Џејмс Корден – Kurir.mk

Време е да одам дома: Џејмс Корден го завршува своето шоу, урнебесно последно возење со Адел (ВИДЕО)

Ивона Петрова — Tue, 25 Apr 2023 07:24:43 +0000

По осум сезони доаѓа крај на познатото шоу „The Late Late Show with James Corden“. Во последната епизода, пејачката Адел која е добра пријателка со Џејмс Корден, доаѓа во неговиот дом за да го разбуди и таа да го однесе до работа за последното шоу. Адел го прашува Џејмс за неговите спомени како домаќин на шоуто, Carpool Karaoke и значењето на неговото завршување. И двајцата се емотивни размислувајќи за нивното пријателство и времето кога биле таму еден за друг. -Ќе ми недостасува се'. Потценив колку многу пријателства создадов со шоуто. Ќе ми недостасува сето тоа. Но, време е да се посветам на семејството, со оглед на годините кои доѓаат и возраста на некои членови на семејството, време е да одам дома, истакна Џејмс.

Исфрлен од популарен ресторан: Овој водител е „најлошиот гостин“ во историјата- еве што направил

Катерина Бојаџиева — Tue, 18 Oct 2022 07:08:16 +0000

Телевизискиот водител Џејмс Корден (44) бил исфрлен од популарниот ресторан „Балтазар“ во Њујорк, објави Кит Мекнали, сопственикот на гостилницата. Тој за популарниот Британец, кој неколку години работи во САД, рече дека всушност бил најнеподносливиот гостин во 25-годишната историја на таа гостилница. „Џејмс Корден е многу талентиран комичар, но е мало кретенско човече. И тој е гостинот кој најмногу ги навредувал моите вработени во ‘Балтазар’ откако ресторанот беше отворен пред 25 години. Ретко исфрлам гостин, но денес го избркав Корден и тоа не е воопшто смешно… Слично се однесуваше пред неколку години и во мојот друг ресторан, ‘Кафе Луксембург’,“ вели Мекнали во објавата на Инстаграм. Угостителот натаму во ситници раскажува како водителот-комичар ги понижувал келнерите и готвачите во рестораните.

Џејмс Корден повторно домаќин на доделувањето на Тони наградите

Ивана Ефремовски — Thu, 21 Mar 2019 11:37:26 +0000

Британсиот глумец и комичар Џејмс Корден, водител на популарното американско „Лејт лејт шоу“ соопшти дека вторпат ќе биде домаќин на доделувањето на наградите Тони, што ќе се одржи во Њујорк.

-Бродвејската заедница ми е драга на срцето и бескрајно сум горд што ќе бидам дел од оваа посебна ноќ, изјави Корден. Тони театарските награди во 2016 година, кога исто така, беше домаќин, ги засени масовниот масакр во геј-клуб во Орландо, па уметникот тогаш говореше за разноликоста на Бродвеј, истакнувајќи дека „театарот е место каде што припадници на сите раси, вери и сексуални ориентации се еднакви и сакани“, и дека „омразата никогаш нема да победи”. Корден и самиот е добитник на Тони за најдобар глумец за претставата „Еден слуга, двајца господари“ во 2012 година. Номинациите ќе бидат објавени на 30 април, а тричасовната свеченост ќе се одржи на 10 јуни во њујоршката сала „Рејдио сити мјузик хол“. (МИА)