Џамал Мареј – Kurir.mk

Џамал Мареј нема да настапи за Канада на СП

Бошко Тасиќ — Wed, 16 Aug 2023 17:45:51 +0000

Џамал Мареј, поради повреда нема да може да настапи за својата земја на светскиот собир. Најдобриот играч на Канаѓаните не успеа да заздраве навремено, па и покрај очекувањата нема да биде дел од тимот. „Кога дојдов во тренинг кампот, сакав да видам како ќе реагира моето тело по тешката и напорна НБА-сезона. Сакав да видам дали сум спосоебен да се натпреварувам на највисоко ниво, какво што ќе биде Светското првенство. По консултација со медицинската екипа, одлучивме дека ми е потребен дополнителен период за потполно заздравување. Мојот сон останува да заиграм со Канада на Олимписките игри“, изјави Мареј. НБА шампионот беше еден од најзаслужните во својот тим во походот кон историскиот успех. Требаше да биде и најсилен адут на Канада на Светското првенство, ама товарот ќе мора да го понесат останатите.

Канада пред Мундобаскетот останува без Мареј

Бошко Тасиќ — Thu, 03 Aug 2023 03:55:44 +0000

Кошаркарот на Денвер, Џамал Мареј, би можел да го пропушти претстојниот Мундијал поради повреда. Ова за Баскетњуз го изјави генералниот директор на Кошаркарскиот сојуз на Канада, Роуан Барет. Мареј минатата сезона со Денвер ја освои титулата во НБА лигата. Во сезоната имаше просек од 20 поени, четири скока и 6,2 асистенции по натпревар. Канадската репрезентација ги започна подготовките за Мундобаскетот, а најдобриот играч на оваа селекција е неизвесен на СП кое од 25 август до 10 септември ќе се одржи во Јапонија, Индонезија и Филипини. Мареј тренираше со соиграчите од канадската репрезентација, а Барет истакна дека лекарскиот тим ќе ја донесе конечната одлука.

Џамал Мареј ја заврши сезоната поради повреда

Бошко Тасиќ — Tue, 13 Apr 2021 17:25:27 +0000

Еден од најдобрите кошаркари на Денвер, Џамал Мареј, ја заврши сезоната поради сериозна повреда. Она од што многумина се плашеа и се оствари, Канаѓанецот ги скина предните лигаменти на коленото. Тоа е една од најсериозните повреди во кошарката, поради што Мареј нема да игра повеќе оваа сезона.

Џамал Мареј испиша историја во НБА

Ивана Ефремовски — Sat, 20 Feb 2021 09:30:54 +0000

Кошаркарите на Денвер триумфираа синоќа на гостински терен против Кливленд со 120:103, предводени од одличниот Џамал Мареј, кој имаше ноќ за паметење во НБА лигата. Канаѓанецот придонесе во триумфот на Денвер со 50 поени, станувајќи прв кошаркар во историјата на Лигата, кој стигнал до таа бројка, со процент на реализација од 80 отсто во обидите за тројки и од линијата за слободни фрлања. Резултати во НБА од ноќта меѓу петокот и сабота: Орландо – Голден Стејт 124:120 Кливленд – Денвер 103:120 Филаделфија – Чикаго 112:105 Бостон – Атланта 121 :109 Мемфис – Детроит 109 :95 Милвоки – Оклахома 98:95 Њу Орлеанс – Феникс 114 :132 Минесота – Торонто 81:86 ЛА Клиперс – Јута 116:112. (МИА)

Јокиќ и Мареј го надмина достигнувањето на Џордан

Ивона Петрова — Wed, 16 Sep 2020 07:33:38 +0000

Кошаркарите на Денвер, Никола Јокиќ и Џамал Мареј го престигнаа легендарниот Мајкл Џордан по број на победи во седми натпревар во плејофот во НБА-лигата. Во својата кариера тие освоија три седми натпревари, додека Џордан има само две такви игри. Денвер се пласираше во финалето на Западот, совладувајќи ги Клиперси со 4-3 во серијата од седум натпревари. Нивни ривал во финалето на Западната конференција, ќе биде ЛА лејкерс.