Џејсон Кид – Kurir.mk

НБА го казни Кид за судирот со судиите по исклучувањето на Дончиќ

Бошко Тасиќ — Fri, 23 Dec 2022 18:52:17 +0000

Тренерот на Далас Џејсон Кид, доби казна од НБА-лигата за вербалниот судир со судиите и исклучувањето на натпреварот против Минесота. Кид не беше задоволен од судиските одлуки во текот на поголемиот дел од средбата, а го загуби трпението откако Лука Дончиќ беше исклучен поради втора техничка грешка. Тренерот влета на теренот, имаше што да им каже на судиите, па и тој беше исклучен.Поради испадот, Кид ќе плати 25.000 долари. Медиумите побараа коментар од него за казната, а тој одговори „Веќе загубив 25.000 долари, не сакам да загубам уште повеќе, затоа што тоа ќе се случи ако кажам што мислам“. Далас Маверикс го загуби гостувањето кај Минесота Тимбервулвс со 106-116.

Џејсон Кид за ефикасноста на Дончиќ: Не може да одигра 82 вакви натпревари

Тале Кристо — Wed, 07 Dec 2022 10:33:16 +0000

Тренерот на Далас, Џејсон Кид, смета дека тимот треба да се обиде да го олесни товарот што паѓа врз Лука Дончиќ. Сезонава Словенецот одигра 22 натпревари, поминувајќи рекордни 36:48 минути во просек. Неговите цифри се 33,4 поени, 8,5 скока, 8,5 асистенции и 1,8 украдени топки. – Тој не може да одигра 82 такви натпревари. Никој не може. Премногу го користиме. Знаете, бараме од него да го води нападот, но бараме од него и да се брани. Премногу е. Стабилноста е важна работа што се обидуваме да ја создадеме. Имаме момци кои почнуваат да играат добро. Треба да разбереме како тие можат да помогнат. Поминува многу време на теренот. Се обидуваме да го задржиме подолго на клупата, но тој мора да се врати за да го одржи тимот во игра, изјави Кид. Далас рано утрово го победи Денвер на гостински терен со 116:115. Дончиќ натпреварот го заврши со трипл-дабл 22 поена, 10 скокови и 12 асистенции за 37 минути поминати на теренот.

Џејсон Кид е нов тренер на Далас Маверикс

Бошко Тасиќ — Fri, 25 Jun 2021 21:21:38 +0000

Членот на кошаркарската Куќа на славните, Џејсон Кид е нов тренер на НБА тимот на Далас, јавија денеска американските медиуми. Поранешниот легендарен кошаркар доаѓа на местото на Рик Карлајл, кој минатата недела поднесе оставка на тренерската должност по 13 сезони минати на клупата на Далас, а вчера беше назначен за нов тренер на Индијана. Четириестиосумгодишниот Кид мина дел од својата кариера во Далас, кој го избра како втор пик на драфтот во 1994 година, а потоа го размени во 1998 година. Во Далас се врати во 2008 година и му помогна на тимот да ја освои шампионската титула во 2011. Кид, кој ја заврши кариерата во сезоната 2012/13, е втор кошаркар на вечната листа во НБА лигата според бројот на асистенции (12.091) и „украдени“ топки (2.684). Десет пати беше дел од Ол-стар тимот.