Џамал Кашоги – Kurir.mk

Убиениот саудиски новинар Кашоги доби улица во Вашингтон

Ристе Здравков — Fri, 10 Dec 2021 09:01:27 +0000

Во чест на убиениот саудиски новинар Џамал Кашоги, кој на брутален начин беше убиен од платеници во Турција, улицата на која во Вашингтон се наоѓа амбасадата на Саудиска Арабија ќе биде преименувана со неговото име, соопштија локалните власти. Вашингтонските советници ја изгласаа оваа иницијатива, со која дел од улицата Њу Хемпшир, каде што се наоѓаат саудиската амбасада и хотелот Вотергејт, се преименува во Џамал Кашоги. Кашоги, кој важеше за критичар на саудиската Влада, со која, патем, некогаш беше многу близок, а кој живееше во САД и работеше за Вашингтон пост, беше убиен на 2 октомври 2018 година во саудискиот конзулат во Истанбул од група платеници од монархијата. Неговото распарчено тело никогаш не беше пронајдено. Извештај на американската разузнавачка служба го обвинува саудискиот престолонаследник Мохамед бен Салман дека го одобрил атентатот. „Со именувањето на улицата каде се наоѓа амбасадата на Саудиска Арабија во чест на Џамал Кашоги, Вашингтон крева споменик на неговиот спомен кој не може да се избрише“, се наведува во соопштението на градското собрание на Вашингтон.

Убиениот саудиски новинар Кашоги доби улица во Вашингтон

Катерина Бојаџиева — Fri, 10 Dec 2021 07:27:33 +0000

Смртни закани кон истражителoт на ОН за убиството на Кашоги од страна на висок саудиски претставник

Тале Кристо — Tue, 23 Mar 2021 13:53:15 +0000

Висок саудиски претставник упатил смртни закани кон независниот истражител на ОН, Анес Каламар, која го истражува убиството на новинарот Џамал Кашоги. Во интервју за Гардијан, специјалниот известувач на ОН за вонсудски убиства откри дека во јануари 2020 година таа била предупредена од колега од светската организација дека висок саудиски службеник двапати упатил закани на средба со други претставници на ОН во Женева, дека ќе се „погрижи“ за Каламар доколку не биде ограничена од организацијата. На прашањето како ги примиле коментарите нејзините колеги во Женева, Каламар одговори: „Смртна закана“. Французинката е експерт за човекови права која ќе ја преземе својата нова функција овој месец како генерален секретар на невладината организација Амнести Интернешнл. Таа е првиот службеник кој јавно истражува и објави детален извештај за убиството на Кашоги во 2018 година.

Подигнати обвиненија против 20 лица поради убиството на Кашоги

Ивона Петрова — Wed, 25 Mar 2020 09:51:54 +0000

Обвинителството на Истанбул подигна обвиненија против 20 лица осомничени поради убиството на саудискиот новинар Џамал Кашоги во октомври 2018 година. Против 18 Саудијци покренато е обвинение за „убиство со предумисла“, а двајца се обвинети за „потикнување на убиство“. Двајцата обвинети за „поттикнување на убиство“ се Сауд ал Кахтани, советник на саудискиот престолонаследник Мохамед бин Салман и поранешниот прв човек на саудиското разузнавање генерал Ахмед ал Асири . Другите 18 лица се обвинети за извршување на убиството на Кашоги. На 2 октомври 2018 година Кашоги влезе во Амбасадата на Саудиска Арабија во Истанбул и оттогаш му се губи секаква трага. Тој беше познат критичар на саудиската власт. На 20 октомври официјален Ријад призна дека новинарот е убиен во Амбасадата.

Саудискиот принц го хакирал Џеф Безос, одземени огромен број податоци

Ивона Петрова — Wed, 22 Jan 2020 07:55:07 +0000

Сопственикот на „Амазон“ Џеф Безос, бил цел на хакери, пет месеци пред убиството во 2018 година на саудискиот новинар Џамал Кашоги. Според „Гардијан“, телефонот на Безос бил хакиран откако добил порака преку „WhatsApp“, испратена од личниот број на принцот престолонаследник на Саудиска Арабија, Мохамед бин Салман. Според резултатите од форензичката анализа, пораката била шифрирана и содржела заразени податоци. Безос, кој е и сопственик на „Вашингтон пост“, до 1 мај 2018 година разменувал пријателска преписка, сè додека на телефонот не му стигнала датотека што не ја побарал од саудискиот принц, дознава „Гардијан“. Од телефонот на Безос за неколку часа била преземени голема количина на податоци, но не се знае какви податоци биле преземени. Новите информации можат да доведат до повторно отворање на истрага за активностите на Мухамед бин Салман и неговите блиски соработници пред убиството на Џамал Кашоги, кој беше новинар во „Вашингтон Пост“

Салман: Одговорен сум за убиството на Кашоги, но не го нарачав

Ивона Петрова — Mon, 30 Sep 2019 06:55:07 +0000

Саудискиот престолонаследник Мохамед бин Салман повтори дека „презема целосна одговорност“ за убиството на саудискиот новинар Џамал Кашоги, но ги отфрли тврдењата дека го нарачал. – Тоа е гнасно злосторство. Како лидер на Саудиска Арабија преземам целосна одговорност, особено што тоа злосторство го извршиле лица кои работат за саудиската Влада, изјави принцот во емисијата „60 минути“ на американската телевизија Си-Би-Ес. На прашањето дали го нарачал убиството на Кашоги, кој го критикуваше во колумна во Вашингтон пост, принцот Мохамед одговори: „Апсолутно не“. Тој додаде дека убиството на новинарот било „грешка“. Кашоги беше убие во саудискиот конзулат во Истанбул 2018 година. За убиството се обвинети 11 лица, но досега се одржани само неколку рочишта.

Турски весник објави нови снимки од убиството на Кашоги

Ивона Петрова — Wed, 11 Sep 2019 06:46:00 +0000

Турскиот весник Сабах пренесува дека последните зборови на убиениот саудиски новинар Џамал Кашоги упатени до неговите убијци биле да не му ја затвораат устата, бидејќи боледува од астма и може да се загуши. Весникот објави нови извадоци од снимката од разговорот на Кашоги и членовите на групата Саудијци кои биле испратени да го убијат. Сабах пишува дека до снимката од грозоморното убиство од 2 октомври 2018 година во саудискиот конзулат во Истанбул дошла турската разузнавачка агенција. Според транскриптот на снимката, член на саудискиот тим му вели на Кашоги дека мора да биде вратен во Ријад поради налог на Интерпол. Исто така, се додава дека Саудиецот го принудува Кашоги да му испрати порака на синот во која му пишува да не се грижи ако не му се јавува.

ИПИ: Саудиска Арабија да обезбеди правда за убиениот Кашоги

Дарко Андоновски — Thu, 20 Jun 2019 15:04:35 +0000

Меѓународниот институт за печат (ИПИ), глобална мрежа на уредници, на медиумски директори и новинари за слобода на медиумите, денеска ја повика меѓународната заедница да побара од Саудиска Арабија да обезбеди правда за убиениот новинар Џамал Кашоги по извештајот објавен од страна на Високата комесарка на Обединетите нации за човекови права (ОХЦХР) Агнес Каламард. Тaа вчера објави извештај во кој утврдила дека не постои сигурен доказ за високите саудиски официјални лица, вклучувајќи го и принцот Мохамед бин Салман, кои се поединечно одговорни за убиството на Кашоги, се вели во соопштението на Меѓународниот институт за печат. Егзекуцијата на Кашоги е симбол на глобалниот модел на целни убиства и закани кон новинари и медиумски работници, кои државни, агенциите на ОН, посебни постапки и голем број меѓународни и национални организации за човекови права редовно ги осудуваат, стои во извештајот за Кашоги. -Наодите од овој извештај даваат дополнителни докази дека саудиската Влада е одговорна за ужасното убиство на Џамал Кашоги и дека националните власти не ја исполниле својата обврска да го испитаат овој злостор, вели извршната директорка на ИПИ Барбара Трионфи. Кашоги, колумнист во „Вашингтон пост“, беше убиен на 2 октомври 2018 година, по влегувањето во саудискиот конзулат во Истанбул. Во извештајот се наведува дека тој пристигнал во конзулатот по договор, за да добие документи, кои му биле потребни за свадба. Потоа се соочи со саудиските функционери и беше убиен, можеби така што му е инјектиран седатив, задушен со пластична кеса и распарчен, се вели во извештајот. Извештајот на Каламард ги користи снимките добиени од конзулатот за да ги осветли последните моменти од животот на Кашоги, заклучувајќи дека смртта на новинарот е „меѓународно злосторство“. Сега е работа на меѓународната заедница, особено на традиционалните сојузници на Саудиска Арабија, да гарантираат дека оние што го наредиле убиството на Кашоги ќе се соочат со правдата, рече таа.

ОН тврдат дека имаат доказ: Принцот Мухамед е вмешан во убиството на новинарот Кашоги

Предраг Кукиќ — Wed, 19 Jun 2019 12:30:56 +0000

Мохамед бин Салман треба да биде испитуван поради убиството на новинарот, се вели во извештајот. Принцот-престолонаследник на Саудиска Арабија треба да биде испитуван поради убиството на дисидентскиот новинар Џамал Кашоги, бидејќи има „веродостојни докази“ дека тој и другите високи функционери се одговорни за неговото убиство, вели форензичкиот извештај на ООН објавен денеска. Во анализа на 100 страници полна со критики за тоа што се случило со Кашоги во октомври минатата година, специјалната известувачка на ОН, Агнес Каламар, вели дека смртта на новинарот е „меѓународно злосторство“. „Заклучокот на специјалниот известувач е дека г. Кашоги е жртва на намерно, умислено погубување, екстрајудицијално убиство за кое државата Саудиска Арабија е одговорна според меѓународниот закон за човекови права“, рече таа. Користејќи записи од разговори што се одвивале во конзулатот во Истанбул, каде што Кашоги беше убиен, нејзиниот извештај ги анализира неговите последни моменти и како тој бил нападнат од саудиски функционери, од кои еден рекол: „Доаѓаме по тебе“. Кога Кашоги одбил да соработува, се слуша борба, како и тешко дишење. Извештајот на специјалниот известувач заклучува: „Процените од снимките од разузнавачите во Турција и од други земји укажуваат на тоа дека на г. Кашоги можеби му бил инјектиран седатив, а потоа бил задушен со пластична кеса“. Наодите ќе го зголемат притисокот врз принцот Мохамед бин Салман да објасни што знае за убиството на Кашоги. Царството претходно ова го опиша како одметничка операција за која наследникот на тронот не знаел ништо. Специјалната известувачка не мисли така, вели Гардијан. Нејзините главни наоди се: • Постојат веродостојни докази, кои бараат понатамошна истрага за индивидуалната одговорност на високи саудиски службеници, вклучувајќи го и престолонаследникот. • Смртта на Кашоги била екстрајудицијално убиство. Обидот за негово киднапирање би претставувал повреда според меѓународниот закон за човекови права... и може да претставува чин на тортура според условите на Конвенцијата против тортура. • Истрагите спроведени од Саудиска Арабија и од Турција не успеаја да ги исполнат меѓународните стандарди во врска со истрагата за незаконско убивање. • Саудиската истрага за убиството не била чесно спроведена и може да претставува попречување на правдата. • Барање дека судењето на 11-те осомничени во Саудиска Арабија ќе биде прекинато поради загриженост за тајноста во текот на постапката и недостигот од кредибилитет. • Убиството на Кашоги ја истакнува ранливоста на дисидентите што живеат во странство и ризиците со кои се соочуваат од тајните активности на властите на нивните земји на потекло или недржавните актери поврзани со нив. Во извештајот се вели: „Околу осум месеци по погубувањето на г. Кашоги, решеноста и означувањето индивидуални одговорности остануваат обвиени во тајност и недостигаат соодветни постапки“. „До денес саудиската држава не ја има јавно признаено својата одговорност за убиството на г. Кашоги и не му се извини на семејството на г. Кашоги, пријателите и колегите за неговата смрт и за начинот на кој тој беше убиен. Специјалниот известувач доби информации дека на децата на г. Џамал Кашоги им се понудени пари, но прашање е дали тие пари се надомест според меѓународниот закон за човекови права“. Кашоги (59) беше убиен кога влезе во саудискиот конзулат во Истанбул на 2 октомври минатата година. Еден од најважните новинарски гласови во регионот, тој сметаше дека новинарството во и за регионот е од витално значење, пишува специјалниот известувач. Во извештајот се опишува дека тој имал закажано средба во конзулатот, за да ги добие потребните документи за брак со својата свршеница, Хатиџе Ченгиз. Саудиска Арабија се обидуваше да го натера да се врати од САД, каде што работеше како новинар на Вашингтон пост, но тој се плашеше за својата безбедност. Докази во извештајот се снимки од разговорите во конзулатот во деновите пред неговата смрт, кои покажуваат како тим од саудиски официјални лица одлетале од Ријад до Истанбул за да го убијат, вели Гардијан. Во една од снимките од конзулатот на 1 октомври се слуша човек како вели: „Утре доаѓа комисија од Саудиска Арабија. Тие имаат некоја работа во конзулатот... Нивната работа внатре во конзулатот ќе потрае два-три дена.“

Саудиски хакери украле податоци од телефонот на Безос бидејќи „Вашингтон пост“ пишувал за Кашоги

Предраг Кукиќ — Sun, 31 Mar 2019 08:29:49 +0000

Мобилниот телефон на основачот на Амазон, Џеф Безос бил хакиран од вработени за владата на Саудиска Арабија и поради тоа, негови пораки и фотографии со љубовницата ги добиле во таблоидот „Нешнал инкваерер“ сопственост на компанијата Американ медиа. До тие заклучоци стигнал Гевин де Бекер, приватен консултант ангажиран од Безос кој објави резултати од истрага во порталот Дејли бијст. – Нашите детективи и уште неколку експерти стигнаа до заклучок дека Саудиска Арабија имала пристап до телефонот на Безос и добиле лични инфорации, изјави Де кекер. – Во овој момент, не е целосно јасно до колкав степен Американ медиа била известена за тоа, ако и воопшто знаела за тоа, изјави консултантот. Тој додаде дека Владата во Ријад сакала да му наштети на Безос уште од октомври 2018 година кога „Вашингтон пост“ (сопственост на Бесоз) почна активно да пишува за убиството на Кашоги, објасни Де Бекер.