џејкоб вајли – Kurir.mk

Вајли: Сакаме и можеме да ја победиме Грузија

Бошко Тасиќ — Tue, 22 Feb 2022 13:52:10 +0000

Машката кошаркарска репрезентација на Македонија ќе патува за Тбилиси каде што за два дена ја очекува дуел против Грузија во рамките на третото коло во квалификациите за Мундобаскетот. Пред патувањето, своите очекувања кратко ги изнесе еден од најдобрите во тимот, Џејкоб Вајли. „Верувам во групата и покрај многуте повреди кои ни го попречија патот. Имаме силен и отпорен тим. Нема да биде лесно, па мора да бидеме најдобри. Сакаме и мислам дека можеме со многу борба да ги добиеме двата натпревари со Грузија“, изјави Вајли. Првата пресметка меѓу Грузија и Македонија ќе се одигра во „Тбилиси спортс палас“ в четврток од 16:00 часот, додека в недела се игра возвратниот дуел во Скопје. foto:gol.mk

Македонскиот репрезентативец Вајли потпиша за Реал Бетис

Бошко Тасиќ — Tue, 01 Feb 2022 21:18:19 +0000

Кошаркаскиот клуб Бетис го промовираше Џејкоб Вајли за нов кошаркар на екипата. Македонскиот кошаркар со американски пасош рече дека е возбуден што се враќа во Шпанија, откако играше за Сарагоса во 2019 година. „Многу сум возбуден што доаѓам овде, тоа е голем клуб и има многу таленти во тимот. Мојата улога е да ја ставам целата моја енергија и да бидам продуктивен за екипата“, објасни Вајли. Во минатото играше за Лудвигсбург, Аделаида, Панатинаикос, Сарагоса, а последен клуб му беше Будуќност за кој играше до декември. Црногорскиот клуб потоа го суспендираше поради тоа што не се вратил во Подгорица по настапите за македонската репрезентација.

Будуќност го суспендираше македонскиот репрезентативец

Бошко Тасиќ — Sat, 04 Dec 2021 14:16:36 +0000

Македонскиот кошаркарски репрезентативец, Џејкоб Вајли, е суспендиран од црногорскиот клуб Будуќност, а како што велат од тимот, причина за отсуството на тренинг била семеен проблем.

Агентот на играчот го извести клубот дека причината за заминувањето на Вајли е решавање на личен проблем. Клубот го суспендираше Американецот и јавноста ќе биде навремено информирана за понатамошните чекори, истакнаа од тимот на Будуќност.

Сето ова се случува неколку дена по настапот на Вајли за Македонија во квалификациите за Светското првенство во 2023 година.

Македонскиот репрезентативец Вајли: Ме пречекаа со раширени раце

Бошко Тасиќ — Sat, 06 Mar 2021 07:34:07 +0000

Македонскиот кошаркарски репрезентативец Џекоб Вајли беше претставен како нов играч на Касадемонт Сарагоса во Шпанија. Американецот со македонски пасош во интервјуто дадено за официјалниот сајт на новиот тим истакна дека е задоволен од приемот што го имал во новата средина и првиот меч кој го очекува, е против Хувентуд за кој настапува репрезентативниот колега Ненад Димитријевиќ. - Сите ме пречекаа со раширени раце. Благодарност до соиграчите и стручниот штаб што ми го олеснија создавањето на многу позната атмосфера во која адаптацијата беше многу полесна, потенцираше македонскиот репрезентативец.

Џејкоб Вајли официјално нов кошаркар на Сарагоса

Бошко Тасиќ — Fri, 26 Feb 2021 20:13:36 +0000

Натурализираниот кошаркар кој настапува за македонската репрезентација Џејкоб Вајли и офивијално е нов член на шпанската Сарагоза. По одличните настапи на квалификацискиот турнир во Перм за нашата селекција, американскиот интернационалец ја замени Гран Канарија и ќе игра до крајот на сезоната како позајмен кошаркар во Сарагоса. На 18 меча за Гран Канарија, Вајли постигна во просек од 10,2 поени и имаше 4,6 скока.

Македонскиот репрезентативец премина од Гран Канарија во Сарагоса

Ивана Ефремовски — Wed, 24 Feb 2021 15:53:47 +0000

Македонскиот кошаркарски репрезентативец Џејкоб Вајли е нов член на шпанскиот прволигаш и учесник во ФИБА Лигата на шампиони, Сарагоса. -Точно е, го менувам клубот, но не ја менувам земјата. Продолжувам во најсилната лига во Европа. Но како играч на Сарагоса. Со мојата менаџерска агенција одлучивме дека во овој момент тоа е најдобриот потег. Да ја променам играчката средина, потврди Вајли во изјава за официјалниот сајт на Македонската кошаркарска федерација. Трансферот на натурализираниот Американец со македонски пасош од Гран Канарија во Сарагоса доаѓа по неговиот настап со „црвено-жолтите“ на завршниот евроквалификациски турнир во Перм, на кој Вајли имаше одлични настапи со просечни 16. поени, 7.5 скокови и 1.3 асистенции по натпревар. -Останува жал што не успеавме на тој последен натпревар да победиме со потребната разлика. Но ова беше големо, не… огромно искуство за мене кое досега го немав почувствувано во мојата кариера. Многу ми значат овие четири средби, бидејќи како што сте добро запознати, имав пауза од скоро два месеци. Овие мечеви во Перм беа своевиден ’ресет‘ во оваа сезона која ја продолжувам во Сарагоса. Видов дека следните мечеви со националниот тим се веќе во август. Ќе бидам максимално подготвен за тој нов предизвик, најави Вајли. (МИА)

Вајли : Мечот го добивме во одбраната

Бошко Тасиќ — Sun, 21 Feb 2021 15:33:38 +0000

Македонската машка кошаркарска репрезентација се надева на пласман на Европското првенство по дешениот триумф над Италија со 87-78, со што „црвено-жолтите“ стигнаа до првата победа во овие квалификации во Перм. Еден од подобрите кошаркари во нашиот состав е натурализираниот Македонец, Џејкоб Вајли кој овој натпревар го заврши со 13 поени и 7 скока, од кои четири во нападот.

„Одличен одговор во однос на претходниот меч со Италија и двата пораза во Перм. Противникот има одлични шутери, одличен тренер, ги знаевме тие работи, но се вративме во второто полувреме, подобро комунициравме меѓу себе, стегнавме во одбраната и тоа донесе резултат. Македонија има прекрасна група кошаркари кои сакаат да играат заедно и врвен стручен штаб кој одлично ни ги подготвува натпреварите. Сите добро знаеме што треба да правиме на теренот. Не е важно што немавме многу време заедно да тренираме, секој го прави она што му е задача и тоа придонесува за подобрување на атмосферата“ – изјави по мечот Вајли

Џејкоб Вајли: Се боревме машки во текот на целиот меч

Бошко Тасиќ — Thu, 18 Feb 2021 19:09:36 +0000

Еден од најдобрите кошаркари на нашата машка репрезентација против Италијанеците беше Џејкоб Вајли кој во првиот меч во нашата селекција постигна 17 поени , 6 скокови, 1 асистенција и 2 блокади. Американецот со македонски пасош е горд на како овој меч го одигравме, но воедно посочи каде треба да се поправиме за да славиме на следните закажани битки во Русија. –Се боревме жестоко во текот на целиот натпревар. Имавме неколку фантастични серии, но и падови во играта. Сепак, горд сум на тоа како се однесувавме во дуел со еден голем ривал, имаме уште три натпревари и мораме што побрзо да се насочиме кон нив . Секогаш кога ќе се промашат слободни фрлања е лошо за тимот. Но, мислам дека денеска имавме малку поголеми проблеми, особено во одбраната каде дозволивме неколку лесни поени од транзиција и од отворени позиции за тројка и на нив треба да насочиме повеќе внимание во иднина, –истакна Вајли. Следната средба ја играме утре и тоа против домаќинот Русија.