Џан Пјеро Гасперини – Kurir.mk

Џан Пјеро Гасперини го продолжи договорот со Аталанта

Бошко Тасиќ — Tue, 30 Nov 2021 21:45:10 +0000

Тренерот на Аталанта Џан Пјеро Гасперини ќе остане во оваа екипа и до 2024 година. Тоа за италијанските медиуми го потврди претседателот на клиубот од Бергамо, Лука Перкаси. „Договор постигнавме летоска. Тој е централна фигура на нашиот проект“, изјави Перкаси. Гасперини доби нов договор до 2024 година со опција да биде продолжен на уште една. Тој успеа да ја трансформира Аталанта од клубот кој се бори за опстанок во редовен учесник во Лигата на шампионите. Со оглед на тоа дека претходниот договор му истекуваше на крајот на сезоната, челниците на Аталанта побрзаа да му понудат нов договор. Тој за пет години ја предводеше Аталанта на 259 натпревари со тоа што впиша 136 победи и 65 ремија.

Гасперини: Можев да бидам побогат во Премиер лигата, но помалку среќен

Ивана Ефремовски — Sun, 07 Nov 2021 11:07:57 +0000

Тренерот на Аталанта, Џан Пјеро Гасперини ја прослави победата број 200 во Серија А, откако неговиот тим вчера го совлада Каљари со 2:1. Гасперини изјави дека е среќен во Бергамо. -Се надевам дека ќе успеам да извојувам уште многу победи, бидејќи не паметам ниту една лесна. Среќен сум во Италија, во Бергамо, начинот на живот е од големо значење. Понекогаш размислувам за Премиер лигата и понудите што ги добивам. Можев да одам во Англија и да бидам побогат, но помалку среќен. Јас не живеам само на теренот, изјави Гасперини. Под негово водство Аталанта бележи одлични резултати последните години и постојано е при врвот на табелата и со изборено учество во евро-куповите. (МИА)

Мурињо, Спалети, Инзаги и Гасперини беа исклучени на неделните натпревари во Серија А

Тале Кристо — Mon, 25 Oct 2021 07:15:52 +0000

Четворица тренери на италијански клубови се исклучени во на средбите од Серија А одиграни во текот на вчерашниот ден. На натпреварот Наполи – Рома (0:0), главниот тренер на гостите, Жозе Мурињо, доби 2 жолти картони за несогласување со одлуките на судијата Давиде Маса. На крајот од натпреварот, тренерот на наполитанците Лучијано Спалети му ракоплескаше на Маса за контролата на играта, но судијата ова го сметаше за манифестација на сарказам и несогласување со неговите одлуки и му покажа на Спалети директен црвен картон. На дуелот меѓу Аталанта и Удинезе (1:1) беше исклучен главниот тренер на домаќините Џан Пјеро Гасперини. Во 91. минута судијата Ливио Маринели му покажа црвен картон, а во 94 минута Удинезе го израмни резултатот. Самиот Гасперини не разбра зошто е отстранет: „Не бев лут на никого и немам поим зошто ме отстранија. Судијата дојде да ме отстрани, не реков ништо, а потоа добив црвен. Никој крај аут-линијата не се пожали за ништо, рече тренерот. На натпреварот Интер – Јувентус (1:1) главниот тренер на миланезите Симоне Инзаги доби црвен картон поради протестирање кон судијата Маурицио Маријани, кој на крајот одреди досуди пенал во корист на Јуве. Ударот од 11 метри Пауло Дибала го претвори во израмнување на резултатот.