Џанлука Виали – Kurir.mk

Фудбалскиот свет повторно завиен во црно: Почина Џанлука Виали

Ристе Здравков — Fri, 06 Jan 2023 10:08:36 +0000

Италијанската фудбалска легенда Џанлука Виали, почина утрово на 58 годишна возраст по тешката битка со ракот. Виали се бореше со рак на панкреасот, и не успеа да ја победи опасната болест. Виали беше дел од националниот тим на Италија на ЕП 2020 кое „аѕурите“ успеаја да го освојат, а лани се повлече од функцијата помошник тренер за да се бори со болеста. Пред Нова година беше хоспитализиран во Лондон, откако му се влоши состојбата. Виали во совјата кариера играше за Кремонезе, Сампдорија, Јувентус и Челси. Беше тренер на Челзи и на Ватфорд. За италијанската репрезентација настапи 59 пати, и постигна 16 голови. Ова е трета смрт во рок од 20 дена во светот на фудбалот. На 16. декември почина Синиша Михајловиќ, а на 29. декември фудбалот остана без бразилската легенда Пеле.

Нови лоши вести од Италија: Влошена здравствената состојба на Џанлука Виали

Ристе Здравков — Tue, 20 Dec 2022 10:21:19 +0000

Во текот на вчерашниот ден беше погребан легендарниот српски стратег, Синиша Михајловиќ кој голем дел од својот живот помина во Италија. Утрово повторно пристигнуваат лоши вести од „Чизмата“. Според информациите на италијанските медими поранешниот репрезентативец на Италија кој го носеше дресот на Сампдорија, Јувентус и Челси, Џанлука Виали е во лоша здравствена состојба. Изминатите години Виали работеше како тренер, а во 2017 година му беше откриен рак на панкреасот и сега состојбата му се влошила. По три години борба Виали ја доби првата битка, меѓутоа ситуацијата сега повторно се искомплицирала и докторите го советувале да се фокусира на новите третмани. Виали ги послуша советите и токму поради тоа се повлече од функцијата која ја имаше во националниот тим на Италија.

💪 A pochi giorni dalla notizia del ritiro dalla Nazionale, l'ansia cresce per Gianluca #Vialli. Il campione cremonese è stato ricoverato in una clinica a Londra pic.twitter.com/sd4KOVdIyu
— RTL 102.5 (@rtl1025) December 20, 2022

„Пандорините документи“ го открија богатството на Манчини и Виали

Ивана Ефремовски — Thu, 07 Oct 2021 17:20:36 +0000

Неодамна објавените „Пандорини документи“ го открија богатството со кое располагаат италијанскиот фудбалски селектор Роберто Манчини и шефот на делегацијата на Азурите на ЕУРО2020 Џанлука Виали. Детали околу тоа објави денеска италијанскиот весник „Л Еспресо“ во своето електронско издание врз основа на податоците од тајната архива откриена во меѓународната новинарска истрага на конзорциумот ICIJ. Манчини во документите е наведен како акционер во „Bastian Asset Holdings“, со седиште во даночната оаза на Британските Девствени Острови, додека Виали е сопственик на друга компанија, „Crewborn Holdings“, исто така, регистрирана на Британските Девствени Острови. Бројни детали излегуваат од „Пандорините документи“ за активностите на двајцата поранешни италијански репрезентативци и соиграчи во шампионската генерација на Сампдорија во 1991 година. Според италијанскиот весник, карипската компанија на Манчини поседувала авион, додека Виали, кој има и британско државјанство, својата фирма ја користел за управување со низа кредити на италијански компании. (МИА)