пренесе Телма.

Двојно убиство и самоубиство во Куманово: Маж ги убил сопругата и нејзината мајка, па си пресудил

Ивона Петрова — Fri, 25 Aug 2023 14:30:06 +0000

Двојно убиство и самоубиство попладнево се случи во Куманово.

Од полицијата за Курир потврдуваат дека усмртени се две жени, мајка и ќерка, а убиецот самиот си пресудил.

-Околу 14.25ч. постапувајќи по добиена пријава, во стан во Куманово полициски службеници ги пронашле починати Е.А.Ј. (40) од Куманово и нејзината мајка П.Н., кои претходно со нож ги убил Д.Ј. (46) од Куманово (сопруг на Е.А.Ј.) Потоа Д.Ј. си нанел повреди и себеси и скокнал од прозорецот. Д.Ј. бил пренесен во болницата во Куманово, каде починал, информираат од МВР.

Од страна на јавен обвинител и екипа на СВР Куманово се преземаат мерки за расчистување на случајот.

СУДОТ НИТ ДЕМАНТИРА, НИТ ПОТВРДУВА – пронајден ли е двократниот убиец од „Шиша бар“? СУДИЈА ВЕДНАШ МУ ОДРЕДИ ПРИТВОР!

Дарко Андоновски — Thu, 01 Jun 2023 15:39:24 +0000

Судија на претходна постапка при Основниот кривичен суд Скопје вчера определи мерка краткотраен притвор во траење од 48 часа заради постоење на основано сомнение за сторено кривично дело Убиство, информираат од Основниот Кривичен суд. Оттаму ги демантираат наводите во одредени портали дека информацијата за поврзаноста на кривичното дело со конкретен настан, е прибавена од судот. - Со оглед да се работи за истражна постапка за сите останати детали надлежно е јавното обвинителство, а како суд сакаме да ги демантираме наводите во одредени портали дека информацијата за поврзаноста на кривичното дело со конкретен настан, е прибавена од судот, велат оттаму. Според дел од медиумите, притвореното лице е осомничено за настанот од 6 март годинава, кога пет вооружени лица, маскирани со фантомки влегоа во „Шиша бар“ и убија две лица. Од Јавното Обвинителство велат дека поради компромитација на истрагата не се во можност да споделуваат никакви детали. - Со оглед на тоа што во предметот во кој е определен краткотраен притвор за едно лице постои сериозна можност за компромитација на истрагата во оваа фаза, во интерес на тајноста на постапката не сме во можност да споделуваме никакви детали, велат од ЈО за МИА.

НАПАЃАЧИТЕ СЕ УШТЕ НЕ СЕ ИДЕНТИФИКУВАНИ – МВР не може да распише потерници за да не избегаат од државата, а запаленото Ауди А6 пронајдено на пат кон граница

Дарко Андоновски — Thu, 09 Mar 2023 15:45:15 +0000

И по три дена од суровата ликвидација на двајцата нарко босови Жила и Лаци во Шиша бар, во близина на Кале напаѓачите се уште не се идентификувани, неофицијално дознава Сител. Со тоа, полицијата не може да распише и потерница со цел да го спречи излезот на убијците надвор од државата. Официјално од МВР пак, велат дека не даваат никакви информации за случајот бидејќи тој веќе е во рацете на Обвинителството и се што прави полицијата е по негов налог како дел од истрагата. Обвинителот Бубевски пак, вчера посочи дека се уште ги прибираат доказите и ги разгледуваат снимките од безбедносните камери, а се сослушуваат и сведоци меѓу кои и повреденниот од настанот. Но за детали околу откривањето на сторителите упати на МВР. Опозициската ВМРО-ДПМНЕ и денеска обивинува дека во случајот е пример, како што вели, дека тој што треба да го гони криминалот е ортак со криминалот. „Инаку на 300 метри од центарот на Скопје да се случи едно вакво убиство, многу прецизно луѓе со автоматски пушки да си шетаат и тоа не 1 туку 4, на 300 метра ќе повторам од центарот на главниот град, нити во најлошите и нај би рекол кинематографии не можете да го сретнете, но ете за жал големина очевидци тој ден, во тој локал или во околината видоа како се врши брутална егзекуција на луѓе на 300 метра од центарот на главниот град во Скопје. Тоа е причина само поради тоа што немаме јасна поделба помеѓу тој што треба да го гони криминалот и да биде ортак со него. За жал кај нас тој што треба да го гони криминалот е ортак со криминалот“, истакна Мицкоски. Двајцата нарко босови во понеделникот вечерта беа стрелани со автоматски пушки од 5-мина униформирани лица со фонатомки на главите во Шиша бар. До таму дошле со ауди A6, кое веднаш по настанот беше најдено запалено на патот кон граничниот премин Блаце. Напаѓачите во барот веднаш ги таргетирале двајцата нарко босови во мониторинг собата на локалот. Според информациите Жила и Лаци биле главни во криминална група од Грчец, додека за напаѓачите се зборува дека си нивни ривали од бандата „Беланоца“ од Ченто и Арачиново.

Обвинителството постапува во случајот со двојното убиство на Кале, вели Бубевски

Ивона Петрова — Wed, 08 Mar 2023 14:48:13 +0000

Обвинителството во овој случај постапува и дежурен обвинител има излезено на лице место, има дадено одредени насоки во однос на криминалистичко прибирање на доказен материјал и негово обработување, но фазата на откривање е во целост на органите на откривање, во овој случај МВР, изјави претседателот на Основното јавно обвинителство – Скопје, Гаврил Бубевски. Одговарајќи на новинарско прашања, до каде е истрагата за убиството на Кале, Бубевски, рече дека согласно Закон за кривична постапка за вакви кривчни дела, прво орган што се известува е МВР, а веднаш потоа и Обвинителството. - Координацијата на сето тоа го прави јавен обвинител, меѓутоа откривачка функција и начинот на кој ќе дојдат до одредена трага, сознание и сето тоа, сепак е криминалистичка работа, која повеќе познавање и знаење има полицијата, изјави Бубевски. Она што треба јавниот обвинител да го даде, посочи Бубевски, е дадено и тоа е се што можам да кажам во овој момент. Прашан до каде се истрагите за претходните мафијашки пресметки и убиства, како таа на Рузвелтова, Бубевски, рече дека сите нерасчистени убиства не се затворени предмети и за нив се прибира доказен материјал. - Некои се споредуваат дали се појавуваат исти работи на различни места. Се уште ова е фаза на постапка, каде не можам да кажам дали ќе има конкретен завршеток за одреден од нив, изјави Бубевски.

По синоќешното двојно убиство: Се работи на расчистување на случајот и откривање на сторителите

Ивана Ефремовски — Tue, 07 Mar 2023 08:00:15 +0000

По синоќешното двојно убиство во угостителски објект во Старата скопска чаршија се очекува да бидат објавени дополнителни информации за случајот во кој е повредено и едно лице. Дежурен јавен обвинител заедно со полициски увидни екипи ноќеска вршеа увид во угостителскиот објект, а после полноќ од локацијата почна повлекувањето на бројните полициски сили што го обезбедуваа местото. Според првичните информации на Јавното обвинителство, неколку маскирани лица со огнено оружје пукале кон двајцата кои починале на самото место, додека повредениот е пренесен во болница за да му биде укажана лекарска помош. -Фиксирани се траги на лице место, а јавниот обвинител ги издава сите потребни наредби и насоки со цел да се обезбедат докази кои ќе помогнат за расчистување на настанот и за откривање на идентитетот на сторителите, информираа од ЈО. Од МВР претходно соопштија дека во СВР Скопје синоќа во 20:11 часот е пријавено дека во угостителски објект во Скопје неколку лица пукале кон Ј. К. и Е.И., кои починале на самото место, и кон А.Т., кој е пренесен во болница за укажување лекарска помош. Како што изјавија за МИА од Универзитетската клиника за хируршки болести Свети Наум Охридски, едно лице со две прострелни рани е донесено во оваа клиника синоќа во 20.15 часот со приватно возило. Констатирана му е прострелна рана во пределот на левото стапало и поголема рана во пределот на десната потколеница, а по укажаната лекарска помош е пуштено на домашно лекување. (МИА)

Се огласија од Обвинителството по вечерашното двојно убиство

Ивона Петрова — Mon, 06 Mar 2023 22:12:58 +0000

Дежурен јавен обвинител заедно со полициски увидни екипи вечерва врши увид на лице место во угостителски објект во кој во оружен инцидент убиени се две лица, додека едно е повредено. -Според првичните информации, неколку маскирани лица со огнено оружје пукале кон двајцата кои починале на лице место, додека повредениот е пренесен во болница за да му биде укажана лекарска помош. Фиксирани се траги на лице место, а јавниот обвинител ги издава сите потребни наредби и насоки со цел да се обезбедат докази кои ќе помогнат за расчистување на настанот и за откривање на идентитетот на сторителите, информираат од Обвинителството.

Телма: Во нападот во Чаршија е убиен Кривањева врз чие друштво пред 4 години беше пукано во „Александар Палас“

Ивона Петрова — Mon, 06 Mar 2023 21:57:38 +0000

Телма објавува дека двајцата убиени во нападот во бар во Старата скопска Чаршија се Јетон Кривањева и Енес Исени. Двајцата им подлегнале на повредите на местото на злосторството. Неколку вооружени лица пришле на жртвите и почнале да пукаат во нив по што избегале вечерва околу 20:11 часот. Во нападот е рането уште едно лице кое било во друштво на убиените. Кривањева според повеќе медиуми на албански јазик од Македонија беше дел и од групата која беше цел на вооружен напад во скопскиот хотел Александар Палас во 2019-та година, објави Телма. Тогаш маскирани напаѓачи стрелаа кон групата во која беа и Камер Идризи и Јетон Кривањева. Поголеми последици врз нападнатите спречил полицаец во цивил кој во тој момент седел на истата маса со нападнатите кои се од скопско Грчец. Полицискиот службеник пукал во напаѓачите во самоодбрана, а немаше сериозно повредени. Во 2021-ва во Бутел беше убиен Камер Идризи додека се движел со автомобил, а во него било пукано од друго возило во движење. Тоа убиство не е расветлено. Денеска пак е убиен Кривањева, а настрада и Исени кој бил во негова придружба во угостителски објект. МВР засега не дава информации дали имало и други гости во локалот каде се случил оружениот напад.