Наполи го доведе Џакомо Распадори

Бошко Тасиќ — Sun, 21 Aug 2022 09:02:37 +0000

Наполи продолжува со силни трансферни активности во последните неколку дена. По потписите на Џовани Симеоне и Тангуј Ндомбеле, клубот го официјализираше договорот со напаѓачот на Сасуоло, Џакомо Распадори. Трансферот е реализиран со едногодишна позајмица за 5 милиони евра, а вклучува задолжителна опција за купување во износ од 25 милиони евра. ч. Офанзивниот фудбалер за првиот тим на Сасуоло одигра 82 натпревари на кои постигна 18 гола и забележа девет асистенции. Тој е и италијански репрезентативец со 13 настапи, три гола и една асистенција за националниот тим со кој пред една година стана европски првак.

Распадори и Заниоло на листата желби на Јувентус

Тале Кристо — Sat, 09 Apr 2022 17:34:45 +0000

Италијанскиот фудбалски гигант Јувентус тргна во потрага по нов напаѓач со кој сака да ја засили екипата ова лето. Торинската „Стара дама‘, како што јавуваат денеска италијанските медиуми, бара замена за Аргентинецот Паоло Дибала, кому договорот му истекува и дефинитивно заминува од редовите на Јувентус. Според медиумите, тренерот Масимилијано Алегри сака во летниот преоден рок да го ангажира Џакомо Распадори (22) од Сасуоло или Никола Заниоло (22) од Рома, верувајќи дека и обајцата млади талентирани фудбалери се подготвени за настап на голема сцена. Распадори сезонава на 30 натпревари постигна десе т голови, додека Заниоло на 33 настапи запиша четири погодоци. Јувентус во јануари годинава за 75 милиони евра се засили со Србинот Душан Влаховиќ од Фиорентина.

Џакомо Распадори – Kurir.mk

Наполи го доведе Џакомо Распадори

Распадори и Заниоло на листата желби на Јувентус