џејн фонда – Kurir.mk

Актерката Џејн Фонда објави дека е болна од рак

Ивона Петрова — Sat, 03 Sep 2022 10:46:54 +0000

Американската актерка Џејн Фонда (84) објави дека боледува од рак и дека веќе започнала со хемотерпија. Во своето јавно обраќање преку социјалните мрежи, актерката вели дека и е дијагностициран Не-Хочкинов лимфом, но и дека е среќна бидејќи се работи за рак кој може да се излекува. Наведувајќи дека периодот на хемотерапија ќе трае шесеци, таа подвлекува дека нема да престане со својот климатски активизам. Џејн досега ја доби битката со ракот на дојка и карцином на кожата.

View this post on Instagram

A post shared by Jane Fonda (@janefonda)

Има 83 години, а позира за насловната на „Вог“: Џејн Фонда го краси култното списание

Ивана Ефремовски — Thu, 30 Sep 2021 11:44:12 +0000

Џејн Фонда, филмска и телевизиска sвезда која оваа година ќе полни 84 години, се појавува во октомврискиот број на „Вог“, на изданието за Полска. Насловот гласи „Храброст“, а минале точно 62 години откако таа првпат ја красеше насловната страница на култното модно списание. Фонда избра елегантна, целосно црна комбинација за новата насловна страница – блуза и панталони надополнети со шешир, кожен ремен и златен капут. Двократната добитничка на „Оскар“ вели дека е возбудена што ја споделува фотографијата со своите следачи на Инстаграм, припишувајќи заслуги за нејзиниот изглед на стилистката Мери Игнасио, фризерот Џонатан Ханусек и шминкерот Дејвид де Леон. Фонда првпат се најде на насловната страница на „Вог“ во јули 1959 година. Таа инаку, неодамна објави и книга со наслов „Што можам да направам? Патот од климатски очај до акција”, која стана дел од многу книжевни клубови. Покрај тоа, глумицата во моментот е актуелна со седмата сезона на комедијата „Грејс и Френки“ на Нетфликс, во која таа ја глуми главната улога, заедно со Лили Томлин. (МИА)

Таа сигурно е најзгодната старица во светот: Славната актерка уште примамува воздишки (ФОТО)

Ивана Ефремовски — Fri, 26 Mar 2021 19:54:00 +0000

83-годишната актерка Џејн Фонда изгледа фантастично и во деветтата деценија од животот. Таа сними фотосесија за Harper’s Bazaar и повторно ги одушеви фановите со својот изглед. Речиси е неверојатно вака да изгледа една старица, нели?

Стана холивудска ѕвезда уште во 60-тите години на минатиот век – една од најпознатите американски актерки ќе добие Златен глобус за животно дело

Магдалена Андонова — Wed, 27 Jan 2021 09:25:08 +0000

Американската актерка Џејн Фонда ќе биде наградена со Златен глобус за животно дело, поради „нејзиниот непобитен талент кој ѝ носи највисоки признанија“, како што подвлече Холивудската асоцијација на странски новинари (НФПА) – организатор на свеченоста. „Иако нејзиниот професионален живот претрпе многу потреси, таа секогаш ќе остане запомнета по непоколебливата посветеност на промените“, се истакнува во соопштението. Фонда има впечатлива актерска кариера од веќе шест десетлетија. Доделувањето на наградата ќе се случи на годинешната свеченост во Беверли Хилс, Калифорнија, САД, на 28 февруари. Оскаровката дебитираше на големиот екран 1960 година, а подоцна стана, според многумина – една од најсјајните холивудски sвезди, со филмови како „Барбарела“, „Девет до пет“ и „На златното езеро“… Нејзиното последно појавување беше во хумористичната серија на Нетфликс – „Грејс и Френки“. Фонда е и добро позната како политичко-општествена активистка. Во 1960-тите, таа отворено се изјасни против војната во Виетнам… Актерката, која напиша книга за тоа како луѓето можат да бидат поактивни граѓани – беше уапсена неколкупати за време на протестите. Таа неодамна беше активно вклучена и во кампањите против климатските промени. (МИА)