џејдон санчо – Kurir.mk

Јувентус е подготвен да го позајми Санчо во јануари

Ивона Петрова — Sun, 08 Oct 2023 14:34:54 +0000

Играчот од средниот ред на Манчестер јунајтед, Џејдон Санчо може да ја продолжи кариерата во Италија. Според „The Sun“, Јувентус сериозно е заинтересиран за 23-годишниот Англичанец. Торинскиот клуб сака да го изнајми играчот во јануари и да го купи играчот на лето со потпишување на целосен договор. На 14 септември, Манчестер јунајтед објави суспензија на Санчо од тренинзите со главниот тим по конфликтот со тренерот Ерик тен Хаг. Беше објавено дека тренерот е подготвен да го врати играчот во тимот само доколку Санчо му се извини нему и на тимот, но 23-годишниот Англичанец ја одбива оваа опција и покрај барањата на соиграчите.

Мурињо сака во Рома да го доведе Санчо

Бошко Тасиќ — Wed, 27 Sep 2023 04:02:09 +0000

Тренерот на Рома, Жозе Мурињо сака неговиот тим да го ангажира играчот на Манчестер Јунајтед, Џејдон Санчо. Рома сака да го искористи моментот кога Санчо е суспендиран и тргнат од првиот тим на „Црвените ѓаволи“ и да го донесе на „Олимпико“. Санчо го загуби местото во тимот поради несогласувања со Ерик тен Хаг. Сепак, шансите на Рома да го купи крилниот играч се мали, со оглед на неговата цена која ја бара Јунајтед. Тимот од „Олд Трафорд“ за него сака 60 милиони евра, или 30 милиони помалку од оние кои ги даде за негово доведување. Засега Манчестер не се согласува на позајмица, туку само продажба. За Санчо е заинтересирана и Борусија Дортмунд, која сака да го врати играчот, меѓутоа челниците на „милионерите“ не се задоволни од однесувањето на англискиот фудбалер кој неколку пати задоцнил на тренинзите на својот тим, а е наклонет и на видео игри.

Џејдон Санчо останува надвор од првиот тим на Манчестер Јунајтед

Бошко Тасиќ — Fri, 15 Sep 2023 04:04:54 +0000

Ерик Тен Хаг уште еднаш покажа дека нема да трпи недисциплина и јавни критики од фудбалерите. Холанѓанецот е во „војна“ со Џејдон Санчо. Крилниот фудбалер прво беше ставен на посебен режим за тренинзи, поради „недоволно залагање со групата“. Тоа го предизвика Санчо да зборува јавно, меѓутоа на Тен Хаг ниту малку не му се допадна постапката. Сега, Санчо доби санкција од страна на клубот. Имено, тој останува на посебен режим на тренинзи и ќе биде одвоен од првиот тим поради недисциплина. „Џејдон Санчо останува на посебен режим со персонални тренинзи, одвоен од првиот тим. Оваа одлука важи до крајот на процесот кој се води поради негова недисциплина“, стои во соопштението на Јунајтед.

Џејдон Санчо заминува во Саудиска Арабија

Бошко Тасиќ — Thu, 07 Sep 2023 04:07:35 +0000

Клуб од Саудиска Арабија му понудил на Манчестер Јунајтед да го купи Џејдoн Санчо. Англичанецот остана надвор од тимот за дуелот со Арсенал поради незадоволителен настап на тренинзите. Сепак, фудбалерот откри дека имало караница со менаџерот Тен Хаг и тоа е причината за неиграњето. Заминувањето на Санчо е реална опција, иако мала е веројатноста дека Тен Хаг ќе го пушти без претходно да го замени.

Манчестер Јунајтед ќе го продаде Џејдон Санчо

Бошко Тасиќ — Tue, 02 May 2023 04:37:28 +0000

Англискиот фудбалер Џејдон Санчо би можел да го напушти Манчестер Јунајтед во летниот преоден рок и да се врати во Борусија Дортмунд. Клубот од „Олд Трафорд“ го доведе Санчо пред две години за 85 милиони евра токму од германскиот клуб, но тој не се наметна како играч во тимот на „црвените ѓаволи“. Оваа сезона Санчо забележа 34 настапи, дел од нив како играч во првиот тим. Има шест погодоци и асистираше за два гола, но според управата на клубот тоа не е доволно за цената што ја има платено за него. Санчо додека настапуваше во Борусија Дортмунд има постигнато 50 и „намести“ 64 гола на 137 натпревари од 2017 до 2021 година.

Тен Хаг за ситуацијата со Санчо: Фудбалерите не се роботи

Бошко Тасиќ — Fri, 06 Jan 2023 09:11:40 +0000

Стратегот на Манчестер Јунајтед, Ерик Тен Хаг уште еднаш ја коментираше целата ситуација во која се наоѓа Џејдон Санчо, скапоценото засилување на „ѓаволите“ кое се уште се очекува да проработи. Санчо се мачи со психички и физички проблеми, па веќе извесен период работи одвоено по специјален режим наметнат токму од Ерик Тен Хаг кој се уште верува во играчот. Холандскиот стратег истакна дека би сакал да го има Санчо во своите редови, но дека уште не е подготвен да му се стави на располагање. – Фудбалерите не се роботи. Санчо е назад во Керингтон и тоа покажува дека кај него има напредок и е подготвен за следниот чекор. Сакам да го имам Џејдон во тимот што е можно побргу, но не можете да ги форсирате работите, -изјави Тен Хаг.

Тен Хаг ќе има наскоро сериозен проблем: Му го одзема сонот за Мундијалот со тоа што не го стави во игра

Ристе Здравков — Mon, 31 Oct 2022 12:37:04 +0000

Фудбалерот на Манчестер Јунајтед, Џејдон Санчо, се поизвесно е дека ќе го пропушти Светското првенство во Катар, бидејки овој период не игра редовно за „црвените ѓаволи“. Англискиот интернационалец имаше добри подготовки со новиот тренер пред почеток на сезоната, но како одминува истата, Санчо добива се помалку шанса за настап и тоа го фрустрира и скоро сигурно му најавува дека нема да биде дел од тимот на Англија. Против Челси играше малку, а синоќа воопшто и не доби шанса против Вест Хем. Тен Хаг синоќа направи две измени, на местото на Еланга го стави Мектомини и на местото на Ериксенго внесе Фред, така да Санчо повторно извиси за настап. Останува уште краток период и два меча за Јунајтед додека Герет Саутгејт не одлучи кои играчи ќе влезат во составот, а според некои инсајдерски информации на медиумите во Англија, Лук Шо, Маркус Рашфорд и Хари Мегваер, ќе бидат скоро сигурно единстевните имиња од таборот на Јунајтед кои ќе бидат дел од репрезентацијата на Англија на СП. Доколку се случи тоа, не е исклучено Џејдон Санчо со тоа да биде повреден и следното лето да побара да го промени клубот, за да има поголема минутажа во друг клуб.

Санчо: Многу ни значи победата над Ливерпул

Ивона Петрова — Tue, 23 Aug 2022 10:24:59 +0000

Фудбалерите на Манчестер Јунајтед синоќа славеа во големото дерби против Ливерпул со 2:1. Низата лоши резултати клубот од „Олд Трафорд“ ја прекина освојувајќи три бода. Водек=чкиот гол го постигна Џејдон Санчо во 16 минута. -Многу ни значи оваа победа. Во првите две кола не одеше добро и денеска се свртевме. Многу не’ болеше минатата недела, знаевме дека мора да се вратиме вечерва и да им покажеме на навивачите што можеме, изјави Санчо по натпреварот. Додава дека сега одат понатаму и дека следнито натпревар е исто толку важен.

Jунајтед се договори со Борусија за трансфер на Санчо за 85 милиони евра

Ивона Петрова — Thu, 01 Jul 2021 05:42:59 +0000

Фудбалерот за врска на Борусија Дортмунд, Џејдон Санчо, кариерата ќе ја продолжи во Премиер лигата. Германскиот клуб ги договорил условите со Манчестер јунајтед за трансфер на Англичанецот, објави „Билд“. Англичаните ќе му платат на бундеслигашот 85 милиони евра. Земајќи ги предвид бонусите, износот може да порасне до 95 милиони. Санчо ќе добие петгодишен договор. Претходно беше објавено дека тој ќе заработува повеќе од 250 илјади фунти неделно во англискиот клуб.

Санчо на чекор до трансфер во Манчестер Јунјатед

Ивана Ефремовски — Mon, 31 May 2021 17:09:06 +0000

Англискиот прволигаш Манчестер јунајтед е сè поблиску ова лето конечно да го доведе во своите редови крилниот напаѓач на бундеслигашот Борусија Дортмунд, Џејдон Санчо. Британските медиуми јавуваат денеска дека Јунајтед ги договорил сите детали со 21-годишниот напаѓач, но оти сè уште се чека да испрати формална понуда до германскиот клуб. Манчестер Јунјатед долго се обидуваше минатото лето да се засили со Санчо, но крајот се откажа да плати обесштетување од 120 милиони евра. Борусија Дортмунд сега е подготвена да му дозволи на англискиот репрезентативец да го напушти клубот за сума од 90 милиони евра, а Јунајтед се надева дека би можел дополнително да ја спушти бараната цена. Санчо го облече дресот на Борусија во летото 2017 година, преминувајќи од младинскиот состав на Манчестер сити за осум милиони евра. Неговиот договор со бундеслигашот истекува во јули 2023 година. (МИА)