џејмс милнер – Kurir.mk

Ливерпул ќе игра без Милнер против Тотенхем

Магдалена Андонова — Fri, 04 Nov 2022 13:54:11 +0000

Тренерот на Ливерпул, Јирген Клоп, потврди денеска дека Џејмс Милнер нема да биде во составот за неделното дерби во Премиер лигата против Тотенхем поради протоколот за потрес на мозокот. Милнер овој викенд требаше да го одигра 600. натпревар во Премиер лигата, но ќе го пропушти јубилејот, откако кон средината на оваа недела доби удар во главата и беше подложен на задолжителниот протокол за потрес на мозокот. -Тој е добро, но мора да мине низ различни фази на протоколот. Ќе биде на располагање за тренинг без контакт в понеделник, а потоа за полн тренинг во вторник, најави Клоп на прес – конференција пред натпреварот против Тотенхем во рамки на 15. премиерлигашко коло. Ливерпул во моментов е на деветтото место на табелата со 16 бодови, додека Тотенхем е третопласиран со десет бодови повеќе. (МИА)

Милнер го продолжи договорот со Ливерпул

Магдалена Андонова — Mon, 06 Jun 2022 16:23:38 +0000

Играчот за врска Џејмс Милнер договори продолжување на соработката со Ливерпул за уште една сезона, јавија денеска британските медиуми, додавајќи оти 36-годишниот фудбалер се согласил на значително намалување на платата за да остане на „Енфилд Роуд“. Според истите извори, Милнер одбил две финансиски подобри понуди од премиерлигашки клубови и една од клуб од американската МЛС лига. Милнер имаше активен договор до 30 јуни по што можеше да замине во друг клуб без обесштетување, но тренерот Јирген Клоп во разговор со него и клупското раководство истакнал дека Милнер е клучен за успесите на Ливерпул. Милнер дебитираше во Премиер лигата во 2002 година во дресот на Лидс на 16-годипна возраст, а за Ливерпул настапува од 2015 година. (МИА)

Милнер се искачи на петтото место по бројот на одиграни премиерлигашки натпревари

Магдалена Андонова — Thu, 09 Jul 2020 07:07:59 +0000

Фудбалерот од средниот ред на Ливерпул, Џејмс Милнер, играше на 34. коло од шампионатот на Англија синоќа против Брајтон. Неговиот тим победи со 3:1, а за него овој натпревар беше 536-ти во Премиер лигата. Според „Опта“, Милнер се искачи на 5. место по бројот на одиграни натпревари во историјата на Премиер лигата, поминувајќи го Гери Спид кој остана на 535 средби. Пред Милнер се Герет Бери со 653, Рајан Гигс со 632, Франк Лампард со 609 и Дејвид Џејмес со 572 натпревара. (МИА)

Милнер: Нема лесни натпревари во Лигата на шампионите

Ивона Петрова — Wed, 06 Nov 2019 07:17:27 +0000

Фудбалерот од средниот ред на Ливерпул, Џејмс Милнер, по победата (2:1) над Генк на натпреварот од 4. коло од Лигата на шампионите рече дека е задоволен од резултатот, иако некои очекуваа поубедлив триумф. – Момците се потрудија, држеа високо темпо. Можевме да победиме повеќе, но мора да му оддадеме почит на противникот. Дејствуваа одлично, па јас сум среќен со резултатот. Нема едноставни натпревари во Лигата на шампионите. Останува на нас да го завршиме она што го започнавме. Ги имаме сите шанси да ја поминеме групата, изјави Милнер. Ливерпул по четири кола во Е-групата е лидер со 9 бода, Наполи има 8, Салцбург 4, Генк 1.

Милнер има намера да го обнови договорот со Ливерпул

Ивона Петрова — Tue, 29 Oct 2019 09:54:26 +0000

Играчот од средниот ред на Ливерпул, Џејмс Милнер изјави дека е заинтересиран за нов договор со актуелниот европски шампион. Сегашниот договор важи до летото 2020 година. – Мојот договор со Ливерпул истекува на крајот на сезоната, се надевам дека ќе се договориме. Сакам да играм на високо ниво што е можно подолго. Сè уште се чувствувам многу добро, вели Милнер во изјава за „Гардијан“. Триесет и тригодишниот Англичанец во тековната сезона постигна два гола и забележа три асистенции на 13 натпревари. Неговата вредност на фудбалскиот пазар се проценува на 15 милиони евра.

Салах одби да земе награда и ја даде на свој соиграч

Ивана Ефремовски — Sun, 09 Dec 2018 09:17:00 +0000

Мохамед Салах уште еднаш ја потврди својата позиција како фаворит на навивачите на Ливерпул. Египетскиот репрезентативец постигна „хет-трик“ при победата против Борнемут и беше избран за играч на натпреварот. По дуелот сепак тој одби да ја земе наградата и ја даде на својот соиграч Џејмс Милнер. Салах изјави дека халфот на Ливерпул го запишал својот натпревар бр.500 во Премиер лигата на Англија и не може да ја земе наградата. – Не, јас не можам да ја земам наградата. Тој забележа 500 натпревари во Англија. Треба да му честитам за феноменалната кариера која ја има. Тој ја заслужува наградата денес. Се надевам дека ќе освоиме нешто оваа сезона заедно и нема да ја земам наградата, изјави Салах.

Многумина уште не веруваат дека овој гол беше прогласен за најдобар: Соиграчот на Салах со уренбесен коментар ја „пецна“ ФИФА (ВИДЕО)

Матеја Петровски — Tue, 25 Sep 2018 07:13:02 +0000

Многумина останаа во шок кога видоа кој гол ја наградата Ференц Пушкаш, за најдобар гол во текот на минатата сезона. Голот на Мохамед Салах од Ливерпул против Евертон беше прогласен за најдобар. А фановите коментираат дека самиот Салах има можеби најмалку 10 голови поубави од прогласениот. Со урнебесен коментар на Твитер искочи и соиграчот на Салах од Ливерпул, Џејмс Милнер. Честитам Мохамед Салах за твојот седми најдобар гол од мината сезоната, победнички гол на годината.

Congrats @MoSalah on your 7th best goal from last season winning goal of the year ? #Baller #Topbin #oneofmanyworldies https://t.co/OkNMlIsNLb
— James Milner (@JamesMilner) September 24, 2018

Погледнете го голот на Салах кој беше прогласен за најдобар:

Милнер постави рекорд во Премиер лигата

Ивона Петрова — Tue, 21 Aug 2018 09:46:36 +0000

Фудбалерот од средниот ред на Ливерпул, Џејмс Милнер кој го постигна водечкиот гол на синоќешниот натпревар со Кристал Палас, постави рекорд по број на погодени пенали во Англиското фудбалско првенство. 32-годишниот Милнер е првиот во историјата на Премиер лигата со реализирани осум голови по ред. Вкупно Милнер има постигнато 16 погодоци вна 134 натпревари во „црвениот“ дрес.

Милнер нов рекордер по број на асистенции во ЛШ

Дарко Андоновски — Wed, 25 Apr 2018 08:16:28 +0000

Фудбалерот на Ливерпул, Џејмс Милнер стана рекордер по бројот на асистенциите во Лигата на шампионите. Милнер синоќа во триумфот над Рома ја оствари деветтата асистенција оваа сезона и изби на првото место на вечната листа. До ова достигнување доаѓа по точно 701 минута одиграни најсилното клупско континентално натпреварување. На делба на втората позиција со по осум асистенции во една сезона се Вејн Руни како играч на Манчестер Јунајтед (сезоната 2013/14) и Нејмар кога настапуваше за Барселона (2016/17).