„Џејмс Веб“ – Kurir.mk

Фасцинантна глетка: Џејмс Веб успеа да сними детална слика од регионот на маглината Тарантула (ФОТО+ВИДЕО)

Магдалена Андонова — Wed, 07 Sep 2022 08:54:42 +0000

Телескопот Џејмс Веб на НАСА успеа детално да го сними најстарото ѕвездено јато во регионот на маглината Тарантула, дел од галаксијата Големиот Магеланов Облак, која е оддалечена 160.000 светлосни години од Земјата, откривајќи нови карактеристики кои ги продлабочуваат претходните научни сознанија. објави во вторник. Ѕвезденото јато во маглината Тарантула, официјално наречено 30 Doradus, долго време е омилено подрачје за астрономите заинтересирани за формирање на ѕвезди.

Two space telescopes, twice the star power.
This #TransformationalTuesday, watch as @NASAHubble’s view of the Tarantula Nebula fades into Webb’s NIRCam, then MIRI instrument views. Hubble and Webb will work together to showcase the universe across multiple wavelengths of light. pic.twitter.com/GDIRSWWFQV — NASA Webb Telescope (@NASAWebb) September 6, 2022

Благодарение на инфрацрвените инструменти на Веб со висока резолуција, за прв пат се видливи илјадници млади ѕвезди, далечни галаксии во позадина и деталната структура на гасот и прашината на маглината, објави НАСА. Џејмс Веб е револуционерен вселенски телескоп вреден 9 милијарди долари кој работи во инфрацрвениот спектар бидејќи светлината од објектите во далечната вселена се проширила до таа бранова должина за време на проширувањето на универзумот. Стопут е почувствителен од телескопот Хабл и го користи за набљудување на пространоста на просторот во инфрацрвениот спектар, што му овозможува да навлезе во облаците од гас и прашина во регионите каде што се раѓаат ѕвездите. Примарната инфрацрвена камера на телескопот, NIRCam, откри дека шуплината во центарот на маглината е издлабена од зрачењето што го носат ѕвездените ветрови што произлегуваат од јатото млади ѕвезди, видливи како бледо сини точки. Инфрацрвениот спектрограф Webb (NIRSpec), кој ги анализира светлосните обрасци за да го одреди составот на објектите, успеа да „фати“ млада ѕвезда додека распрснува облак од прашина околу неа. Претходно, научниците веруваа дека истата ѕвезда е во подоцнежна фаза на формирање, но прецизен спектрограф го покажа спротивното. Областа беше снимена и со помош на средноинфрацрвениот инструмент (MIRI), кој користи подолги бранови должини на инфрацрвено зрачење за да навлезе во зрната прашина што апсорбира или расејува пократки бранови должини. Сликите им открија на експертите поладни региони, откривајќи до сега невидени светлосни точки во ѕвезденото јато кои упатуваат на ѕвезди во зародиш, или протоѕвезди, кои сè уште добиваат маса. Интересот на астрономите за маглината Тарантула произлегува од нејзиниот хемиски состав сличен на оној на огромните региони каде што ѕвездите се формирале неколку милијарди години по Големата експлозија. Астрономите се уверени дека Веб, најмоќниот вселенски телескоп изграден до денес и оперативен од јули, ќе најави нова ера на откритија.

Историски момент: Вселенскиот телескоп „Џејмс Веб“ за прв пат направи директна слика од планета надвор од нашиот Сончев систем! (ФОТО)

Ристе Здравков — Sat, 03 Sep 2022 15:15:38 +0000

Историски момент: Вселенскиот телескоп „Џејмс Веб“ за прв пат направи директна слика од планета надвор од нашиот Сончев систем! (ФОТО) Вселенскиот телескоп „Џејмс Веб“ успешно ја направи првата директна слика на планета која орбитира околу ѕвезда надвор од нашиот Сончев систем, соопшти НАСА. - Користејќи го вселенскиот телескоп Џејмс Веб на НАСА, астрономите ја направија првата директна слика на планета надвор од нашиот Сончев систем. Таа егзопланета е гасен џин, што значи дека нема карпеста површина и не може да се населува - се наведува во соопштението, пренесе „Спутник“. Големата егзопланета го добила името „HIP 65426 b“ и има шест до дванаесет пати поголема маса од Јупитер, додава НАСА.

Baby’s first exoplanet capture. 🍼 @NASAWebb took its first direct image of a planet outside of our solar system, roughly six to 12 times the mass of Jupiter.

Peek into future possibilities of studying distant worlds with Webb: https://t.co/4KXMppk66y pic.twitter.com/scShr42E87
— NASA (@NASA) September 1, 2022

Како што е наведено, астрономите ја откриле оваа планета во 2017 година со помош на инструменти на Европската вселенска опсерваторија во Чиле и фотографирале користејќи ултракратки светлосни бранови. - Погледот на „Веб“ над подолгите инфрацрвени бранови открива нови детали што телескопите на Земјата не можат да ги детектираат - забележува НАСА. Телескопот „Џејмс Веб“ е поставен во орбитата околу Сонцето на оддалеченост од 1,5 милиони километри од Земјата.

Невидено откритие: Џејмс Веб штотуку откри јаглерод диоксид во свет надвор од Сончевиот систем

Магдалена Андонова — Fri, 26 Aug 2022 13:03:00 +0000

Телескопот Џејмс Веб на НАСА недвосмислено откри присуство на јаглерод диоксид на далечна егзопланета надвор од Сончевиот систем. „Тоа е првиот јасен, детален и непобитен доказ“, соопшти Европската вселенска агенција. Станува збор за масивен гасен џин, оддалечен околу 700 светлосни години од нас, кој првпат беше откриен во 2011 година и го доби името WASP-39b. Сепак, дури сега супериорниот телескоп на НАСА можеше да ја испита планетата. Се смета дека WASP-39b е масивен колку Сатурн, но неговиот дијаметар е околу 33 проценти поголем од оној на Јупитер, што значи дека не е многу густ. Планетата е „жешко поле“ во вистинска смисла на зборот, бидејќи на неа е измерена температура од 900 степени Целзиусови, што е резултат на нејзината блиска орбита околу ѕвездата домаќин. Врз основа на начинот на кој егзопланетите орбитираат околу нивните ѕвезди домаќини, односно додека минуваат пред или низ нив, телескопот ја снима разликата во брановите должини на светлината блокирана од планетата. Навистина, „Џејмс Веб“ им овозможува на научниците да го дешифрираат хемискиот состав на далечните светови. Притоа, тие недвосмислено го потврдија присуството на јаглерод диоксид на WASP-39b. - Во моментот кога податоците се појавија на мојот екран, огромната карактеристика на јаглерод диоксид ме фати, рече планетарниот научник Зафар Рустамкулов од Универзитетот Џон Хопкинс. „Тоа беше посебен момент, преминувањето на важен праг во науката за егзопланетите“, додаде тој. Јаглерод диоксидот го сочинува најголемиот дел од атмосферите на Венера и Марс, но ова е првпат научниците да го забележат неговото присуство во атмосферата на егзопланета. - Со мерење на карактеристиките на јаглерод диоксидот, можеме да дефинираме колку цврсти во споредба со гасовити материјали ја сочинуваат оваа планета, рече научникот Мајк Лајн од Универзитетот во Аризона. Исто така, ова откритие укажува на способностите на „Џејмс Веб“, односно дека во иднина ќе може да „намириса“ многу важни гасови како што е метанот. Претходно оваа година, поточно на 12 јули, телескопот откри присуство на вода во атмосферата на планетата WASP-96b, гасен џин оддалечен 1.150 светлосни години.

ВИДЕО: Успешно лансиран најмоќниот вселенски телескоп, ова е неговата мисија

Ивона Петрова — Sat, 25 Dec 2021 13:10:06 +0000

Најголемиот вселенски телескоп „Џејмс Веб“ денеска беше лансиран. Вселенскиот телескоп на НАСА вреден 10 милијарди долари е лансиран на ракетата Ариан-5 во 13:20 часот по средноевропско време. За неговото дизајнирање и изработка потребни биле 30 години, а се смета за еден од најголемите научни потфати на 21 век. Телескопот тежок 6.350 килограми беше изваден од ракетата по лет од 26 минути. Во наредниот месец ќе се движи до својата соларна орбита одалечена околу 1,6 милиони километри од Земјата. Мисијата на „Џејмс Веб“ е да ги дополни откритијата на вселенскиот телескоп Хабл, на кој по 31 година во орбитата му се ближи крајот. „Џејмс Веб“ ќе може да види подлабоко во космосот. Целта е да се видат и некои од првите ѕвезди и галаксијата кои се формирале. Телескопот ќе може да ја испита атмосферата и на одалечените планети за да се види дали има гасови кои може да водат кон присуство на живот.

СЛЕДЕТЕ ВО ЖИВО: Најмоќниот вселенски телескоп подготвен за историски лет, еве што треба да открие

Ивона Петрова — Sat, 25 Dec 2021 10:01:56 +0000

Најголемиот вселенски телескоп „Џејмс Веб“ денеска треба да биде лансиран. Вселенскиот телескоп на НАСА вреден 10 милијарди долари ќе биде лансиран на ракетата Ариан-5. За неговото дизајнирање и изработка потребни биле 30 години, а се смета за еден од најголемите научни потфати на 21 век. Мисијата на „Џејмс Веб“ е да ги дополни откритијата на вселенскиот телескоп Хабл, на кој по 31 година во орбитата му се ближи крајот. „Џејмс Веб“ ќе може да види подлабоко во космосот. Целта е да се видат и некои од првите ѕвезди и галаксијата кои се формирале. Телескопот ќе може да ја испита атмосферата и на одалечените планети за да се види дали има гасови кои може да водат кон присуство на живот.