џастин тимберлејк – Kurir.mk

Тајна криена со децении: Бритни била бремена, а Џастин не сакал да стане татко – донеле болна одлука

Ивана Ефремовски — Tue, 17 Oct 2023 16:49:21 +0000

Бритни Спирс забременила со Џастин Тимберлејк во 2000 година, но абортирала бидејќи во тоа време „не сакал да биде татко“. Прославената пејачка беше во врска со Џастин од 1999 до 2002 година, а во нејзините претстојни мемоари детално ја опиша својата „болна“ одлука да ја прекине бременоста. Бритни Спирс забременила кон крајот на 2000 година, кога и двајцата имаа по само 19 години. -Тоа беше изненадување, но не беше трагедија за мене. Го сакав Џастин толку многу. Отсекогаш верував дека еден ден ќе имаме семејство заедно. Тоа ќе биде многу побрзо отколку што очекував", пишува таа во извадок од нејзините мемоари „Жена во мене“ објавени од магазинот „Пипл“. „Тој рече дека не сме подготвени за бебе во нашите животи, дека сме премногу млади. Сигурна сум дека луѓето ќе ме мразат поради ова, но јас се согласив да немам бебе. Не знам дали тоа беше правилна одлука. Да беше само до мене, никогаш не би го направил тоа. А сепак, Џастин беше толку сигурен дека не сака да биде татко“, напиша славната пејачка.

Џастин Тимберлејк во новата кампања на „Луј Витон“

Катерина Бојаџиева — Fri, 24 Mar 2023 09:33:34 +0000

Американскиот поп-пејач Џастин Тимберлејк е дел од новата рекламна кампања на „Луј Витон“. Имено, модниот бренд неделава, во соработка со јапонскиот дизајнер Јајои Кусама, ја објави својата колекција „Создавање бесконечност“ (Creating Infinity). Во оваа, како што ја нарекоа, надреалистичка кампања со авангарден стил, Тимберлејк носи сина јакна со точки и - чанта украсена со мотиви на тиква, со потпис на Кусама. Оваа колекција на пазарот ширум светот ќе се појави на 31 март. Линијата вклучува и кожени производи, облека за мажи и жени и парфеми. Покрај 42-годишниот пејач, во рекламите се појавија и други познати лица - глумиците Леа Сиду, Жоу Донгју и Хојеон Јунг.

Овој скандал речиси го уништи нивниот брак, а денес се однесуваат како ништо да не се случило

Ивана Ефремовски — Mon, 18 Jan 2021 14:05:45 +0000

Пејачот Џастин Тимберлејк и актерката Џесика Бил го добија своето второ дете, но очигледно колку што им е голема среќата, толку им се силни и проблемите. Ја криеја и бременоста на актерката само додека да заврши скандалот кој одекна во светот. Тие не се фотографирани заедно во јавноста од март минатата година, а се верува дека цело време престојуваат во нивниот дом во Монтана. На социјалните мрежи споделија само неколку заеднички фотографии. Сè се случи по наводната врска на Џастин со 31-годишната актерка Алиша Вејнрајт, со која беше снимен за време на ноќното излегување во Њу Орлеанс пред осум месеци кога снимаа заедно филм во кој играат љубовници. На фотографиите, тој ја допира актерката за коленото и ја држи за рака, а очевидците изјавија дека тој не носел бурма. Како што изјавија очевидци, тие двајца беа многу блиски иако Џастин е во брак со убавата Џесика. Две недели подоцна, пејачот испрати јавно извинување на својата сопруга преку социјалните мрежи. „Јас избегнувам озборувања колку што можам, но мислам дека е важно за моето семејство да се изјаснам за неодамнешните гласини кои им нанесоа штета на луѓето кои ги сакам. Пред неколку недели направив голема грешка во проценката, но да бидам јасен, меѓу мене и мојата колешка ништо не се случи “, рече тогаш Џастин. Џесика никогаш јавно не ја коментирала ситуацијата, исто како другата жена. Изгледа му е простено на Џастин. Дали бебето е тоа што повторно ги сплоти? Сигурно! Но, денес тие се однесуваат како ништо да не се случило иако скандалот не е заборавен од фановите и антифановите.

Ја криеле бременоста додека трае скандалот: Џастин и Џесика повторно станаа родители

Ивана Ефремовски — Sun, 19 Jul 2020 12:51:17 +0000

Џастин Тимберлејк (39) и Џесика Бил (38) станаа родители по втор пат. Тие добиле втор син, а целата бременост на Џесика беше чувана во тајност. Нивниот прв син Силас има 5 години. Последно нешто со кое го привлекоа вниманието на таблоидите и на јавноста беше скандалот во кој Џастин се држеше за рака со својата колешка Алиша Вејнрајт.

Џастин Тимберлејк: Промените во музичкиот пазар се возбудливи

Ивана Ефремовски — Thu, 16 Apr 2020 09:12:01 +0000

Радикалните промени во музичката индустрија, како што е Интернет-стримингот, се возбудлива можност да „се избруси личното искуство“, смета поп-sвездата Џастин Тимберлејк. Тимберлејк неодамна ја продуцираше филмската музика за цртаниот филм „Тролови: Светска турнеја“, каде што има и своја улога. Филмот првично требаше да се појави во кината месецов, но сега, како што пренесува ДПА – во услови на ограничувања поради коронавирусот, ќе може бесплатно да се гледа на интернет. -Долго сум дел од музичката индустрија и следев како се менува целиот тој пат од каде што започнав. Мислам дека тоа е возбудливо. Она што е одлично за музиката денес, е тоа што може да составите своја плејлиста и таа да трае дури 24 часа… Сметам дека тоа е одлично!, изјави пејачот за агенцијата ДПА. Како што вели, особено е воодушевен од можноста притоа да се открие нешто што луѓето дотогаш не го знаеле… – Нова музика, и тоа – на многу полесен начин, додава тој. Тоа е она што е возбудливо, додава тој. (МИА)

Непознат маж го нападна Џастин Тимберлејк во Париз (ВИДЕО)

Предраг Кукиќ — Thu, 03 Oct 2019 19:49:22 +0000

Заврши месецот на модата, во чии рамки последната недела од септември се случуваше Модната недела во Париз. И овојпат не помина без инциденти. Еден од низата е секако инцидентот што му се случи на славниот пејач Џастин Тимберлејк (38) кој со својата сопруга Џесика Бил (37) пристигнал на ревијата на Луј Витон. На почетокот сè делувало многу идилично, тие двајца се држеле за рака додека папараците биле насекаде околу нив… А, потоа се случил малиот инцидент. Оваа идила, додека позирале пред музејот Лувр ја прекинал еден маж кој го нападнал Џастин. Човекот кој успеал да го помине и обезбедувањето, се фрлил на подот и го зграпчил Џастин за ногата. Обезбедувањето веднаш реагирало така што инцидентот бил решен за само неколку секунди. На прв поглед, очекувано, Џастин бил видно изненаден, но ова не ги вознемирило премногу брачниот пар, па со насмевка продолжиле да чекорат и да позираат на фоторепортерите.

Заводникот беше во врска со сите овие најпосакувани славни жени, но срцето му го скрши таа што најмногу ја сакаше (ГАЛЕРИЈА)

Ивана Ефремовски — Wed, 31 Jan 2018 10:17:26 +0000

Тој е светска музичка ѕвезда и денес полни 37 години. Во брак е со позната актерка. Пред венчавката со неа имаше репутација на човек кој често ги менува жените. Се забавуваше со голем број на убавици, а неговите авантури го доведоа до тоа да има скршено срце. Познатата бунтовничка го скрши овој заводник. Џастин Тимберлејк има освоено шест Греми награди, награда Еми, а кариерата ја започна во група. Пред да ви ја претставиме жената поради која стана маж кој изневерува, ви ги претставуваме неговите славни девојки. Сите од нив се меѓу најпосакуваните жени на светот. Тој беше во врска со Ферги. Се забавуваа во 1996-та година. Со неа имаше врска пред да му се случи онаа кобна љубов. Со Алиша Киз се сакаа во 2002-ра година. По неа влезе во врска со низа славни пејачки. Беше во врска и со Џена Дуван истата година. Во 2002-ра година беше многу расположен за љубов. Тогаш ја освои и Алиша Милано. Не престануваше со една, пред да започне друга врска. Изневеруваше често овој период. Потоа следуваше една долга и сериозна врска. Од 2003-та до 2006-та година беше во врска со актерката Камерон Дијаз. Се зборуваше дека тие ќе се венчаат, но Џастин влезе во брак дури шест години подоцна. И тоа не се неа. Малку беше сам, а потоа се забавуваше со актерката Скарлет Јохансон. Ниту славната Ријана не одолеа на неговиот шарм, па му беше девојка во 2009-та година. Беше во врска и со Линдзи Лохан, Оливија Мун, Оливија Вајлд. Напозната е неговата врска со Бритни Спирс. Му требаше доста време за да ја заборави. Седум години откако ставија крај на љубовта, Џастин ја објави песната „Cry me a river“ во која се зборува за момче изневерено од својата девојка. Дел од песната вели: „Не мораш да ми кажеш поради што го направи тоа, јас веќе знам. Дознав за него“. Сите ја разбраа пораката од неговата песна и многумина истата ја нарекоа конечна освета. Сега е среќно оженет со Џесика Бил. Во 2012-та година, тајно се венчаа во Италија.