Џајлс Норман – Kurir.mk

Мицкоски на средба со канадскиот амбасадор Џајлс Норман

Ивана Ефремовски — Wed, 07 Dec 2022 16:11:11 +0000

Претседателот на ВМРО-ДПМНЕ, Христијан Мицкоски заедно со потпретседателот на партијата Тимчо Муцунски денеска остварија средба со Џајлс Норман Амбасадор на Канада во Република Македонија. На средбата се разговараше за актуелната политичка и економска состојба. Мицкоски ја истакна загриженоста од високиот степен на криминал и корупција во државата и слабиот капацитет од страна на владата на СДСМ за борба против организираниот криминал, укажувајќи дека изминатите 6 години откако владее СДСМ државата тоне во криминал, а за тоа говорат и фактите дека високи владини функционери се обвинети за незаконито делување и крадење на државни пари. Во однос на македонската економија, Мицкоски посочи дека економијата е пред целосен колапс а за тоа е директно виновна и одговорна владата на Димитар Ковачевски и СДСМ, бидејќи наместо да понуди добри економски политики кои ќе значат спас за државата и граѓаните од сиромаштија, нудат нереални и задоцнети мерки. Мицкоски се заблагодари на досегашната поддршката и соработка, потенцирајќи дека ВМРО-ДПМНЕ како нов предводник на новата влада ќе продолжи со интензивна соработка и натамошно унапредување на билатералните односи помеѓу двете земји.

Претседателот Мицкоски на средба со Амбасадорот на Канада Норман: Од големо значење е негувањето и продлабочување на билатералните односи

Магдалена Андонова — Fri, 19 Nov 2021 14:47:57 +0000

Претседателот на ВМРО-ДПМНЕ проф. д-р Христијан Мицкоски денеска 19.11.2021 година, заедно со меѓународниот секретар на ВМРО-ДПМНЕ Тимчо Муцунски оствари средба со Џајлс Норман, Амбасадор на Канада во Република Македонија. На средбата беа потенцирани добрите билатерални односи помеѓу Република Македонија и Канада, каде што од страна на претседателот Мицкоски беше потенцирајќи дека истата треба да се продлабочат и негуваат во иднина. Мицкоски се заблагодари на амбасадорот Норман за поддршката која што ја дава Канада на земјата, потенцирајќи го значењето кое што го добива македонската иселеничка заедница која пак претставува мост за унапредување на двете држави. На состанокот се разговараше за актуелните политички случувања, економската ситуација, енергетската криза, високиот степен на криминал и корупција, како и европските интеграции и македонското членство во НАТО. Од страна на Мицкоски беше посочено дека државата изминатите пет години уназадува на секое поле бидејќи како што рече тој, со владата на СДСМ и Заев корупцијата и криминалот е се по присутен, а поради лошата економска ситуација и неспособноста на властите државата и граѓаните осиромашуваат. Мицкоски вели дека од особено значење е поддршката од страна на Канада како стратешки партнер во НАТО Алијансата и земја која што може да ни пренесе големи искуства, но и да даде поддршка на целите на државата на домашен и меѓународен план.

Муцунски на работен доручек со новоименуваниот Канадски Амбасадор Џајлс Норман

Магдалена Андонова — Fri, 12 Mar 2021 12:14:11 +0000

Утрово, во својство на Претседател на Групата за соработка помеѓу Македонскиот и Канадскиот Парламент, имав работен доручек со новоименуваниот Канадски Амбасадор Џајлс Норман, стои во Фејсбук статусот на Тимчо Муцунски, пратеник од редовите на ВМРО-ДПМНЕ. - Од името на Македонското Собрание му посакав добредојде во Македонија! Канада е значаен партнер на нашата држава и земја со голема Македонска дијаспора. Добрите билатерални односи треба и понатаму активно да се надградуваат, пишува тој.