Џад Белингам – Kurir.mk

Официјално: Белингам шест години во дресот на Реал Мадрид

Ристе Здравков — Wed, 14 Jun 2023 10:55:51 +0000

Реал Мадрид го официјализираше трансферот на англиската ѕвезда Џад Белингам. Се очекува бурно лето на „Сантијаго Бернабеу“ по заминувањето на неколку првотимци. „Кралскиот клуб“ ќе ѝ плати обештетување од 103 милиони евра на Борусија Дортмунд за 19-годишниот Белингам, но сумата може да се искачи и на 133,9 милиони доколку бидат исполнети сите бонуси. Англискиот репрезентативец потпиша шестгодишен договор со Реал, а неговата официјална промоција ќе биде утре. Иако имаше исто така големи понуди од клубови од Премиерлигата, желбата на Белингам беше да го облече белиот дрес на шпанскиот гигант. Тој е третото летно засилување за Реал по Фран Гарсија и Брахим Дијаз, кои всушност се вратија во својот поранешн клуб по неколку години минати во Рајо Валјекано, односно Милан. Се очекува Реал Мадри да продолжи со трансферите, а следно е сериозно засилување во нападот, кој би бил замена за Карим Бензема.

Борусија Дортмунд бара 150 милиони евра за Белингам

Тале Кристо — Tue, 01 Nov 2022 17:47:58 +0000

Бундеслигаш Борусија Дортмунд ќе бара обесштетување во износ од 150 милиоини евра за младиот англиски играч за врска Џад Белингам, јавија денеска шпанските и германските медиуми. Младиот 19-годишен Белингам се најде на радарот на бројни европски гиганти, а најгласно се спомнуваат Реал Мадрид, Манчестер сити, Ливерпул и Челзи. Според медиумите, приказната за Белингам ќе наликува на сценариото околу Ерлинг Халанд за кого беше заинтересирана „половина Европа“. На крајот, норвешкиот голгетер прејде од Борусија Менхенгладбах во Манчестер сити за 60 милиони евра. Главната разлика е што Халанд имаше откупна клаузула, а такво нешто во договорот на Белингам нема. Белингам дојде во Борусија Дортмунд од Бирмингем во мај 2020 година за 28 милиони евра, а неговиот договор со германскиот прволигаш е со важност до 2025.

Европските фудбалски гиганти во „лов“ на Белингам

Ивана Ефремовски — Sat, 08 Oct 2022 10:38:34 +0000

Европските фудбалски великани Реал Мадрид, Челзи, Манчестер јунајтед и Ливерпул покажуваат голем интерес за услугите на младиот играч за врска на Борусија Дортмунд, Џад Белингам (19). Според британските и шпанските медиуми, засега во предност е Кралскиот клуб, кој, наводно, веќе една година преговара со бундеслигашот. Медиумите наведуваат дека преговорите стигнале до „фазата бројки“, а се споменува отштета од 100 милиони евра. Претседателот на Реал, Флорентино Перез, во младиот Белингам ја гледа последната коцка во својот мозаик на средината на теренот, откако шпанскиот клуб веќе ги ангажираше талентираните француски фудбалери Аурелиен Чуамени (22) и Едуард камавинга (19). Белингам дојде во Борусија Дортмунд во 2020 година од Бирмингем за 28 милиони евра, а на 102 натпревари во дресот на бундеслигашот постигна 14 голови. (МИА)