двор – Kurir.mk

Поднесено обвинение против две лица за узурпација на дворот на поликлиниката „Бит Пазар“

Катерина Бојаџиева — Thu, 18 May 2023 13:16:06 +0000

Основното јавно обвинителство Скопје поднесе Обвинителен предлог против две лица за кривично дело „узурпација на недвижности“ согласно член 225 став 2 во врска со став 1 од Кривичниот законик. -Двајцата соизвршители, на возраст од 45 и 42 години, заеднички со намера за владение зазеле недвижност во сопственост на државата, која со пропис е прогласена за имот во општа употреба со намера земјиштето да го упортребат за изградба на паркинг, се наведува во денешното соопштение од Обвинителството. Првообвинетиот, како што се вели во соопштението, ангажирал повеќе непознати лица да ја исечат металната ограда и да ја искршат бетонската конструкција за ограда од дворот на Јавната здравствена установа – Здравствен дом на Скопје – Поликлиника „Бит Пазар“. Притоа, биле уништени и околните грмушки и дрва. Второобвинетиот со багер почнал да го рамни теренот каде осум камиони транспортирале градежен материјал – тампон, кој го растовариле во дворот на поликлиниката. Со багерот, вториот обвинет продолжил да го растура и рамни тампонот низ паркот на болницата до доаѓањето на полицијата. Надлежниот јавен обвинител до Основниот кривичен суд Скопје доставил предлог за продолжување на определената мерка притвор за првиот обвинет, додека за второто обвинето лице на сила се определените мерки на претпазливост.

Прилепчанка нападната во својот двор

Тале Кристо — Sat, 28 Jan 2023 18:36:08 +0000

На 27.01.2023 во 17.40 часот во Полициска станица Прилеп, В.Б.(41) од Прилеп пријавила дека на 24.01.2023 во 20.00 часот, во нејзиниот двор во Прилеп, била физички нападната од Д.Р. од Прилеп. Се преземаат мерки за расчистување на случајот.

Битолчанец во својот двор пронашол граната од Првата светска војна

Тале Кристо — Mon, 13 Jun 2022 10:25:03 +0000

На 12.06.2022 во СВР Битола, Џ.Ј.(56) од Битола пријавил дека при изведување на градежни работи во неговиот двор пронашол една неексплодирана артилериска граната со калибар од 75мм од Првата светска војна. Гранатата била безбедно подигната од пиротехничар од Дирекцијата за заштита и спасување.

Поведена постапка против велешанец, во дворот на баба му држел марихуана која потоа ја продавал

Магдалена Андонова — Mon, 29 Nov 2021 09:15:42 +0000

Основното јавно обвинителство Велес донесе Наредба за спроведување истражна постапка против еден велешанец за кривично дело – Неовластено производство и пуштање во промет наркотични дроги, психотропни супстанци и прекурсори од член 215 од Кривичниот законик. Осомничениот, во дворот од куќата на неговата баба каде тој повремено престојувал, неовластено заради продажба држел 420,6 грама наркотична дрога – марихуана. Дрогата, спакувана во едно најлонско кесе, ја чувал во метално буре во дворот, а полициски службеници од СВР Велес ја пронашле при претрес. Со оглед на тоа што осомничениот веќе е осудуван за исто кривично дело и дека во текот на истражната постапка треба да се сослушаат сведоци кои се во роднинска врска со него, Основното јавно обвинителство Велес оцени дека е оправдан стравот осомничениот да го повтори кривичното дело и да влијае врз сведоците. Од тие причини јавниот обвинител до судијата на претходна постапка на Основен суд Велес достави предлог за определување мерка притвор против осомничениот.

„Ме нападнаа мене, татко ми и мојот син“ – скопјанец преживеал драма во својот двор

Ивана Ефремовски — Mon, 30 Aug 2021 14:25:44 +0000

На 29.08.2021 во 13:35 часот во СВР Скопје, И.М.(41) од Скопје пријавил дека во неговиот двор, тој, неговиот татко и неговиот син биле физички нападнати од шест лица. Според пријавеното, тој и неговиот сосед претходно имале расправија со лицата. Се преземаат мерки за расчистување на случајот.

Шестгодишно дете барало црви во дворот, а потоа ископало нешто старо 488 милиони години (ФОТО+ВИДЕО)

Магдалена Андонова — Wed, 05 May 2021 08:13:47 +0000

Момче (6) од Велика Британија пронашло фосил стар стотици милиони години со помош на детска алатка за пребарување фосили, што го добил како подарок за Нова Година. Момчето вели дека копал во дворот „во потрага по црви“ кога неочекувано пронашол предмет стар милиони години. Сидак Синг Џамат, наречен Сид, вели дека бил „возбуден“ кога нашол фосил во неговиот двор во англискиот град Валсал. Неговиот татко, Вис Синг, подоцна успеал да добие информации преку Фејсбук група дека се работи за остаток од коралите. Вис Синг проценува дека фосилот е стар меѓу 251 и 488 милиони години. - Копав во потрага по црви и предмети, па го најдов овој камен што изгледаше малку како рог, но помислив дека може да биде заб или канџа, а всушност тоа е остатокот од корали - објаснува момчето. - Бев многу возбуден кога сфатив за што станува збор. Беше вистинско изненадување да се најде предмет со толку необична форма ... Прво пронајде корали и некои помали делови до него, а следниот ден цел блок песок - додава неговиот татко.

#walsall Boy finds fossil up to 500m years old in his West Midlands garden. Sid Jhamat, six, from Walsall came upon a horn coral while using his fossil-hunting kit to find wormshttps://t.co/thuwyi68Bg pic.twitter.com/y8lCWa0h1Z
— andy brook (@northlancing) March 28, 2021

- Пронајдовме многу школки во тој песок, нешто што личи на пипало од лигњи и разни други праисториски фосили - наведува тој. Постариот Синг вели дека остатоците од фосилите, најверојатно, припаѓале на коралите ругоса, за кои се проценува дека постоеле во палеозојскиот период - пред 251 и 488 милиони години. - Англија во тоа време беше дел од суперконтинентот Пангеа [што некогаш постоеше], а исто така беше и под вода .... Тоа беше многу одамна. Семејството потенцира дека тие не живеат во дел од земјата позната по фосили, како што е Јураскиот брег во Англија, но дека во нивниот двор има многу природна глина, каде што се пронајдени фосили. - Многу луѓе велат дека чувството е неверојатно кога ќе откриете такво нешто во вашиот двор - вели Синг. -Тој исто така кажа дека фосилите се насекаде, само треба внимателно да гледате но пронаоѓањето на овој голем фосил е права реткос, заклучува.

Змија влегла во двор, и завршила претепана со метла: Храбрата мајка се борела силно со отровничката (ВИДЕО)

Магдалена Андонова — Wed, 31 Mar 2021 10:18:46 +0000

Преплашена мајка од Тајланд го чистела дворот, кога забележала дека нешто се вртка во грмушката. Тогаш кобра излезе од мракот и започна да се заканува дека ќе и пријде на неа и нејзините деца. Преплашената жена започнала да ја тепа кобрата со метла, откако змијата се обидела да и се приближи на своето семејство. Кобрата наводно била долга 1,2 метри, а жената била во дворот со нејзините двајца малолетни синови. Снимките од безбедносните камери покажуваат мачна борба помеѓу мајка и отровна змија, во која, за среќа, несакан гостин се јаде на густиот крај. Видеото може да го погледнете ТУКА.

Не престануваат нападите врз Марјан Ристески: Во дворот на поранешниот прилепски градоначалник фрлено автомобилско масло (ФОТО)

Тале Кристо — Wed, 10 Mar 2021 13:21:06 +0000

Ноќеска во дворот на поранешниот прилепски градоначалник Марјан Ристески непознати сторителе фрлиле автомобилско масло, при што предизвикале штета на истиот. во изминатите неколку години и претходно Ристески беше цел на напади, при што во неколку наврати му беше демолиран афтомобилот. -Синоќа пак сте ми направиле штета-фрливте автомобилско масло во мојот двор! Во рок од 3 години, два пати ми го демолирате автомобилот, а еве сега дојде ред пакост и на дворот да ми направит, пишува на својата Фејсбук поранешниот прилепски градоначалник. Во продолжение интегрално ви ја пренесуваме целата објава на Ристески: "Почитувани" сторители...сакам само да Ве поздравам 👋😊... синоќа пак сте ми направиле штета-фрливте автомобилско масло во мојот двор! Во рок од 3 години, два пати ми го демолирате автомобилот, а еве сега дојде ред пакост и на дворот да ми направите... или повторно ќе следува нова “дозирана” кривична пријава?... го научивме веќе редот! А,нели живееме во: “демократска”, “европска” и ‘НАТО” Македонија???? И наместо на градот и државата, Вие “господа” -4 години потрошивте на мене, исполнувајќи го само својот фрустриран “фетиш”… и ништо друго, а Прилепчани добија само УНАЗАДЕН ГРАД! И еве уште еднаш да Ви укажам, не си го трошете времето со мене, нека не Ве прогонува постојано мојата "аура" и сè што имам направено за овој град...напротив, сето тоа требаше да Ви биде само поттик и репер,а не страв... да ме надминете и направите повеќе, да оставите траг по кој ќе Ве паметат граѓаните, затоа што го заслужуваат тоа!!! Се надевам наредните, ќе успеат да ја исправат лошата слика и ги надминат вашите “севернокорејски” методи, враќајќи го демократскиот, натпреварувачки и вистински европски дух на градот, како што беше претходно! УШТЕ ЕДНАШ ВИ УПАТУВАМ ГОЛЕМ ДРУГАРСКИ ПОЗДРАВ!!! П.С. Со сето ова, за овој целокупен моментален “европско-демокртатски” дух во Прилеп, ќе бидат запознаени сите амбасади-мои драги пријатели!!, пишува Ристески во својата објава.

Драма кај Задар: Не знаеле дека во дворот имаат минско поле – Деца играле, се правеле свадби

Ивона Петрова — Thu, 04 Feb 2021 09:14:36 +0000

Во дворот и градината на семејството Санковиќ кај Задар во два наврати се собирале по 150 луѓе за разни прослави, со години играле деца, се садело цвеќе и зеленчук, а под површината се наоѓале шест нагазни мини. Семејството со години живеело на минско поле, а не знаело. -Се плашав за себе и за внуците, изјавил за РТЛ Денес, Иван Санковиќ. Првата мина ја пронашол по враќањето во селото пред 25 години, другите две ги нашле заедно со сопругата минатата година. Додека не заврши контролата, семејството Санковиќ околу сопствената куќа може да се движи само по бетонските патеки. Токму до истите бетонски патеки жената нашла една мина, а само малку подалеку од местото садела цвеќе цели 20 години. Пред една недела, пиротехничарите на 2 метри од детските лулашки пронашле уште една нагазна мина PMA-2. Малку подалеку, во истиот двор на место каде често поминувале за да одат до соседите, пронајдени биле уште две мини. Од ланското откривање на експлозивните направи семејството живеело во страв бидејќи согласно процедурите потребна била речиси една година за пиротехничарите да дојдат на терен.

Момче (5) застрелано во неговиот двор: Откриена е страшна вистина

Магдалена Андонова — Wed, 19 Aug 2020 16:57:43 +0000

Момчето било застреланo додека играл со сестрите во дворот, кога одеднаш малото момче паднало од неговиот велосипед. Канон Хиант (5) од Северна Каролина, бил убиен минатата недела додека си играл во дворот со своите две сестри. Момчето возело велосипед во дворот и одеднаш паднало, кога татко му се стрчал кон него, сфатил дека неговиот син е застрелан. - Беше недела, околу 17:30 часот. Децата играа во дворот како и секој друг ден. Првото нешто што помислив беше дека тој само падна од велосипедот, но кога му пријдов, сфатив дека станува збор за нешто многу посериозно - рече неговиот татко Остин. Сите прво помислиле дека детето било погодено од залутан куршум. Детето било веднаш пренесено во болница, но наскоро им подлегнало на повредите. Следниот ден, полицијата извршила апсење на Дариус Сосом (25), сосед на семејството Хинтан, под сомнение дека го убил детето. Причината за ова грозоморно злосторство сè уште не е позната. - Бевме соседи цели осум години. Ноќта пред убиството, тој беше со нас на вечера. Божјата заповед вели: „Сакај го ближниот“, имавме многу храна, а јас го повикав кај нас. Седевме на тремот, дури пиевме пиво - вели татко на убиеното момче во неверување. Остин тврди дека тој никогаш немал лош однос со уапсениот сосед. - Никогаш немало лоша крв меѓу нас, никогаш расправија. Не знам зошто го стори тоа - вели неутешениот татко. Осомничениот за убиство е во притвор, а деталите за ова злосторство допрва треба да бидат откриени.