Џејлен Браун – Kurir.mk

Браун потпиша неверојатен договор од 304 милиони долари

Бошко Тасиќ — Wed, 26 Jul 2023 04:19:54 +0000

Никола Јокиќ го нема веќе најбогатиот договор во НБА. Од престолот Србинот е симнат и тоа од Џејлен Браун, кошаркарот на Бостон, кој го продолжи договорот со Селтикси на пет години и тоа за неверојатни 304 милиони долари или по 30,8 милиони долари по сезони и тоа нето, што е за 5 милиони повеќе од оној на Јокиќ. Овој договор стапува на сила од сезоната 2024/25. Во договорот стои дека оваа сума Браун ќе ја добие гарантирано. А може да добие плус одредени бонуси според договорот во зависност од условите.

Браун нов рекордер во Селтикс

Дарко Андоновски — Thu, 21 Oct 2021 07:13:59 +0000

Кошаркарот на Бостон селтик, Џејлен Браун постигна 46 поени во почетниот натпревар на регуларниот дел од НБА сезоната против Њујорк. Браун го обнови својот личен рекорд во ефикасност, како и рекордот на клубот за постигнати поени во воведниот натпревар во сезоната. Претходното достигнување беше воспоставено од Боб Кузи со 35 поени во 1956 година, подоцна повторено од Пол Пирс во 2004. Браун реализираше 16 од 30 удари од поле за 46 минути, вклучувајќи 8 од 14 за три поени. Забележа и девет скока, шест асистенции и три украдени топки. Сепак, на крајот победата им припадна на кошаркарите на Њујорк со 138:134 по две продолженија.

Крај на сезоната за Џејлен Браун

Бошко Тасиќ — Tue, 11 May 2021 19:11:14 +0000

Еден од најважните играчи на Бостон СелтиксЏејлен Браун ја заврши сезоната,откако го повреди зглобот на левата рака. Браун во тековната сезона има просек од 24,7 поени, шест скока и 3,4 асистенции. Оваа сезона е најдобра во енговата кариера. Селтикс го избраа Браун во 2016 година како трет пик на драфтот.Во финишот на регуларниот дел од сезоната, Селтикс се седми на истокот со 35 победи и 33 порази и веројатно ќе мора да играат плеј-ин за пласман во разигрувањето.

НБА: Клупски рекорд Џејлен Браун во Бостон

Тале Кристо — Fri, 16 Apr 2021 06:46:45 +0000

Кошаркарот на Бостон, Џејлен Браун стана првиот играч во историјата на Селтикс кој постигнал 40 поени на натпревар со стапка на реализација од 85 проценти или повеќе. Тој ноќеска во победата над Лос Анџелес лејкерс (121:113) реализира 40 поени погодувајќи 17 од 20 удари од поле. Браун одигра 32 минути и покрај 40 поени, забележа девет скока и три асистенции. За Бостон ова беше петта победа во низа или вкупно 30 по 56 одиграни натпревари во регуларниот дел од НБА-лигата за 4. место во Источната конференција. ЛА лејкерс се петти на Запад со ефект 34 победи и 22 пораза.

ВИДЕО: Браун постави рекорд во НБА

Ивона Петрова — Mon, 25 Jan 2021 07:38:34 +0000

Кошаркарот на Бостон, Џејлен Браун ноќеска постави рекорд во НБА лигата. Тој на дуелот со Кливленд (141:103) за 19 минути и 14 секунди постигна 33 поени. Според официјалниот Твитер на најсилната лига на светот, 24-годишниот Американец го има најдобриот резултат за 20 минути од сезоната 1954/55, кога беше воведена дигиталниот временска бројач. Браун беше најефикасен играч на натпреварот на кој придодаде уште три скока и една асистенција. По оваа победа, Бостон се искачи на третото место во Источната конференција со досегашен биланс од девет победи и шест порази.

Jaylen Brown scores the MOST POINTS in under 20 minutes played during the shot clock era (1954-55)! ☘️ @FCHWPO: 33 PTS in 19 minutes played ☘️ pic.twitter.com/zPdiEbxPvJ
— NBA (@NBA) January 25, 2021