Џејден Санчо – Kurir.mk

Ако не успее сега со Санчо, другата сезона Јунајтед ќе се бори за него со Реал и Барса

Магдалена Андонова — Fri, 14 Aug 2020 09:07:10 +0000

Манчестер јунајтед ќе има многу силна конкуренција за Џејден Санчо следното лето, доколку не успеат да го финализираат трансферот на англискиот талент сега. Според „Мирор“, во наддавањето ќе се приклучат и Реал Мадрид и Барселона за една година, а цената во никој случај нема да биде пониска. Борусија тврди дека тие го продолжиле договорот на Санчо до 2023 година, што, во комбинација со зголемениот број на кандидати, може да ја отежни мисијата на „црвените ѓаволи“. Ултиматумот што Борусија му го даде на Јунајтед за трансферот истече во понеделникот. После тоа, од германскиот табор неколку пати изјавија дека Санчо дефинитивно ќе остане во тимот следната сезона. Сепак, медиумите на Островот тврдат дека „црвените ѓаволи“ не се откажале. (MИА)

Сагата со Санчо заврши

Ивана Ефремовски — Mon, 10 Aug 2020 17:09:26 +0000

Заврши сагата за иднината на Џејден Санчо. Тој ќе игра за Борусија (Дортмунд) следната сезона. Спортскиот директор на германскиот клуб, Мајкл Цорк откри дека англискиот талент потпишал нов договор до 2023 година. – Ние планираме со Санчо. Тој ќе игра за нас следната сезона. Одлуката е конечна. Мислам дека тоа ви одговари на сите прашања, рече Цорк. Санчо беше трансфер цел на Манчестер Јунајтед за ова лето. Сепак, двата клуба не се согласија за надоместокот за трансфер. Борусија сакаше 120 милиони евра за него, а „црвените ѓаволи“ не беа подготвени да дадат таква сума. Дортмунд најави дека денес е последниот рок, до кој ќе преговараат. По неговото истекување, трансфер сагата заврши. Санчо со екипата замина во Швајцарија, каде екипата е на камп. – Минатото лето, ја прилагодивме платата на Џејден за да одговара на неговите перформанси. Во овој контекст, тој го продолжи договорот до 2023 година, објасни Цорк. Според англиските медиуми, новиот договор на Санчо е за 190.000 фунти неделно плус бонуси. (МИА)

Сколс смета дека на Јунајтед му е потребен централен напаѓач, а не Санчо

Магдалена Андонова — Fri, 07 Aug 2020 11:36:52 +0000

Легендата на Манчестер Јунајтед и англиската фудбалска репрезентација Пол Сколс го посочи играчот кој Јунајтед треба да го привлече. Според него, на „црвените ѓаволи“ им треба централен напаѓач и најсоодветен е стрелецот на Тотенхем, Хари Кејн. Сколс дури смета дека тој е подобра опција од Џејден Санчо. – Не ме сфаќајте погрешно. Санчо е врвен играч. Тој може да го подигне нивото на кој било клуб во светот. Неговата статистика покажува дека тој е топ-стрелец, тој може да постигне гол од која било позиција. Ние (Јунајтед) имаме три напаѓачи кои се многу слични на Санчо. Можеби ја немаат неговата класа, но имаат голем потенцијал. Хари Кејн ќе биде многу поважен во оваа фаза. На Јунајтед му треба само ваков централен напаѓач – вистинска „деветтка“ и стрелец. Кејн би бил повеќе од тоа, изјави легендата за БТ Спорт. (MИА)