џамал мусиала – Kurir.mk

Мусијала: Тажен сум што Флик доби отказ од германската репрезентација

Дарко Андоновски — Wed, 27 Sep 2023 12:51:52 +0000

Фудбалерот од средниот ред на Германија, Џамал Мусијала го коментираше отказот на Ханс Флик од функцијата селектор на националниот тим. - Флик ме донесе во Баерн и дебитирав под негово водство. Тој ми веруваше и секогаш можев отворено да разговарам со него. Знае што е потребно за еден млад играч да се чувствува слободен. Му посакувам се најдобро и тажен сум што доби отказ, изјави Мусијала го цитира Баерн и Германија. Дваесетгодишниот фудбалер зборуваше и за Европското првенство во 2024 година кое ќе се одржи во Германија. - Секој играч сонува да игра на Европското првенство во својата земја. Секој играч сака да постигне успех, и за себе и за државата. Мораме повторно да го најдеме нашиот ритам и да си ја вратиме самодовербата, рече Мусијала. Флик ја напушти функцијата селектор на германската репрезентација на 10 септември. На негово место беше назначен Јулијан Нагелсман, со кој беше потпишан договор до 31 јули 2024 година.

Има 19 години и веќе 100 настапи за Баерн (М)

Бошко Тасиќ — Sun, 13 Nov 2022 06:14:28 +0000

Младиот и талентиран фудбалер од средниот ред на Баерн (М), Џамал Мусиала, со само 19 години и 259 дена го собори рекордот на баварците по бројот на одиграни натпревари. Тој стана најмладиот фудбалер од основањето на Бундеслигата кој стигнал до бројката од 100 натпревари за клубот од Минхен во сите натпреварувања. Натпреварот на Баерн против Шалке вечерва од 15. коло од германскиот шампионат беше негов 100-ти во дресот на германскиот великан. Мусиала оваа сезона одигра 14 натпревари во Бундеслигата и постигна 9 гола.

Германскиот репрезентативец вечно ќе го памети голот во Скопје: Стана најмлад германски стрелец во последните 110 години (ВИДЕО)

Дарко Андоновски — Tue, 12 Oct 2021 06:26:49 +0000

Младиот германски тинејџер Џамал Мусиала, фудбалерот на германски Баерн Минхен вечно ќе го памети синоќешното гостување со „панцерите“ во Скопје, зашто постигна гол (четвртиот на мечот) со кој се запиша во историјата на фудбалот во една од најголемите фудбалски земји на светот. Мусиала стана најмладиот германски стрелец во последниов век, зашто даде гол со само 18 години и 227 дена и со тоа е вториот најмлад стралец во историјата, ама прв во последниве 111 години, зашто најмладиот стрелец на Германија во историјата е Мариус Хилер од почетокот на 20-от век.

Jamal Musiala inscrit son premier but avec la Mannschaft, le quatrième de son équipe face à Macédoine du Nord. 📱📺💻 👉 https://t.co/NuYDf8KQts #lequipeFOOT pic.twitter.com/ATWnr7kE2B
— la chaine L'Équipe (@lachainelequipe) October 11, 2021

Хилер на 3 април 1910 година даде гол против Швајцарија со 17 години и 241 ден и оттогаш немало помлад од него, но Мусаила сега се запишува во историјата зашто е најмлад во последните сто години.