Арсенал во трка по Џејмс Родригез

Ивона Петрова — Wed, 01 Apr 2020 09:42:14 +0000

Премиерлигашот Арсенал е заинтересиран за играчот од средниот ред на Реал Мадрид, Џејмс Родригез. Според британските медиуми „топџиите“ сакаат да го добијат 28-годишниот играч во текот на летото. Претходно уште три клуба од шампионатот на Англија, пројавија интерес за Колумбиецот. Тоа се: Манчестер сити, Евертон и Вулверхемптон. Родригез има еден гол и две асистенции на 13 натпревари за Реал Мадрид во сезоната 2019/20. Порталот „Transfermarkt.com“ ја проценува вредноста на Колумбиецот на 40 милиони евра.

Ултиматум од Родригез до управата на Баерн: Или Ковач или јас

Предраг Кукиќ — Wed, 31 Oct 2018 13:20:39 +0000

Колумбискиот фудбалер Џејмс Родригез постави ултиматум за Баерн Минхен во кој се бара да одлучи меѓу него и тренерот Нико Ковач. Германски „Билд“ пишува дека Родригез е незадоволен од третманот и минутажата што ја добива од хрватскиот експерт, а имало и вербална расправија и затоа размислувал за заминување од Минхен. Родригез ја одработува втората сезона во Баерн како позајмен играч од Реал. Според договорот, германскиот гигант може да го купи за 35 милиони евра, но тешко е дека ќе се оствари трансферот. Постои можност Родригез да го напушти Баерн во зима и да замине во Јувентус или во некој премиерлигаш од Англија. Колумбиецот во текот на кариерата настапуваше и за Порто, Монако, Банфилд и Енвигадо. (МИА)

џејмс родригез – Kurir.mk

Арсенал во трка по Џејмс Родригез

Ултиматум од Родригез до управата на Баерн: Или Ковач или јас