Џа Морант – Kurir.mk

НБА лигата со жестока суспензија за „пиштолџијата“ Џа Морант

Бошко Тасиќ — Mon, 19 Jun 2023 05:10:04 +0000

НБА-лигата жестоко го казни Џа Морант откако асот на Мемфис Гризлис по втор пат во текот на една сезона се појави на видео на социјалните мрежи со пиштол во рацете. Челниците на лигата чекаа официјално да заврши сезоната пред да ја објават конечната одлука, за денеска да биде обелоденето дека Морант е санкциониран со дури 25 натпревари неигрње на стартот од наредната сезона. „При одлучувањето го земавме во предвид минатото на играчот, како и сериозноста на инцидентот. Не сакавме казната да ја објавиме во текот на плејофот, ќе беше несериозно кон финалистите ако го тргневме фокусот од нив“, изјави Адам Силвер. Мемфис веќе го суспендираше на неодредено време својот најдобар кошаркар, кој ќе биде и сериозно казнет од финансиски аспект од својот клуб. Како што информираше ЕСПН, Морант ќе биде казнет за кој натпревар од времетраењето на суспензијата, поради што ќе остане посиромашен за 7,5 милиони долари.

Морант: Не сум алкохоличар, но работам на себе

Бошко Тасиќ — Thu, 23 Mar 2023 05:50:07 +0000

Џа Морант се врати на тренинзите на Мемфис по скандалот со кој се најде во центарот на вниманието откако по натпреварот против Денвер мавташе со пиштол во еден ноќен клуб, а сето тоа го објави на социјалната мрежа „Инстаграм“.Пред тоа беше обвинет дека претепал тинејџер и му се заканувал со пиштол па доби суспензија од осум натпревари од НБА лигата, а и Мемфис го острани од тимот на неодредено време.

Дваесетитригодишникот кој помина 11 дена во центар за советување во Флорида за прв пат проговоре и за медиумите.

„Времето го искористив за да се подобрам, да најдам ментална стабилност. Бев таму две недели, но тоа не значи дека процесот е завршен. Ќе продолжам да работам на себе. Никогаш не сум имал проблем со алкохол. Во Флорида бев за да научам како да се соочувам со стресот, да најдам подобар начин за тоа бидејќи стариот ме доведе во проблеми. Очигледно направив грешки кои доведоа до многу негативности. И тоа не само на себе, туку и на мојата фамилија, мојот тим, организацијата. Жалам за тоа. Морам да бидам попаметен од тука па натаму. Не е лесно да бидеш во моите патики, но прифаќам одговорност“, вели Морант.

НБА лигата ја одреди казната за Џа Морант

Бошко Тасиќ — Thu, 16 Mar 2023 05:29:10 +0000

Џа Морант доби суспензија од осум натпревари од страна на НБА поради неговото скандалозно однесување во ноќен клуб каде мавташе со пиштол. НБА му изрече блага казна на Морант ако се земе во предвид дека можеше да биде суспендиран и со 50 натпревари. Сепак суспензијата е само осум откако разговарал со комесарот Силвер и останатите водечки луѓе во лигата на кој им кажал дека ја сфатил грешката, се извинил и ветил дека нема да му се повтори. Тој веќе доби казна од Мемфис, беше испратен и на советување и разговор со психолози.

Џа Морант суспендиран откако на Инстаграм покажа пиштол

Бошко Тасиќ — Sun, 05 Mar 2023 06:42:20 +0000

Кошаркарот на Мемфис Гризлис, Џа Морант е суспендиран на најмалку два натпревари, соопшти неговиот клуб. Причината за суспензијата е тоа што ноќта петок кон сабота покажал пиштол во живо на Инстаграм. Тој настан се случи само два дена откако Морант беше обвинет дека претепал малолетник оваа лето. Портпаролот на НБА, Мајк Бас, кусо ја коментираше ситуацијата. „Свесни сме за објавата на Џа Морант на социјалните мрежи и истражуваме“, истакна тој. .

Морант потпиша мега договор со Мемфис

Бошко Тасиќ — Sat, 02 Jul 2022 05:55:15 +0000

Еден од најдобрите кошаркари во НБА лигата, Жа Морант го продолжи договорот со Мемфис Гризлис. Морант доби нов петгодишен договор вреден 231 милион долари. Од тоа членот на вториот најдобар тим претходната сезона ќе добие гарантирани 193 милиони долари, а целиот износ ќе го добие доколку и следната сезона биде дел од најдобрите кошаркари во лигата. „Мемфис е мојот дом“, накратко напиша Морант.

Морант има едно од најдобрите забивања во историјата на НБА (ВИДЕО)

Ристе Здравков — Wed, 27 Apr 2022 11:48:15 +0000

Освен тоа што во последните секунди постигна кош за победа на Мемфис против Минесота, Џа Морант ќе остане запаметен по неговото забивање на крајот на третата четвртина. Морант тргна кон противничкиот кош и преку ривалот успеа да постигне важни поени за неговата екипа. Талентираниот кошаркар беше јунак на Мемфис, кој сега води со 3-2 во серијата, затоа што покрај забивањето имаше вкупно 30 постигнати поени, 11 скокови и девет асистенции.

OH MY JA 😱 pic.twitter.com/r1usnR2ksS
— NBA on TNT (@NBAonTNT) April 27, 2022