Џанмарко Поцеко – Kurir.mk

Поцеко: Мечот против Србија ми скрати шест години од животот

Бошко Тасиќ — Sat, 02 Sep 2023 04:24:33 +0000

Селекторот на кошаткаската репрезентација на Италија, Џанмарко Поцеко, направи шоу на прес-конференцијата по триумфот на Србија.

„Дојдов на Филипините, по што зборував за Мани Пакјао (легендарен филипински боксер-н.з.) и неколку пати реков дека сакам да го запознаам. Не очекував навистина да ме покани дома на вечера. Бидете горди на него зашто е одлична личност, вистинска легенда. Игравме шах и јас загубив, а договоривме реванш во рингот. Но, вечерва изгубив шест години од мојот живот, па нема да можам повеќе да се борам“, изјави Поцеко на почетокот.

Поцеко: Сакав да скокнам од 37-ми спрат, но прозорот не се отвори

Бошко Тасиќ — Wed, 30 Aug 2023 04:11:12 +0000

Со селекторот на Италија, Џанмарко Поцеко никогаш не е здодевно. Ако ништо не се случува, секогаш се труди да направи шоу со своите коментари и изјави, и да биде во центарот на вниманието. Се караше со навивачите, добива техничка или две, па како лав во кафез се шета по тунелот, што беше случај на Мундобаскетот, но и на претходните натпреварувања. Редовно има шоу за време на натпреварите, но знае по завршувањето да забави. Италијаните ја добија селекцијата на Филипини во последното коло од групната фаза, и така обезбедија пласман во следната фаза, и таму оди со две победи и еден пораз, од Доминиканската република. По тој пораз Поцеко во шега кажа дека сакал да се фрли од хотелот… „Ги сакам моите играчи. Во хотелот после поразот од Доминикана сакав да скокнам од 37ми спрат, но за среќа прозорите не се отворија. Но, сигурен сум дека некој од Филипинците би ме дочекал да ме спаси. Многу страдав, но имам сјајни играчи. Го сакам и претседателот на сојузот, ме третираше како свој син. Немавме лесна група, и затоа се сака кошарката“, рече Поцеко. Тој рече како неговата селекција ќе игра против Србија. „Против Србија ќе играме нормална кошарка. Играме против голем тим. Малку ќе се одмориме, ќе испиеме некое пиво, и потоа ќе мислиме за Србија“, кажа Поцеко.

Поцеко го објави конечниот список за СП

Бошко Тасиќ — Tue, 15 Aug 2023 04:05:32 +0000

Селекторот на кошаркарската репрезентаија на Италија Џанмарко Поцеко го објавија списокот на играчи на кои ќе сметаат на ова светско кошаркарско шоу. Џиџи Датоме, Марко Спису (Велесија), Стефано Тонут (Милано), Николо Мели (Милано), Симоне Фонтекио (Јута), Џампаоло Ричи (Милано), Матео Спањоло (Алба), Акиле Полонара (Виртус), Мухамет Диуф (Бреоган), Лука Северини (Тортона), Габриеле Просида (Алба), Алесандро Пајола (Виртус). Италијанците на Светското првенство се во група со Доминиканската Република , Филипини и Ангола.

Поцеко ќе остане на селекторската функција

Бошко Тасиќ — Sat, 17 Sep 2022 18:12:50 +0000

Италијанската кошаркарска репрезентација не успеа да се пласира во полуфиналето на Евробаскетот. Во драматичен натпревар, во четврт-финалето, по едно продолжение Италија загуби од Франција. И покрај елиминацијата од Франција, Поцеко доби доверба од челниците на Сојузот, решија со него да ја продолжат борбата за пласманна СП и Олимписките игри. Ова го потврди претседателот на Италијанскиот кошаркарски сојуз Џани Петручи во изјава за „Коријере дело спорт“.

Италија има нов селектор

Бошко Тасиќ — Wed, 01 Jun 2022 15:11:19 +0000

Нов селектор на италијанската кошаркарска репрезентација ќе биде Џанмарко Поцеко, пренесува престижниот кошаркарски портал „Спортандо“. Поцеко ќе потпише договор со Кошаркарскиот сојуз на Италија до 2024 година, а на клупата на „аѕурите“ ќе го наследи Ромео Сакети со кого беше раскинат договорот. Поцеко е асистент на Еторе Месина во Олимпија од Милано, а по завршувањето на сезоната ќе ја преземе италијанската репрезентација. Досега ги водеше Динамо Сасари, Фортитудо, Варезе и Орландо, а беше асистент во Цедевита.