Џанпјеро Гасперини – Kurir.mk

Гасперини: Оваа сезона Аталанта има потешка група во Лигата на шампионите

Дарко Андоновски — Tue, 14 Sep 2021 06:42:06 +0000

Тренерот на Аталанта, Џанпјеро Гасперини ги сподели своите очекувања за групната фаза во Лигата на шампионите пред почетокот на сезоната 2021/22. Италијанскиот тим вечер од 21 часот ќе гостува во Шпанија кај Виљареал. – Знаеме колку е силен Виљареал, особено на домашен терен. Ќе биде важен натпревар за оваа Лига на шампиони. Ние мора да бидеме подготвени. Играме со многу квалитетни тимови, но во Лигата на шампионите се секогаш најдобрите. Ја делиме истата желба за напредок. Имаме многу тешка група, потешка од претходните години. Ќе направиме се што е во наша моќ, истакна Гасперини за „Фудбал Италија“. Аталанта во групата Ф ќе се соочи со Виљареал, Манчестер јунајтед и Јанг Бојс.

Гасперини е еден од кандидатите да го замени Пирло во Јувентус

Ивана Ефремовски — Sun, 23 May 2021 16:47:32 +0000

Јувентус може да го смени главниот тренер по завршување на сезоната. Еден од кандидатите да го замени Андреа Пирло е тренерот на Аталанта, Џанпјеро Гасперини, објави „Calciomercato.it“. Во последното коло од Серија А, Наполи, Милан и Јувентус ќе се борат за Лигата на шампионите. Јуве е надвор од зоната која носи учество во елитното натпреварување, заостанува еден бод зад овие два тима. Исто така, се забележува дека еден од кандидатите за местото тренер на Јувентус е Џенаро Гатузо, кој најверојатно ќе го напушти Наполи на крајот на сезоната 2020/21. (МИА)

Тотенхем го контактира Гасперини

Ивана Ефремовски — Thu, 06 May 2021 11:48:50 +0000

Тренерот на Аталанта, Џанпјеро Гасперини е еден од кандидатите за предводник на Тотенхем. Лондонскиот клуб веќе стапил во контакт со 63-годишниот фудбалски стручњак, пренесува „Sky Sport Deutschland“. Претходно беше објавено дека Тотенхем е во разговори со поранешниот тренер на Челзи и Јувентус, Маурицио Сари. Исто така, клубот беше поврзан со поранешниот тренер на Лајпциг, Ралф Рангник и Ерик Тен Хаг, кој работи за Ајакс и пред неколку дена го обнови договорот со клубот. Тотенхем е шести во поредокот во Премиер лигата. Клубот е во потрага по нов тренер, по отказот на Жозе Мурињо доделен пред дваесетина дена. (МИА)

Гасперини горд што го победи Ливерпул на „Енфилд“

Тале Кристо — Thu, 26 Nov 2020 07:59:01 +0000

Тренерот на Аталанта, Џанпјеро Гасперини по победата над Ливерпул од 2:0 во Лигата на шампионите изјави дека тоа е неверојатно достигнување. – Кога работев во Џенова, тие се сеќаваа како победија тука во 1992 година. Сега успеав да победам на „Енфилд“ со Аталанта. Ова е неверојатно достигнување. Ова е исто така корисно од гледна точка на останување во комбинација за поминување на групната фаза, рече Гасперини. По четири кола во Д-групата од Лигата на шампионите, Ливерпул е прв со девет бода, Ајакс и Аталанта имаат по седум, Митјиланд е без освоен бод.

Гасперини: Ако ни дадоа голови порано, поразот немаше да биде толку болен

Магдалена Андонова — Thu, 13 Aug 2020 07:50:20 +0000

Тренерот на Аталанта, Џанпјеро Гасперини, по поразот од ПСЖ во четвртфиналето на Лигата на шампионите призна дека полесно ќе се прифател резултатот доколку парижаните постигнаа голови порано. – Најмногу жалиме што бевме толку блиски и мислевме дека навистина би можеле да го постигнеме овој извонреден резултат. Се разбира, сè уште има задоволство од начинот на кој ние ја одигравме сезоната во Лигата на шампионите. Постојано подобрување на резултатите во однос на најдобрите тимови во Европа. Можам само да им се заблагодарам на момците за сè што направија оваа сезона. Можевме да загубиме од ПСЖ порано и можеби така ќе беше подобро, затоа што пораз со голови во дополнително време е многу поболен. Дадовме максимум во една многу тешка и заморна серија натпревари, па само можам да им се заблагодарам на моите фудбалери, изјави Гасперини по елиминацијата од ПСЖ. Францускиот тим го израмни резултатот во 90. минута, а ја обезбеди победата во 93. минута. (MИА)

Гасперини: Се чини дека на Аталанта повеќе не и треба тренер

Магдалена Андонова — Thu, 25 Jun 2020 07:52:17 +0000

Тренерот на Аталанта, Џанпјеро Гасперини, ги сподели своите импресии по мечот со Лацио (3:2) од 27. коло на Италијанскиот фудбалски шампионат. Поради дисквалификација, Гасперини средбата ја гледаше од трибините. – Не е забавно да гледате натпревар од трибините, затоа што не можете да направите ништо, дури и да им давате совети на вашите играчи. Не беше лесно, но во исто време и јас сум многу задоволен, бидејќи добив впечаток дека на овој тим повеќе не му треба тренер. Тие точно знаат што да прават. Само треба збор или гест за да го направат она што им е потребно. Оваа Аталанта има зрелост и непоколеблива самодоверба дури и во најтешките ситуации, како вечерва. Добија натпревар по 0:2 против тим како Лацио, постојано одржувајќи ја самодовербата дека ќе има пресврт. Само неколку екипи се способни за тоа, изјави Гасперини. Аталанта е четврта на табелата во Серија А со 54 бода. (МИА)

Целта на Аталанта е да заврши во првите четири и повторно да игра во Лигата на шампионите

Магдалена Андонова — Mon, 22 Jun 2020 12:24:40 +0000

Тренерот на Аталанта, Џанпјеро Гасперини ги кажа амбициите на Аталанта која вчера во натпреварот од 25. коло од Серија А против Сасуоло славеше победа со 4:1. – Имаше неколку прашања во врска со овој меч затоа што беше прв по долг период без фудбал. Но, добро се снаоѓавме, иако не беше лесно против опасната екипа. Овие беа шокантни месеци во Бергамо, откако игравме во Валенсија не знаевме дека пандемијата ќе експлодира како што тоа се случи овде. Останавме во контакт со играчите и дозволивме да тренираат сами. Горди сме што сме водечки во Европа по ефикасност со просечни 2,8 голови на натпревар во Серија А. Во секој случај, треба да се фокусираме на завршницата, да бидеме во првите четири и повторно да влеземе во Лигата на шампионите, бидејќи тоа е нашата цел, изјави Гасперини. Аталанта по 26 кола е на 4. место со 51 бод, шест повеќе од петтопласираната Рома.

Гасперини: Аталанта можеше да постигне повеќе голови

Ивона Петрова — Thu, 20 Feb 2020 09:29:33 +0000

Тренерот на Аталанта, Џанпјеро Гасперини рече дека неговиот тим можеше да постигне поубедлива победа. Аталанта ја совлада Валенсија со 4:1 во првиот натпревар од осминафиналето на Лигата на шампионите. – Ова е извонреден резултат, игравме добро и можевме да постигнеме повеќе голови. Секако, предноста од три гола е многу добра. Требаше да бидеме повнимателни во последните минути. Нивниот погодок би можеле да се избегне. Сакам да постигнеме гол на „Местаља“, не сакам да имам проблеми. Сега е време да славиме, рече Гасперини по дуелот со шпанскиот тим. Реванш натпреварот ќе се игра на 10 март во Валенсија.

Гасперини: Аталанта не може да го освои првенството, освен ако Јувентус не го загуби

Ивона Петрова — Mon, 28 Oct 2019 07:06:34 +0000

Главниот тренер на Аталанта, Џанпјеро Гасперини, по триумфот (7:1) над Удинезе во дуелот од 10. коло од Серија А, даде своја оценка за шансите неговиот тим да ја освои титулата. – Може ли Аталанта да го освои првенството оваа сезона? Дефинитивно не. Освен ако Јувентус не го изгуби. Сепак, тука се и Интер и Наполи, изјави Гасперини. Аталанта е на третото место, зад лидерот Јувентус со заостанување од три бода и зад Интер со два негатива.