Џејсон Тејтум – Kurir.mk

Тејтум е најмлад кошаркар во историјата на НБА лигата со погодени 1000 „тројки”

Бошко Тасиќ — Sun, 12 Feb 2023 06:55:00 +0000

Бостон го пред своите гледачи Шарлот со 127-116, а кошаркарот на домашниот тим Џејсон Тејтум придонесе во триумфот со 41 поени и стана најмладиот играч во историјата на НБА лигата кој стигнал до бројката од 1.000 погодени „тројки“. Третиот избор на драфтот во 2017 година до рекордот дојде на три недели пред својот 25 роденден. На Тејтум за тоа му беа потребни 418 натпревари одиграни во регуларниот дел од сезоните. На дуелот против Шарлот кошаркарот на Бостон погоди пет „тројки“ од 10 обиди со реализација од поле 13/21.

НБА ја отфрли техничката грешка на Џејсон Тејтум

Дарко Андоновски — Wed, 16 Nov 2022 08:09:59 +0000

НБА ја поништи техничката грешка на кошаркарот на Бостон селтикс, Џејсон Тејтум, објави новинарот на „Бостон Глоуб“, Гери Вошбурн. Контроверзната одлука се случи за време на домашниот натпревар на Селтикси против Оклахома (126:122) во понеделникот. Тејтум го фаулираше Алексеј Покушевски на почетокот на втората четвртина и по досудената лична грешка плесна со рацете, за што судијата му досуди техничка казна. – Сите кои беа во арената и кои го гледаа натпреварот видоа дека сум вознемирен од себе. Ништо не реков, не го ни погледнав судијата. Можете да гледате и да се смеете, им рече Тејтум на новинарите. Бројот на технички Теитуми оваа сезона е намален на три.

Тејтум и Лилард се играчи на неделата

Бошко Тасиќ — Wed, 26 Oct 2022 04:59:31 +0000

Крилниот кошаркар на Бостон, Џејсон Тејтум и бекот на Портланд, Демијен Лилард, се прогласени за најдобри играчи на Истокот и на Западот во првата недела од сезоната. Дваесет и четиригодишниот играч на Селтик му помогна на својот тим да ја започне сезоната со три победи. Тејтум имаше просек од импресивни 34,7 поени, 8,3 скока и 3,0 асистенции во совршениот почеток на Бостон во сезоната 2022-2023. Од друга страна, искусниот плејмејкер на Блејзерси секако беше најзаслужен за сите три победи на тимот од Портланд на почетокот од актуелната сезона, со одличен просек од 34 поени, 5,3 скока и 4,3 асистенции.

Тејтум: По губењето на финалето не излегував од дома три или четири дена по ред

Тале Кристо — Mon, 22 Aug 2022 08:36:53 +0000

Најдобриот кошаркар на Бостон селтикс, Џејсон Тејтум проговори за тоа колку тешко го претрпел поразот во финалната серија од плеј-офот со Голден стејт. Бостон го загуби големото финале со 4:2 и остана без трофејот. – Три или четири дена по последниот натпревар не ми се зборуваше со никој. Бев многу, многу несреќен. Ми требаше време да излезам од оваа депресија и да почнам да уживам во животот, да уживам во комуникацијата со мојот син и семејството. Ова беше тешко. Понекогаш изгледам толку смирено, не знам дали луѓето разбираат колку вложувам во оваа игра, колку ми е грижа за неа, колку напорно работам. Буквално дадов се од себе. Бев исцрпен, а бевме многу блиску до победа. Го изгубив апетитот. Седев дома три или четири дена по ред, кажа Тејтум. Во пресрет на новата сезона во НБА-лигата, букмејкерите во САД на Бостон му даваат најголеми шанси да оствари најдобар резултат во конференцијата.

Тејтум: Бостон знае како да одговори на поразите

Ивона Петрова — Thu, 16 Jun 2022 09:09:14 +0000

Кошаркарот на Бостон селтикс, Џејсон Тејтум пред шестиот меч од финалната серија со Голден Стејт (2-3) потсети дека тимот неколку пати во критичните моменти успеал да им се реваншира на ривалите. – Селтикси знаат како да одговорат на поразите. Ова само по себе не е лесно. Беше неверојатно тешко. Доживеавме неколку болни порази. Беше многу тешко по поразот од Милвоки во натпреварот 5. Разбравме дека сме должни да ги победиме двапати потоа, еднаш на гости. По поразот од Мајами во шестиот натпревар, не ни беше лесно. Но, во овие тешки моменти одговоривме. Не можам да кажам точно зошто. Веројатно поради волјата за победа, поради способноста да се сфати што се случува, изјави Тејтум. Големото финале во НБА-лигата продолжува во три часот по полноќ со шестиот натпревар на кој домаќин ќе биде Бостон. Во случај на победа на Селтикси ќе се игра мајсторка, во спротивно, Голден Стејт ќа го освојат шампионскиот трофеј.

Тејтум во почетната петорка на Ол-стар натпреварот на местото на Дурант

Ивона Петрова — Tue, 08 Feb 2022 08:37:55 +0000

Кошаркарот на Бруклин нетс, Кевин Дурант, ќе го пропушти Ол-стар натпреварот од НБА-лигата поради повреда. Местото на Дурант ќе го заземе играчот на Бостон селтикс Џејсон Тејтум, кој првично беше вклучен во резервите. Тејтум оваа сезона има просек од 25,6 поени, 8,5 скока и 4,1 асистенции по натпревар. Седумдесет и првиот натпревар на сите ѕвезди во НБА-лигата ќе се одржи на 20 февруари во Кливленд

Епски пресврт на Бостон во режија на Тејтум кој постига 60 поени (ВИДЕО)

Бошко Тасиќ — Sat, 01 May 2021 07:00:33 +0000

Џејсон Тејтум постигна 60 поени во најлудиот меч сезонава во НБА лигата и беше лидер во победата на Бостон селтикс од 143;140 против Сан Антонио по едно продолжение. Во „ТД Гарден“ се случи третиот најголем пресврт во историјата на кошарката, откако кошаркарите на Бостон анулираа негатива од 32 поени разлика, се изборија за продолжение и победија. https://twitter.com/i/status/1388319052515483648 Ноќта со 8 НБА натпревари ја одбележа и кам-бекот на Леброн Џејмс по пауза од шест недели, но Лејкерс не успеаја да му приредат победнички дочек на Кралот на кошарката и загубија со 106:110 од Сакраменто кингс. Леброн настапи на нешто повеќе од 31 минута и постигна 16 поени, со 8 скока и 7 асистенции. Резултати: Бостон – Сан Антонио 143:140 по продолженија, Филаделфија – Атланта 126:104, Кливленд – Вашингтон 93:122, Бруклин – Портланд 109:128, Мемфис – Орландо 92:75, Чикаго – Милвоки 98:108, Феникс – Јута 121:100, Л.А. Лејкерс – Сакраменто 106:110.

Тејтум: Планирам да останам во Бостон многу долго

Магдалена Андонова — Thu, 26 Nov 2020 12:07:10 +0000

Напаѓачот на Бостон селтикс, Џејсон Тејтум искажа желба за продолжување на договорот со клубот. – Јас сум неверојатно благодарен на Селтикс и на градот Бостон за оваа можност. Го сакам овој град, организацијата и најдобрите фанови во НБА. Планирам да останам тука многу долго, рече Тејтум. Според неофицијални информации, договорот е на пет години, време за кое играчот ќе заработи 195 милиони долари. (МИА)

Тејтум: Не знам како ќе се справиме со Леброн

Даниел Василев — Thu, 10 May 2018 17:33:06 +0000

Младиот кошаркар на Бостон селтикс, Џејсон Тејтум изјави дека никој не очекувал тие да стигнат до финалето на Источната конференција. Бостон во полуфиналната серија ја совлада Филаделфија севентисиксерс со 4:1, а во финалето ќе играат против Кливленд кавалирс, кои ги предводи Леброн Џејмс.

- Ова ми е прва година и не знам како ќе се справиме со Леброн. Сега ќе уживам во победата над Филаделфија, а кога ќе почнат тренинзите ќе размислувам за тоа, истакна 20-годишниот играч на Бостон.

Леброн Џејмс е доминатен играч во плејофот со просек од 34,3 поени, девет скокови и седум асистенции по натпревар.

- Играме со срце, а имаме и многу талентирани играчи во тимот. Никој не очекуваше да стигнеме толку далеку, потенцира Тејтум.

Играчот на Бостон постигна 25 поени на петтиот натпревар и стана третиот играч во историјата на НБА плејофот кој постигнал +25 поени на 20 или помалку години. МИА